News April 16, 2025

ASF: గ్రేట్.. 40 నిమిషాల్లోనే దొంగను పట్టుకున్నారు

image

ఆసిఫాబాద్‌కు చెందిన మీర్అలీ తన స్కూటీలో పెట్టిన రూ.36 వేలు నగదును దొంగలు ఎత్తుకెళ్లడంతో ASF పోలీస్ స్టేషన్‌లో ఫిర్యాదు చేశారు. వెంటనే ASF CI రవీందర్ పోలీస్ సిబ్బందితో కలసి చాకచక్యంగా వ్యవహరించి 40 నిమిషాల వ్యవధిలోనే దొంగను పట్టుకున్నారు. అరెస్టు చేసి అతడి నుంచి రూ.36 వేలు నగదును స్వాధీనం చేసుకున్నారు. ఆసిఫాబాద్ పోలీస్ సిబ్బందిని ఎస్పీ అభినందించారు.

Similar News

News November 30, 2025

HYD: ఈ జోన్లలోకి రానున్న మున్సిపాలిటీలు

image

నగర శివారులోని 20 పురపాలికలు, 7 నగరపాలక సంస్థలు GHMCలో విలీనం అవుతుండటంతో మున్సిపల్ కార్యాలయాలు ఇక GHMC సర్కిల్ కార్యాలయాలుగా రూపాంతరం చందనున్నాయి. ఆర్డినెన్స్, జీవోల ద్వారా ప్రభుత్వం విలీనం ప్రకటించగానే పురపాలికలు సర్కిళ్లుగా మారి దగ్గరలోని సంబంధిత జోన్ల పరిధిలో రానున్నాయి. ఎల్బీనగర్ జోన్‌లోకి ఆదిభట్ల, మీర్‌పేట్, బడంగ్‌పేట్, తుర్కయంజాల్, పెద్దఅంబర్‌పేట్, పీర్జాదిగూడ, పోచారం, ఘట్కేసర్ రానున్నాయి.

News November 30, 2025

రెండో విడత నామినేషన్‌కు విస్తృత ప్రచారం కల్పించాలి: కలెక్టర్

image

నేటి నుంచి రెండో విడత పంచాయితీ ఎన్నికల నామినేషన్ ప్రక్రియ ప్రారంభం కానున్న నేపథ్యంలో రిటర్నింగ్ అధికారులు ఫారం నంబర్ -1 నుంచి 10 వరకు ప్రతి అంశంపై అవగాహన కలిగి ఉండాలని కలెక్టర్ రాజర్షి షా అన్నారు. కలెక్టర్ క్యాంపు కార్యాలయంలో అధికారులతో వీడియో కాన్ఫరెన్స్ నిర్వహించి పలు సూచనలు జారీ చేశారు. ప్రజల నుంచి ఎక్కువ నామినేషన్లు వచ్చే విధంగా అవగాహన కల్పించాలని అధికారులను ఆదేశించారు.

News November 30, 2025

ములుగు: మొదటి విడత ఎన్నికలకు 294 నామినేషన్లు

image

జిల్లాలో మొదటి విడత స్థానిక సంస్థల ఎన్నికలు మూడు మండలాలకు నిర్వహించనున్నారు. మొదటి విడత నామినేషన్ ప్రక్రియ నిన్నటితో ముగియగా ఏటూరునాగారం మండలంలో 12 జీపీలకు గాను సర్పంచ్-84, తాడ్వాయి మండలంలో 18 జీపీలకు గాను 119, గోవిందరావుపేట మండలం 18 జీపీలకు గాను -91 నామినేషన్లు దాఖలు అయినట్టుగా అధికారులు వెల్లడించారు. వీరికి డిసెంబర్ 11వ తేదీన ఎన్నికలు జరగనున్నాయి.