News March 23, 2024
ASF: ఈ నెల 19 మిస్సింగ్.. ప్రాజెక్ట్‌లో మృతదేహాం లభ్యం
ఆసిఫాబాద్‌లోని అడా ప్రాజెక్టులో ఈరోజు ఓ వ్యక్తి మృతదేహాం లభ్యమైనట్లు పోలీసులు తెలిపారు. తెల్లారం కంచరగూడ గ్రామానికి చెందిన రాజ్ కుమార్(28) ఆటో డ్రైవర్‌గా పని చేస్తున్నాడు. ఈ నెల 19న ఆటోలో బయటికి వెళ్లిన అతడు తిరిగి ఇంటికి రాలేదు. దీంతో అతడి తండ్రి రాజు పోలీసులకు ఫిర్యాదు చేశారు. కేసు నమోదు చేసిన పోలీసులు విచారణ చేపట్టగా ఈరోజు అడా ప్రాజెక్టులలో మృతదేహాం లభ్యమైనట్లు వెల్లడించారు.
Similar News
News October 23, 2025
ఉట్నూర్: రోడ్డు ప్రమాదంలో ఇద్దరు దుర్మరణం
మంచిర్యాల జిల్లా జన్నారం మండలం ఇందన్ పల్లి ఐబీ వద్ద ఘోర రోడ్డు ప్రమాదం జరిగింది. గురువారం మధ్యాహ్నం ఎదురెదురుగా బొలెరో వాహనం, బైక్ ఢీకొన్నాయని స్థానికులు తెలిపారు. ఈ ప్రమాదంలో ఉట్నూర్ మండలం ఘన్పూర్ గ్రామానికి చెందిన అంకన్నతో పాటు మరో వ్యక్తి అక్కడికక్కడే మృతి చెందారు. సమాచారం అందుకున్న పోలీసులు ఘటన స్థలానికి చేరుకున్నారు. ఈ ప్రమాదానికి సంబంధించిన మరిన్ని వివరాలు తెలియాల్సి ఉంది.
News October 23, 2025
ఆదిలాబాద్: కరాటే మాస్టర్లు…ఇది మీకోసమే
విద్యార్థులకు కరాటే శిక్షణ నేర్పడానికి కరాటే మాస్టర్లు ఈనెల 23 నుంచి 30 వరకు జిల్లా విద్యాశాఖాధికారి కార్యాలయంలో దరఖాస్తులు చేసుకోవాలని DEO ఖుష్బూ గుప్తా పేర్కొన్నారు. ఆదిలాబాద్‌లో పాఠశాల వారీగా దరఖాస్తులు చేసుకోవాలని సూచించారు. స్థానికత, బ్లాక్ బెల్ట్ సర్టిఫికెట్, పూర్వపు అనుభవం వారి ప్రతిభ ఆధారంగా కరాటే మాస్టర్లను ఎంపిక చేస్తామన్నారు. మహిళా కరాటే మాస్టర్లకు ప్రాధాన్యత ఉంటుందని పేర్కొన్నారు.
News October 23, 2025
వయోవృద్ధులకు సేవ చేయడమే నిజమైన పూజ: కలెక్టర్
బోరిగామ జడ్పీఎస్‌ఎస్‌లో ‘ఆరోగ్య పాఠశాల’లో భాగంగా, ‘హెల్ప్‌ ఏజ్‌ ఇండియా’ నిర్వహించిన ‘గ్రాండ్‌ పేరెంట్స్‌ పాద పూజ’ కార్యక్రమంలో జిల్లా కలెక్టర్ రాజర్షి షా పాల్గొన్నారు. వయోవృద్ధులకు సేవ చేయడమే నిజమైన పూజ అన్నారు. అనంతరం వృద్ధుల సంక్షేమం, సమస్యల పరిష్కారంపై జరిగిన వర్క్‌షాప్‌లో మాట్లాడారు. ఈ కార్యక్రమాలలో డీడబ్ల్యూఓ మిల్కా, అధికారులు, ఉపాధ్యాయులు, విద్యార్థులు పాల్గొన్నారు.