News November 22, 2024
అసెంబ్లీ నిరవధిక వాయిదా
AP: రాష్ట్ర అసెంబ్లీని నిరవధికంగా వాయిదా వేస్తున్నట్లు స్పీకర్ అయ్యన్నపాత్రుడు ప్రకటించారు. 10 రోజులపాటు కొనసాగిన సభలో మొత్తం 21 ప్రభుత్వ బిల్లులకు ఆమోదం లభించింది. 75 ప్రశ్నలకు మంత్రులు సమాధానాలు ఇచ్చారు. మొత్తం 59 గంటల 57 నిమిషాల పాటు సభ కొనసాగింది. ప్రతిపక్ష హోదా ఇవ్వనందుకు వైసీపీ ఈ సమావేశాలను బహిష్కరించింది.
Similar News
News January 31, 2026
రూ.5వేల కోట్ల విలువైన ప్రభుత్వ భూములను లాగేశారు: జగన్
AP: విశాఖలో చంద్రబాబు, ఆయన కుటుంబం దాదాపు రూ.5వేల కోట్ల విలువైన ప్రభుత్వ భూములను లాగేసుకుందని మాజీ సీఎం జగన్ ఆరోపించారు. రుషికొండ సమీపంలోని 54.79 ఎకరాల భూములను ఎంపీ భరత్కు కట్టబెట్టేశారని ట్వీట్ చేశారు. లోకేశ్కు ఎలాంటి అధికార పరిధి లేకపోయినా తోడల్లుడికి కేటాయించేలా చేశారని తెలిపారు. ఆ తర్వాత చంద్రబాబు ఒత్తిళ్లతో GVMC సభ్యులను భయపెట్టి ఏకపక్షంగా ఆమోదించుకున్నారని పేర్కొన్నారు.
News January 31, 2026
ఈ అలవాట్లతో గుండె ఆరోగ్యానికి రిస్క్!
చిన్న పొరపాట్లు గుండె ఆరోగ్యాన్ని రిస్క్లో పెడతాయని వైద్యులు చెబుతున్నారు. తినే ఆహారం, నిద్రపోయే సమయం, డైలీ రొటీన్ పనులు హార్ట్ హెల్త్ను ప్రభావితం చేస్తాయి. రోజూ 6-8 గం. పాటు నాణ్యమైన నిద్ర లేకపోతే గుండె ఆరోగ్యం ప్రమాదంలో ఉన్నట్టే. కుర్చీ, సోఫా, డ్రైవింగ్ సీట్లో పగటిపూట ఎక్కువ సమయం కూర్చొనే వారికి హార్ట్ రిలేటెడ్ సమస్యలు వచ్చే ఛాన్సుంది. ఒత్తిడి, టెన్షన్ శరీర ఆరోగ్యాన్ని దెబ్బతీస్తాయి.
News January 31, 2026
10 రోజుల్లో కొత్త సినిమా అప్డేట్: అనిల్
కొత్త సినిమాపై మరో 10-15 రోజుల్లో అప్డేట్ ఇస్తానని డైరెక్టర్ అనిల్ రావిపూడి తెలిపారు. మూవీపై ప్రస్తుతం చర్చలు జరుగుతున్నాయని చెప్పారు. తిరుమల శ్రీవారిని దర్శించుకున్నాక ఆయన మీడియాతో మాట్లాడారు. తన తర్వాతి మూవీ వెంకటేశ్తో తీస్తున్నారని, కార్తీ లేదా ఫహాద్ ఫాజిల్ నటించే అవకాశం ఉందని సినీవర్గాల టాక్. ఇటీవల చిరంజీవి హీరోగా ‘మన శంకర వరప్రసాద్గారు’ చిత్రంతో అనిల్ సూపర్ హిట్ అందుకోవడం తెలిసిందే.