News April 5, 2025
3 అంతస్తుల్లో అసెంబ్లీ, 7 అంతస్తుల్లో హైకోర్టు: చంద్రబాబు
AP: అమరావతి నిర్మాణం కోసం మిగతా నిధులను వివిధ కార్పొరేషన్ల నుంచి సమీకరించేందుకు CRDAకు అనుమతిస్తూ దానిపై సమీక్షలో CM చంద్రబాబు నిర్ణయం తీసుకున్నారు. అసెంబ్లీ(L&T), హైకోర్టు(NCC) నిర్మాణాల టెండర్లు దక్కించుకున్న సంస్థలకు లెటర్ ఆఫ్ యాక్సెప్టెన్స్ ఇచ్చారు. అసెంబ్లీని బేస్‌మెంట్+G+3+వ్యూ పాయింట్లు+పనోరమిక్ వ్యూ, హైకోర్టు బేస్ మెంట్ + G + 7 అంతస్తుల్లో 55 మీటర్ల ఎత్తులో నిర్మించేందుకు ఆమోదం తెలిపారు.
Similar News
News November 29, 2025
ప్రాణం తీసిన ఇంటర్వ్యూ.. 28ఏళ్ల తర్వాత ప్రతీకారం!
TG: సిరిసిల్ల(D)లో మాజీ మావోయిస్టు సిద్ధయ్య(58) ఊహించని రీతిలో హత్యకు గురవడం చర్చనీయాంశమైంది. మావోయిస్టుగా ఉన్నప్పుడు తాను చేసిన హత్యల గురించి సిద్ధయ్య ఓ యూట్యూబ్ ఇంటర్వ్యూలో చెప్పాడు. 1997లో ఇన్ఫార్మర్‌గా పనిచేస్తున్నాడన్న కారణంతో JGLకు చెందిన అంజయ్యను చంపానన్నాడు. ఇది చూసిన అంజయ్య కొడుకు సంతోష్ ఇంటర్వ్యూ కోసం సిద్ధయ్యను సంప్రదించి, అగ్రహారం గుట్టల్లోకి తీసుకెళ్లి తలపై బండరాయితో కొట్టి చంపేశాడు.
News November 29, 2025
మిరపలో ఎండు తెగులును ఎలా నివారించాలి?
ఎండు తెగులు ఆశించిన మిరప మొక్క ఆకులు పైకి లేదా లోపలికి ముడుచుకుపోతాయి. మొదట్లో ఆకులు కొద్దిగా పసుపు రంగులోకి మారడం, వాడిపోవడం జరిగి కొన్ని రోజుల్లో మొక్కలు వడలిపోయి, పడిపోయి చనిపోతాయి. ఎండు తెగులు నివారణకు 200 లీటర్ల నీటిలో కాపర్ ఆక్సిక్లోరైడ్ 50% WP-1000 గ్రాములను కలిపి పిచికారీ చేయాలి. కిలో విత్తనానికి 4 గ్రాముల ట్రైకోడెర్మావిరిడి లేదా 2 గ్రాముల కార్బెండజిమ్‌తో విత్తనశుద్ధి చేయాలి.
News November 29, 2025
సీఎం స్వగ్రామంలో ‘సర్పంచ్’ ఏకగ్రీవం!
TG: సీఎం రేవంత్ రెడ్డి స్వగ్రామం నాగర్‌కర్నూల్ జిల్లా వంగూరు మండలం కొండారెడ్డిపల్లి పంచాయతీ ఎన్నిక దాదాపు ఏకగ్రీవం కానుంది. ఇక్కడ సర్పంచ్ స్థానం ఎస్సీకి రిజర్వ్ అయింది. దీంతో మల్లెపాకుల వెంకటయ్య అనే వ్యక్తిని ఏకగ్రీవంగా ఎన్నుకోవాలని స్థానిక నాయకులు, ఓటర్లు తీర్మానించినట్లు తెలుస్తోంది. ఇవాళే నామినేషన్లకు చివరిరోజు కావడంతో సర్పంచ్, వార్డు సభ్యులుగా ఒక్కో నామినేషన్ దాఖలు చేసేందుకు సిద్ధమయ్యారు.