News March 3, 2025
రెండో వారంలో అసెంబ్లీ సమావేశాలు?
TG: అసెంబ్లీ బడ్జెట్ సమావేశాలు మార్చి 2వ వారంలో ప్రారంభమయ్యే అవకాశం ఉంది. CM రేవంత్ అధ్యక్షతన MAR 6న జరిగే క్యాబినెట్ సమావేశంలో దీనిపై నిర్ణయం తీసుకోనున్నారు. 8 లేదా 10 నుంచి సభ ప్రారంభించి ఏప్రిల్ 3 వరకు నిర్వహించే ఆలోచనలో ప్రభుత్వం ఉన్నట్లు తెలుస్తోంది. బడ్జెట్ ప్రవేశపెట్టడంతో పాటు కులగణన నివేదిక, ఎస్సీ వర్గీకరణ, బీసీలకు 42శాతం రిజర్వేషన్ల బిల్లులనూ ఈ సమావేశాల్లో ప్రవేశపెట్టనున్నట్లు సమాచారం.
Similar News
News December 14, 2025
ఇంటర్ ఫస్టియర్ పరీక్షల్లో భారీ మార్పులు
AP: ఇంటర్ ఫస్టియర్ పరీక్షా విధానంలో బోర్డు మార్పులు చేసింది. గతంలో 6 సబ్జెక్టులు(ఇంగ్లిష్-100, లాంగ్వేజెస్-100, మ్యాథ్స్A-75, మ్యాథ్స్B-75, ఫిజిక్స్-60, కెమిస్ట్రీ-60, బోటనీ-60, జువాలజీ-60) ఉండగా ఈసారి ఐదుకు కుదించింది. ఇంగ్లిష్-100, లాంగ్వేజెస్-100, మ్యాథ్స్-100, ఫిజిక్స్-85, కెమిస్ట్రీ-85, బయాలజీ(బోటనీ+జువాలజీ)-85 మార్కులు ఉంటాయి. సెకండియర్లో 30 మార్కులకు ప్రాక్టికల్స్ ఉంటాయి.
News December 14, 2025
చీనీ తోటలకు కలుపు మందులతో ముప్పు
చీనీ తోటల్లో రసాయన ఎరువులు, పురుగు మందులు, కలుపు మందుల వల్ల చెట్లలో వైరస్ ముప్పు పెరుగుతోంది. దీని వల్ల ఎండు తెగులు, వేరుకుళ్లు, పొలుసు పురుగు, నల్లి, మంగు, బంక తెగులు లాంటి చీడపీడలు పెరిగిపోతున్నాయి. ముఖ్యంగా కలుపు మందులతో తోటల జీవితకాలం తగ్గడంతో పాటు చెట్లు చనిపోతున్నట్లు వ్యవసాయ నిపుణులు గుర్తించారు. ట్రాక్టర్ లేదా కూలీలతో కలుపు తీయిస్తే భూమి గుల్లబారి పంటకు మేలు జరుగుతుందంటున్నారు నిపుణులు.
News December 14, 2025
చికెన్ కిలో ధర ఎంతంటే?
APలోని VJAలో చికెన్ స్కిన్లెస్ కేజీ ₹270, స్కిన్ ₹260గా ఉంది. గుంటూరు(D) కొల్లిపరలో స్కిన్ చికెన్ కేజీ ₹240, స్కిన్ లెస్ రూ.260గా అమ్ముతున్నారు. నరసరావుపేటలో కేజీ స్కిన్ లెస్ ₹250, స్కిన్తో ₹260గా ఉంది. TGలోని హైదరాబాద్లో స్కిన్లెస్ ₹260-₹280, స్కిన్తో ₹240-₹260గా అమ్ముతున్నారు. కామారెడ్డిలో చికెన్ కిలో ₹250, మటన్ కిలో ₹800 పలుకుతోంది. మీ దగ్గర రేట్లు ఎలా ఉన్నాయి? Comment.