News July 12, 2024
మంత్రిగా బాధ్యతలు చేపట్టిన అచ్చెన్నాయుడు
AP: రాష్ట్ర వ్యవసాయశాఖ మంత్రిగా కింజరాపు అచ్చెన్నాయుడు బాధ్యతలు స్వీకరించారు. ‘పొలం పిలుస్తోంది’ ఫైల్‌పై ఆయన తొలి సంతకం చేశారు. ఈ సందర్భంగా ఆయన మాట్లాడుతూ ‘ఈ నెల 23 నుంచి ‘పొలం పిలుస్తోంది’ ప్రారంభం కానుంది. అధికారులు రైతుల వద్దకే వెళ్లి అన్ని విషయాలపై అవగాహన కల్పిస్తారు. రైతులు తమ సమస్యలు ప్రభుత్వం దృష్టికి తేవాలి’ అని ఆయన పిలుపునిచ్చారు.
Similar News
News November 2, 2025
రేపటి నుంచి కాలేజీల బంద్!
TG: ఫీజు రీయింబర్స్‌మెంట్ బకాయిలపై ప్రభుత్వం ఇవాళ నిర్ణయం తీసుకోకపోతే రేపట్నుంచి బంద్‌‌కు దిగుతామని తెలంగాణ ఉన్నత విద్యాసంస్థల సమాఖ్య అల్టిమేటం జారీ చేసింది. దసరాకు ముందే రూ.1,200CR విడుదల చేస్తామని చెప్పి రూ.300CR రిలీజ్ చేశారని తెలిపాయి. ఫీజు బకాయిలు చెల్లించేవరకు కాలేజీలు తెరవబోమని, ఈ నెల 6న లక్షన్నర మందితో HYDలో సభ నిర్వహిస్తామని చెప్పింది. దీంతో ప్రభుత్వం ఇవాళ ఏ మేరకు స్పందిస్తుందో చూడాలి.
News November 2, 2025
AVNLలో 98 పోస్టులు…అప్లైకి ఇవాళే లాస్ట్ డేట్
చెన్నైలోని ఆర్మ్‌డ్ వెహికల్ నిగమ్ లిమిటెడ్(AVNL) హెవీ వెహికల్ ఫ్యాక్టరీలో 98 కాంట్రాక్ట్ జూనియర్ టెక్నీషియన్ పోస్టులకు అప్లై చేయడానికి ఇవాళే ఆఖరు తేదీ. టెన్త్, NAC/NTC/STC ట్రేడ్ సర్టిఫికెట్‌తో పాటు పని అనుభవం గలవారు అప్లై చేసుకోవచ్చు. దరఖాస్తు ఫీజు రూ.300, SC, ST, PwBD, మహిళలకు ఫీజు నుంచి మినహాయింపు ఉంది. షార్ట్ లిస్టింగ్, డాక్యుమెంట్ వెరిఫికేషన్, ట్రేడ్ టెస్ట్ ద్వారా ఎంపిక చేస్తారు.
News November 2, 2025
T20Iలకు కేన్ మామ గుడ్ బై
NZ క్రికెట్ జట్టు మాజీ కెప్టెన్ విలియమ్సన్ T20Iలకు రిటైర్మెంట్ ప్రకటించారు. 2011లో T20ల్లో డెబ్యూ చేసిన ఆయన 93 మ్యాచుల్లో 2,575 రన్స్ చేశారు. ఇందులో 18 హాఫ్ సెంచరీలున్నాయి. అత్యధిక స్కోర్ 95. కివీస్ తరఫున 75 మ్యాచులకు కెప్టెన్సీ చేశారు. షార్టెస్ట్ ఫార్మాట్‌కు వీడ్కోలు పలికేందుకు తనతో పాటు జట్టుకూ ఇదే సరైన సమయమని కేన్ తెలిపారు. దీంతో రానున్న T20WC ప్రిపరేషన్‌కు జట్టుకు క్లారిటీ వస్తుందన్నారు.