News November 22, 2024
కేజ్రీవాల్ కంటే ఆతిశీ వెయ్యి రెట్లు నయం: LG
ఆప్ ప్ర‌భుత్వంతో నిత్యం త‌గువుకు దిగే LG సక్సేనా మొదటి సారి CM ఆతిశీని ప్ర‌శంసించారు. IGDT మ‌హిళా యూనివ‌ర్సిటీ స్నాత‌కోత్స‌వంలో ఆయ‌న మాట్లాడారు. ‘లింగ భేదాన్ని నిలువ‌రించి ఇత‌రుల‌తో స‌మానంగా మహిళలు అన్ని రంగాల్లో నిరూపించుకోవాలి. ఈ రోజు ఢిల్లీ సీఎం మహిళ అయినందుకు సంతోషిస్తున్నా. గ‌త పాల‌కుడి(కేజ్రీవాల్) కంటే ఆమె వెయ్యి రెట్లు నయం’ అన్నారు. LG వ్యాఖ్యలు రాజ‌కీయ వ‌ర్గాల్లో చ‌ర్చ‌కు దారితీశాయి.
Similar News
News November 30, 2025
ఆపరేషన్ సిందూర్ ఇంకా కొనసాగుతోంది: నేవీ చీఫ్
ఆపరేషన్ సిందూర్ ఇప్పటికీ కొనసాగుతోందని నేవీ చీఫ్ అడ్మిరల్ దినేశ్ త్రిపాఠి తెలిపారు. ముందస్తు హెచ్చరికలు లేకుండానే ఘర్షణలు చెలరేగవచ్చని హెచ్చరించారు. 24 గంటలూ సిద్ధంగా ఉండాలని, అన్ని దళాల్లో వైమానిక రక్షణ అవసరమని అన్నారు. పాకిస్థాన్ నేవీ తమ హార్బర్లకే పరిమితం అయ్యేలా చేశామని వెల్లడించారు. సముద్ర మార్గాలను కాపాడుతూ ఇండో పసిఫిక్ అంతటా నేవీ కార్యకలాపాలు కొనసాగిస్తోందని చెప్పారు.
News November 30, 2025
ఇంటిని ఈశాన్య మూలలో నిర్మించవచ్చా?
‘కొన్ని స్థలాల్లో ఈశాన్యం పల్లంగా, ఖాళీగా ఉండి, మిగిలిన దిశలు ఇంటి నిర్మాణానికి అనుకూలంగా ఉండవు. అలాంటప్పుడు ఈశాన్యంలో ఇల్లు కట్టవచ్చా’ అనే ప్రశ్నకు వాస్తు నిపుణులు కృష్ణాదిశేషు ఇలా జవాబిచ్చారు. ‘ఇతర మూలలు అనుకూలం కాని పక్షంలో ఈశాన్య దిశలో ఇంటి నిర్మాణం చేపట్టడంలో ఎలాంటి దోషం ఉండదు. కానీ, భవిష్యత్తును దృష్టిలో పెట్టుకొని వాస్తు నిపుణుల సలహాతో నిర్మాణం ప్రారంభించడం మంచిది’ అని సూచించారు. <<-se>>#Vasthu<<>>
News November 30, 2025
మీ ఇంట్లో మీరు మొదటి సంతానమా?
ఏ ఇంట్లో అయినా పెద్ద అమ్మాయి/అబ్బాయికి చిన్నతనం నుంచే ఎక్కువ బాధ్యతలు ఉంటాయి. వారు తమ తోబుట్టువుల సమస్యలు పరిష్కరించడం, సహాయం చేయడంతో పాటు మెచ్యూర్‌గా ఉంటారు. సైకాలజీలో దీన్ని “పేరెంటిఫికేషన్” అంటారు. దీనివల్ల ఇండిపెండెంట్ నేచర్ పెరుగుతుంది. కానీ చిన్న వయసులోనే బాధ్యతల ఒత్తిడి వల్ల ప్రతికూల ప్రభావాలు కూడా ఉంటాయి. తల్లిదండ్రులు తమ పిల్లలకు సమానమైన మద్దతు, ప్రేమ ఇవ్వాలని నిపుణులు సూచిస్తున్నారు.