News November 19, 2024
ATP: ఉపాధ్యాయ పోస్టుల భర్తీకి దరఖాస్తుల ఆహ్వానం
ఉమ్మడి అనంతపురం జిల్లాలోని అంబేడ్కర్ గురుకుల పాఠశాలల్లో ఖాళీగా ఉన్న ఉపాధ్యాయ పోస్టులను కాంట్రాక్టు ప్రాతిపదికన భర్తీ చేయడానికి దరఖాస్తులు ఆహ్వానిస్తున్నట్లు జిల్లా కన్వీనర్ ఉదయ శ్రీ ఓ ప్రకటనలో తెలిపారు. ఈ నెల 21న కురుగుంట బాలికల గురుకుల పాఠశాలలో డెమో నిర్వహించి ఎంపిక చేస్తామని తెలిపారు. ఆసక్తి ఉన్న వారు ఒరిజినల్ సర్టిఫికెట్‌లతో హాజరుకావాలని కోరారు.
Similar News
News December 13, 2024
పెనుకొండ బాబయ్య స్వామి చరిత్ర.. (1/1)
పెనుకొండ బాబయ్య స్వామి 752వ గంధం, ఉరుసు మహోత్సవాలు ప్రారంభమయ్యాయి. కాగా బాబా ఫకృద్దీన్ జన్మస్థలం ఇరాన్‌ దేశం. చక్రవర్తిగా రాజ్యపాలన చేస్తున్న సమయంలో చేసిన తప్పునకు పశ్చాత్తాపంతో గురువుల ఆదేశానుసారం ఇరాన్‌ను వీడుతారు. దేశాలన్నీ తిరుగుతూ తమిళనాడులోని తిరుచనాపల్లికి చేరతారు. అక్కడ సత్తేహార్‌ తబ్రే ఆలం బాద్‌షాను గురువుగా పొందుతారు. ఆయన వేపపుల్ల ఇచ్చి పెనుకొండకు వెళ్లమని బాబాను ఆదేశిస్తారట. <<14864905>>Cont’d..<<>>
News December 13, 2024
అప్పటి నుంచి ఏటా ఉరుసు ఉత్సవాలు (1/2)
అలా <<14864840>>బాబా<<>> ఫకృద్దీన్ పెనుకొండ శివారులోని ఓ మంటపంలోకి చేరుకుంటారు. ప్రజలకు ప్రేమను పంచుతూ మతసామరస్యాన్ని వివరించేవారు. బాబయ్య స్వామిగా పేరొంది ప్రజలను ఆశీర్వదించేవారు. అయితే గురువు ఇచ్చిన వేపపుల్లను రోజూ తలకింద పెట్టుకుని నిద్రపోయేవారట. ఒక రోజు ఆ వేపపుల్ల చిగురించడంతో ఇదే తన నివాసమని భావిస్తారు. క్రీస్తుశకం 694లో పరమదించడంతో అక్కడే సమాధి చేశారు. అప్పటి నుంచి ఏటా ఉరుసు ఉత్సవాలను నిర్వహిస్తున్నారు.
News December 13, 2024
కుటుంబ కలహాలతో ఆ ఇంట పెను విషాదం
కుటుంబ కలహాలు తల్లీ, కొడుకు ప్రాణాలు తీశాయి. కూతురి పరిస్థితి విషమంగా ఉంది. ఈ ఘటన గార్లదిన్నె మండలంలో జరిగింది. ఎర్రగుంట్లకు చెందిన సురేశ్, సుజాత(38) దంపతుల మధ్య కొన్ని రోజులుగా గొడవలున్నాయి. అవి తారాస్థాయికి చేరుకోవడంతో నిన్న ఉదయం ఆమె విష గుళికలు తీసుకున్నారు. నిద్రపోతున్న తన కుమారుడు చైతన్య, కుమార్తె రహిత్యకు వాటిని తినిపించారు. ఈ ఘటనలో తల్లీ, కుమారుడు మరణించారు. రహిత్య పరిస్థితి విషమంగా ఉంది.