News November 19, 2024
ATP: ఉద్యోగాల పేరిట మోసం.. ముగ్గురి అరెస్ట్
ప్రభుత్వ ఉద్యోగాలు ఇప్పిస్తామని నమ్మబలికి నిరుద్యోగుల నుంచి రూ.15లక్షలు వసూలు చేసి మోసం చేసిన ముగ్గురు వ్యక్తులను గుత్తి పోలీసులు అరెస్టు చేశారు. కర్నూలుకు చెందిన సునీత, అన్నమయ్య జిల్లాకు చెందిన ప్రసాద్ రెడ్డి, బాబ్జాన్ సాహెబ్‌లు గుత్తికి చెందిన నిఖిల్‌తో పాటు మరి కొంతమందికి ఉద్యోగాలు ఇప్పిస్తామని డబ్బులు వసూలు చేశారు. ఉద్యోగాలు రాకపోవడంతో బాధితులు పోలీసులను ఆశ్రయించారు. నిందితులను అరెస్ట్ చేశారు.
Similar News
News December 26, 2024
30 నుంచి దేహదారుఢ్య పరీక్షలు: అనంత ఎస్పీ
పోలీస్ కానిస్టేబుల్ అభ్యర్థులకు దేహదారుఢ్య పరీక్షలను ప్రణాళికాబద్ధంగా నిర్వహించాలని అనంతపురం జిల్లా ఎస్పీ జగదీశ్ అధికారులను ఆదేశించారు. ఎస్పీ కార్యాలయంలో ఆయన సమావేశం నిర్వహించారు. ఎస్పీ మాట్లాడుతూ.. పోలీస్ కానిస్టేబుల్ ఉద్యోగ అభ్యర్థులకు ఈ నెల 30 నుంచి జనవరి 17 వరకు నీలం సంజీవరెడ్డి మైదానంలో దేహదారుఢ్య పరీక్షలు నిర్వహిస్తున్నట్లు తెలిపారు. పురుషులు 5,242, మహిళలు 1,237 మంది హాజరవుతారని అన్నారు.
News December 26, 2024
ధాన్యం కొనుగోలు కొనసాగించండి: రాయదుర్గం ఎమ్మెల్యే
అనంతపురం జిల్లాలో రైతులు పండించిన వరి ధాన్యాన్ని, ప్రభుత్వం ప్రకటించిన ధరతో సకాలంలో కొనుగోలు చేయాలని జిల్లా పౌరసరఫరాల శాఖ అధికారులను ప్రభుత్వ విప్ కాలవ శ్రీనివాసులు ఆదేశించారు. గురువారం ఆయన సంబంధిత అధికారులు డీఎం రమేశ్ రెడ్డి, ప్రసాద్ బాబు, డీటీ సుబ్రహ్మణ్యంలతో ధాన్యం సేకరణపై సమీక్ష నిర్వహించారు. రాయదుర్గం, శింగనమల నియోజకవర్గాలలో గిట్టుబాటు ధర లేక రైతులు తీవ్ర ఇబ్బందులు పడుతున్నారని అన్నారు.
News December 26, 2024
నల్లచెరువు: ఉరేసుకొని యువకుడి ఆత్మహత్య
నల్లచెరువు మండలం పరిధిలోని కే పూలకుంట గ్రామంలో విషాదకర సంఘటన చోటు చేసుకుంది. గ్రామానికి చెందిన హరి(33) అనే యువకుడు ఇంట్లో ఉరేసుకొని ఆత్మహత్య చేసుకున్నాడు. విషయం గమనించిన స్థానికులు పోలీసులకు సమాచారం అందించారు. పోలీసులు సంఘటనా స్థలానికి చేరుకుని విచారణ చేపట్టారు. ఆత్మహత్యకు గల పూర్తి వివరాలు తెలియాల్సి ఉంది.