India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 29, 2024
నటుడికి వేధింపులు.. డైరెక్టర్‌పై కేసు
మలయాళం ఇండస్ట్రీలో ‘మీ టూ’ ఘటనలు కొనసాగుతూనే ఉన్నాయి. తాజాగా డైరెక్టర్ రంజిత్ బాలకృష్ణన్‌పై కేసు నమోదైంది. అయితే ఆయనపై ఫిర్యాదు చేసింది నటి కాదు.. నటుడు. ‘2012లో బెంగళూరులోని ఓ హోటల్‌కి రంజిత్ నన్ను పిలిచాడు. ఆడిషన్ పేరిట నా దుస్తులు తొలగించమని లైంగికంగా వేధించాడు’ అని ఆ నటుడు ఫిర్యాదు చేశాడు. కాగా రంజిత్‌పై ఇప్పటికే ఓ నటి కొచ్చిలో లైంగిక వేధింపుల ఫిర్యాదు చేయడం గమనార్హం.
News October 29, 2024
భారత్ ఓటమిపై పాక్ క్రికెటర్ తీవ్ర వ్యాఖ్యలు
న్యూజిలాండ్‌ చేతిలో భారత జట్టు ఓటమిపై పాక్ మాజీ క్రికెటర్ బసిత్ అలీ తీవ్ర వ్యాఖ్యలు చేశారు. టీమ్ ఇండియా ప్లేయర్ల అతివిశ్వాసం వల్లే టెస్టు సిరీస్‌ను కోల్పోయిందన్నారు. మొదటి టెస్టులో కివీస్ పేసర్లు, రెండో టెస్టులో స్పిన్నర్లు రాణించారని చెప్పారు. న్యూజిలాండ్‌ను తేలిగ్గా తీసుకోవడం వల్లే ఓటమి ఎదురైందన్నారు. BGTకి షమి లేకపోవడం భారత జట్టుకు సమస్యేనని పేర్కొన్నారు.
News October 29, 2024
కార్ కొంటున్నారా?.. వీటిపై లక్షకుపైగా డిస్కౌంట్
అమ్మకాలు తగ్గడంతో కార్ల కంపెనీలు లక్షల్లో డిస్కౌంట్లు ప్రకటించాయి. పలు కార్ల తగ్గింపు ధరలు: మ‌హింద్రా థార్ (3 డోర్‌) ₹1.5 లక్షలు, XUV400 ₹3 లక్షలు, కొన్ని XUV700 మోడల్స్ పై ₹2 లక్షలు *మారుతీ బాలెనో ₹1.1 లక్షలు *మారుతి గ్రాండ్ విటారా ₹1.1-1.4 లక్షలు *పాత మోడల్ స్కార్పియో ₹1.2 లక్షలు *Toyota Fortuner ₹2 లక్షలు *జీప్ కంపాస్ ₹2.5 లక్షలు *ఎంజి గ్లోస్టర్ ₹4.9 లక్షలు *BMW X5 ₹7-10 లక్షలు తగ్గింపు.
News October 29, 2024
కర్ణాటకలో పానీపూరీ ప్రియుల్లో ఆందోళన!
మంచూరియాన్‌లో ఆర్టిఫిషియ‌ల్ క‌ల‌ర్ల వాడ‌కంపై ఇప్పటికే నిషేధం విధించిన క‌ర్ణాట‌క తాజాగా పానీపూరీల‌పై దృష్టిసారించింది. వీటి వ‌ల్ల ప్ర‌జ‌ల ఆరోగ్యానికి పొంచివున్న ముప్పుపై అధ్య‌య‌నం చేస్తోంది. బెంగ‌ళూరులో 200 సెంట‌ర్ల నుంచి శాంపిల్స్ సేక‌రించిన అధికారులు వాటిని ప‌రీక్ష‌ల‌కు పంపారు. వీటి తయారీలో అనేక విమర్శలు వస్తుండడంతో ప్రభుత్వం వీటిని బ్యాన్ చేస్తుందేమో అని పానీపూరీ ప్రియులు ఆందోళన చెందుతున్నారు.
News October 29, 2024
తెలుగు టైటాన్స్ రెండో విజయం
పాట్నా పైరేట్స్‌తో జరిగిన మ్యాచులో తెలుగు టైటాన్స్ విజయం సాధించింది. హోరాహోరీగా సాగిన మ్యాచులో రెండు (28-26) పాయింట్ల తేడాతో గెలుపొందింది. TTలో అశిష్ నర్వాల్ 9, పవన్ షెరావత్ 5 పాయింట్లు చేశారు. ఈ సీజన్‌లో తెలుగు టైటాన్స్‌కు ఇది రెండో విజయం.
News October 29, 2024
పేరులోనే ‘వావ్’.. చూస్తే షాక్
TG: మోమోస్ తిని మహిళ <<14473401>>మృతి<<>> చెందిన ఘటనపై GHMC దర్యాప్తు చేపట్టింది. చింతల్‌బస్తీలోని ‘వావ్ హాట్ మోమోస్’ షాపులో వాటిని తయారుచేసినట్లు గుర్తించి తనిఖీలు చేపట్టింది. అయితే అక్కడి పరిసరాలు చూసి అధికారులు షాక్ అయ్యారు. ఏ మాత్రం పరిశుభ్రత లేని ప్రదేశంలో మోమోస్ తయారు చేస్తున్నట్లు గుర్తించారు. దీంతో టెస్టుల కోసం ఫుడ్ శాంపిల్స్‌ను ల్యాబ్‌కు పంపించారు.
News October 29, 2024
మద్యం షాపులకు చంద్రబాబు వార్నింగ్
AP: రాష్ట్రంలో ఎట్టి పరిస్థితుల్లోనూ బెల్ట్ షాపులను అనుమతించవద్దని సీఎం చంద్రబాబు అన్నారు. బెల్ట్ షాపులకు మద్యం విక్రయించే లిక్కర్ షాపులకు రూ.5 లక్షల జరిమానా విధిస్తామని హెచ్చరించారు. రెండో సారి నిబంధనలు ఉల్లంఘిస్తే లైసెన్స్ రద్దు చేస్తామని చెప్పారు. ఎమ్మార్పీ కంటే ఒక్క రూపాయి ఎక్కువ అమ్మినా ఊరుకోబోమని హెచ్చరించారు. ఇతర ప్రాంతాల నుంచి వచ్చే మద్యంపై నిఘా పెట్టాలన్నారు.
News October 28, 2024
ప్యాసింజర్ రైలులో పేలుడు.. నలుగురికి గాయాలు
హరియాణాలో రోహ్‌తక్ నుంచి ఢిల్లీ వెళుతున్న ప్యాసింజర్ రైలులో పేలుడు కలకలం రేపింది. పేలుడుకు మంటలు చెలరేగడంతో నలుగురు ప్రయాణికులు గాయపడ్డారు. సంప్లా రైల్వే స్టేషన్ సమీపంలో ఈ ఘటన చోటు చేసుకుంది. గాయపడినవారిని ఆసుపత్రికి తరలించారు. కాగా ప్రయాణికులు రైలులో పేలుడు స్వభావం ఉన్న పదార్థాలను తీసుకువెళ్లడంతో ఇలా జరిగినట్లు పోలీసులు ప్రాథమికంగా నిర్ధారించారు.
News October 28, 2024
జగన్‌పై షర్మిల భర్త హాట్ కామెంట్స్
AP: జగన్‌కు మద్దతుగా పాదయాత్ర చేయాలని షర్మిలను భారతీనే అడిగారని ఆమె భర్త బ్రదర్ అనిల్ కుమార్ ఓ ఇంటర్వ్యూలో తెలిపారు. ‘యాత్ర సందర్భంగా ఆమె పార్టీని ఎత్తుకుపోతోందని జగన్‌తో సజ్జల చెప్పారు. జగన్‌కు అప్పటి నుంచే అభద్రతాభావం మొదలైంది. మధ్యలో చాలామంది చిచ్చులు పెట్టారు. TGలో పార్టీ పెట్టాలని షర్మిలను PK అడిగారు. ఆస్తులన్నీ అక్కడే ఉన్నాయని, KCRతో ఇబ్బంది అవుతుందని జగన్ వద్దన్నారు’ అని అనిల్ చెప్పారు.
News October 28, 2024
జేఈఈ మెయిన్స్ షెడ్యూల్ విడుదల
జేఈఈ మెయిన్స్ 2025-26కు షెడ్యూల్‌ను NTA విడుదల చేసింది. రెండు సెషన్స్‌గా పరీక్షలు జరగనున్నాయి. తొలి సెషన్ దరఖాస్తులకు నవంబర్ 22 వరకు గడువు ఉంది. జనవరి 22 నుంచి 31 వరకు పరీక్షలు జరగనున్నాయి. ఫిబ్రవరి 12లోపు ఫలితాలు రానున్నాయి. రెండో సెషన్ దరఖాస్తులు ఫిబ్రవరిలో స్వీకరించనుండగా, ఏప్రిల్‌లో పరీక్షలు జరగనున్నాయి.
Featured News
Sorry, no posts matched your criteria.