India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 6, 2025
పురుగు మందులు.. రైతులకు సూచనలు
ఒకే మందు పొడి మందుగా, నీటిలో కరిగే ద్రావణంగా, గుళికల రూపంలో లభ్యమౌతుంటే.. ఆశించిన తెగులు, పంట దశ, నీటి లభ్యత, సమస్య తీవ్రతను బట్టి ఎంచుకోవాలి. పొడి మందులు గాలికి ఎగిరిపోయి వాతావరణ కాలుష్యం కలిగించవచ్చు. నీటిలో కరిగే పొడిమందులను సరిగా కలపకపోతే స్ప్రేయర్‌ల నాజిల్స్‌లో చేరి సరిగా పనిచేయవు. నాసిరకం మందులు కలుపుతున్నప్పుడు చర్మం నుంచి శరీరంలోకి ప్రవేశించే అవకాశం ఉంది. అందుకే వీటిని జాగ్రత్తగా వాడాలి.
News September 6, 2025
స్పిరిట్ 70% BGM పూర్తైంది: సందీప్ వంగా
జగపతిబాబు టాక్ షోలో సందీప్ రెడ్డి వంగా, RGV ఇంట్రెస్టింగ్ విషయాలు పంచుకున్నారు. ‘ప్రభాస్ స్పిరిట్ మూవీకి 70% BGM పూర్తైంది. రన్ టైమ్ 3 గంటల్లోపే ఉంటుంది. నా దృష్టిలో ఇప్పటికీ బాహుబలి2 ఇంటర్వెల్ మహాద్భుతం. RGV నాకు గురువులాంటి వారు. ఆయన మూవీస్ నుంచి చాలా నేర్చుకున్నా. సత్య సినిమా 60 సార్లు చూసుంటా’ అని సందీప్ తెలిపారు. రాజమౌళి, సందీప్‌లో ఎవరు ఫేవరెట్ డైరెక్టర్ అని అడగ్గా RGV సందీప్ పేరు చెప్పారు.
News September 6, 2025
పిల్లలకు ఫోన్ ఇస్తున్నారా? పెద్ద తప్పు చేస్తున్నారు!
పిల్లల ఏడుపును మాన్పించేందుకు, ఆహారం తినిపించేందుకు కొందరు వారికి ఫోన్ ఇస్తుంటారు. కొందరైతే తమ పిల్లలు సొంతగా యూట్యూబ్ వాడితే ఖుషీ అవుతుంటారు. కానీ పిల్లలకు ఫోన్ ఇవ్వడం మంచిది కాదని మానసిక వైద్యుడు శ్రీకాంత్ అంటున్నారు. ‘పిల్లల మెదడు ఎంత మొబైల్ చూస్తే అంత మొద్దుబారుతుంది. ఇంట్లో ఎన్ని తక్కువ బొమ్మలుంటే అంత చురుకవుతుంది. పేరెంట్స్ ఎన్ని మాటలు, కథలు చెప్తే అంత పదునవుతుంది’ అని తెలిపారు.
News September 6, 2025
కళ్లు అందంగా కనిపించాలంటే..
ఐ మేకప్ అనగానే కాటుక పెట్టుకోవడమే అనుకుంటారు చాలామంది. కాటుక అందాన్ని తెస్తుంది కానీ కళ్లు చిన్నగా కనిపించేలా చేస్తుంది. కళ్లు పెద్దగా కనిపించాలంటే తెలుపు, బ్రౌన్ కలర్ కాటుక ఎంచుకోవాలి. వీటిని కనుమూలల్లో సన్నగా రాస్తే కళ్లు పెద్దవిగా కనిపిస్తాయి. ఐ బ్రోస్ కూడా మరీ సన్నగా కాకుండా విల్లులా ఒంపు తిరిగినట్లుగా చేసుకుంటే కళ్లు పెద్దగా, అందంగా కనిపిస్తాయి. అలాగే లైట్ కలర్ ఐ లైనర్, మస్కారా కూడా వాడాలి.
News September 6, 2025
ఉద్యోగం చేస్తున్నారా? మీ హక్కులు తెలుసుకోండి
ప్రస్తుతకాలంలో ఉద్యోగాలు చేసే మహిళల సంఖ్య పెరిగింది. అయితే వీరిలో చాలామందికి పని ప్రదేశంలో వారి హక్కుల గురించి తెలీదు. వీరికోసం సమానపనికి సమాన వేతనం, ప్రసూతి ప్రయోజనాల హక్కు, లైంగిక వేధింపులకు వ్యతిరేకంగా POSH చట్టం, సురక్షిత పని ప్రదేశం వంటివి ఉన్నాయి. పెద్ద కంపెనీల నుంచి చిన్న షాపు వరకు ఇవన్నీ వర్తిస్తాయి. మహిళల గౌరవం, స్వేచ్ఛ, సమానత్వాన్ని కాపాడటానికి ఇవి ఉపకరిస్తాయి.
News September 6, 2025
మోదీ-లోకేశ్‌ల వరుస భేటీలు.. కారణమిదేనా?
ప్రధాని అపాయింట్‌మెంట్ దొరకడం సీఎంలకే కష్టం. అలాంటిది లోకేశ్‌కు వరుసగా మోదీ టైమ్ ఇస్తున్నారు. అభివృద్ధి కోసమే కలుస్తున్నారని TDP చెబుతున్నా.. రాజకీయ కారణాలు ఉండొచ్చని విశ్లేషకుల అంచనా. BJPతో దీర్ఘకాల పొత్తు ఉంటుందని TDP హింట్ ఇస్తోందని అభిప్రాయపడుతున్నారు. సీఎంగా చంద్రబాబు పాలనపై ఫోకస్ చేస్తే.. టీడీపీకి భవిష్యత్ నాయకుడైన లోకేశ్ ఇప్పటి నుంచే జాతీయ రాజకీయాల్లో పట్టు పెంచుకుంటున్నట్లు తెలుస్తోంది.
News September 6, 2025
బాలాపూర్ గణేశ్ లడ్డూ డబ్బులను ఏం చేస్తారంటే?
TG: బాలాపూర్ గణేశ్ లడ్డూ <<17628120>>వేలం<<>> ద్వారా వచ్చిన డబ్బులను గ్రామాభివృద్ధికి ఖర్చు చేస్తారు. ఆ గ్రామంలో బొడ్రాయి వద్ద ఉత్సవ సమితి వేలం ప్రక్రియను నిర్వహిస్తుంది. 1994లో తొలిసారి వేలం ప్రారంభం కాగా.. ఇప్పటివరకు రూ.కోటికి పైగా అభివృద్ధి కోసం వెచ్చించారు. గ్రామంలో స్కూల్, రోడ్లు, ఆలయాలు నిర్మించారు. దీంతో ఆ గ్రామం రూపురేఖలు పూర్తిగా మారిపోయాయి. స్థానికులతో పాటు స్థానికేతరులూ ఆ వేలంలో పాల్గొనవచ్చు.
News September 6, 2025
విష్ణువు దశావతారాలు ఎందుకు ఎత్తారు? (1/2)
దుష్ట శిక్షణ, శిష్ట రక్షణ కోసం విష్ణువు దశావతారాలు ఎత్తారు. సృష్టి ప్రళయానికి గురైనప్పుడు, వేదాలను కాపాడేందుకు మత్స్య రూపంలో వచ్చారు. క్షీరసాగర మథన సమయంలో మందరగిరిని మోయడానికి తాబేలు అవతారంలో వచ్చారు. భూమిని కాపాడేందుకు వరాహ రూపం, భక్త ప్రహ్లాదుణ్ని కాపాడి, హిరణ్యకశిపుణ్ని చంపేందుకు నరసింహుని రూపం ఎత్తారు. బలి చక్రవర్తి అహంకారాన్ని అణిచి లోకాలను అధీనంలోకి తెచ్చుకోవడానికి వామనుడిగా వచ్చారు.
News September 6, 2025
విష్ణువు దశావతారాలు ఎందుకు ఎత్తారు? (2/2)
క్షత్రియ జాతిలో పెరిగిన అహంకారాన్ని అణిచివేయడానికి విష్ణువు పరశురాముని అవతారం ఎత్తారు. ధర్మాన్ని నిలబెట్టడానికి, రావణుణ్ని సంహరించి ధర్మ స్థాపన చేయడానికి రామునిగా వచ్చారు. దుష్టులను శిక్షించడానికి, మహాభారత యుద్ధంలో ధర్మాన్ని రక్షించడానికి కృష్ణునిగా వచ్చారు. శాంతి సందేశాన్ని ప్రచారం చేయడానికి బుద్ధుని అవతారం ఎత్తారు. కలియుగం అంతంలో ధర్మాన్ని తిరిగి స్థాపించడానికి కల్కి రూపంలో అవతరిస్తారని నమ్మకం.
News September 6, 2025
నేడు ఈ వ్రతం చేస్తే సకల శుభాలు
కష్టాల నుంచి విముక్తి పొంది సకల శుభాలు కలగాలంటే నేడు అనంత పద్మనాభ వ్రతం చేయాలని పండితులు చెబుతున్నారు. భాద్రపద శుద్ధ చతుర్దశినాడు ఈ వ్రతాన్ని ఆచరిస్తే పుణ్య ఫలాలు లభిస్తాయని అంటున్నారు. ‘శ్రీకృష్ణుడే స్వయంగా ఈ వ్రతం గురించి పాండవులకు చెప్పారు. ఈ వ్రతాన్ని ఆచరించిన వారికి సంపదలు కలుగుతాయి. ఈ పవిత్ర వ్రతాన్ని ఆచరించి, అనంత పద్మనాభుని కృపకు పాత్రులైతే అంతర్గత శాంతి లభిస్తుంది’ అని సూచిస్తున్నారు.
Featured News
Sorry, no posts matched your criteria.