India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 6, 2025
విపత్తులోనూ విపరీత ఆచారం అవసరమా?
ప్రకృతి ప్రకోపంతో వేలాది ప్రాణాలు పోతుంటే మత ఆచారం పేరుతో సాయం చేయలేని దుస్థితి. అఫ్గానిస్థాన్‌లో వరుస భూకంపాలతో దాదాపు 2,200 మంది మరణించిన విషయం తెలిసిందే. సంబంధం లేని మహిళలను తాకొద్దన్న తాలిబన్ల రూల్ వారి పాలిట మరణ శాసనమైంది. శిథిలాల కింద చిక్కుకుని ఆర్తనాదాలు చేస్తున్నా పురుష రెస్క్యూ సిబ్బంది చేయందించలేదు. మృతుల సంఖ్య పెరగడానికి ఈ విపరీత ఆచారమూ ఓ కారణం. ప్రాణం కన్నా ఆచారమే ముఖ్యమా? COMMENT
News September 6, 2025
GST 2.0తో ప్రభుత్వానికి ఎంత నష్టమంటే?
GST 2.0 ప్రభుత్వానికి కచ్చితంగా భారం కాకమానదు. కేంద్రం అంచనాల ప్రకారం ఏడాదికి నికర ఆర్థిక ప్రభావం రూ.48 వేల కోట్లుగా ఉంది. కానీ వినియోగం, వృద్ధిని లెక్కలోకి తీసుకుంటే GST 2.0తో కేంద్రానికి కనీసం రూ.3,700 కోట్లు నష్టముంటుందని SBI అంచనా వేసింది. ఇది ఆర్థిక లోటుపై ఎలాంటి ప్రతికూల ప్రభావం చూపదని స్పష్టం చేసింది. 2026-27లో ద్రవ్యోల్బణం 65-75 బేసిస్ పాయింట్లు తగ్గే అవకాశమున్నట్లు పేర్కొంది.
News September 6, 2025
13న మరో అల్పపీడనం.. భారీ వర్షాలు!
బంగాళాఖాతంలో ఈనెల 13న మరోసారి అల్పపీడనం ఏర్పడే అవకాశముందని IMD తెలిపింది. దీని ప్రభావంతో తెలుగు రాష్ట్రాల్లో ఈ నెలాఖరు వరకు భారీ వర్షాలు కురవొచ్చని వెల్లడించింది. మరోవైపు 4 రోజులపాటు APలోని పలు చోట్ల తేలిక పాటి నుంచి మోస్తరు వానలు పడే అవకాశముందని వాతావరణ విభాగం అంచనా వేసింది. కాగా 2 రోజుల క్రితం వరకు తీవ్ర అల్పపీడనం ప్రభావంతో తెలుగు రాష్ట్రాల్లో భారీ వర్షాలు కురిసిన విషయం తెలిసిందే.
News September 6, 2025
ఈ కార్ల ధరలు తగ్గాయ్..
మారుతి సుజుకీ బ్రెజా కారు ధర ప్రస్తుతం రూ.8.69 లక్షల నుంచి ప్రారంభం అవుతోంది. మొత్తం 45% పన్ను (28% GST+17% CESS) పడుతోంది. కొత్త జీఎస్టీ ప్రకారం 40% ట్యాక్స్ వేయనున్నారు. సెస్ లేకపోవడంతో రూ.30వేల వరకు ఆదా కానున్నాయి. నెక్సాన్ (పెట్రోల్) కారుపై రూ.68వేల నుంచి రూ.1.26 లక్షలు, వ్యాగన్ Rపై రూ.64వేల-రూ.84వేలు, స్విఫ్ట్‌పై రూ.71వేల-రూ.1.06 లక్షలు, i20పై రూ.83వేల-రూ.1.24 లక్షల వరకు సేవ్ కానున్నాయి.
News September 6, 2025
గుడ్ల ఉత్పత్తిలో ఏపీ నం.1
గుడ్ల ఉత్పత్తిలో దేశంలోనే ఆంధ్రప్రదేశ్ తొలిస్థానంలో ఉందని పశుసంవర్ధక శాఖ డైరెక్టర్ దామోదర్ నాయుడు తెలిపారు. గొర్రెలు, కోళ్ల ఉత్పత్తిలో 2వ స్థానం, మాంస ఉత్పత్తిలో 4, పాల ఉత్పత్తిలో 5, గేదెల ఉత్పత్తిలో 6వ స్థానంలో నిలిచిందన్నారు. పశుదాణా, పశుగ్రాస విత్తనాలు, గోకులాల నిర్మాణాలకు సబ్సిడీలో ఇస్తున్నామని చెప్పారు. రాష్ట్రంలో 25 లక్షల కుటుంబాలు పశుసంవర్ధక రంగంతో ఉపాధి పొందుతున్నాయని వివరించారు.
News September 6, 2025
పాక్‌పై మే 10న యుద్ధం ముగియలేదు: ఆర్మీ చీఫ్
మాజీ సైనికాధికారి KJN ధిల్లాన్ రచించిన ‘ఆపరేషన్ సిందూర్: ది అన్‌టోల్డ్ స్టోరీ ఆఫ్ ఇండియాస్ డీప్ స్ట్రైక్స్ ఇన్‌సైడ్ పాకిస్థాన్’ బుక్‌ను ఆర్మీ చీఫ్ జనరల్ ఉపేంద్ర ద్వివేది ఆవిష్కరించారు. ఈ సందర్భంగా ఆయన మాట్లాడారు. ‘మే 10న వార్ ముగిసిందని మీరు అనుకోవచ్చు. కానీ అనేక నిర్ణయాలు తీసుకోవాల్సి ఉన్నందున ఆ తర్వాత కూడా కొనసాగింది. యూనిఫామ్‌లో ఉండి చెప్పలేని అంశాలను ఈ బుక్‌లో కవర్ చేశారు’ అని వ్యాఖ్యానించారు.
News September 6, 2025
SIIMA: బెస్ట్ యాక్టర్స్, డైరెక్టర్ వీరే
* బెస్ట్ యాక్టర్(ఫీమేల్)- రష్మిక మందన్నా(పుష్ప-2)
* బెస్ట్ యాక్టర్(ఫీమేల్-క్రిటిక్స్)- మీనాక్షి(లక్కీ భాస్కర్)
* బెస్ట్ డైరెక్టర్(క్రిటిక్స్)- ప్రశాంత్ వర్మ(హనుమాన్)
* బెస్ట్ డెబ్యూటంట్ ప్రొడ్యూసర్- నిహారిక(కమిటీ కుర్రోళ్లు)
* బెస్ట్ సపోర్టింగ్ యాక్టర్(మేల్)- అమితాబ్ బచ్చన్(కల్కి)
* బెస్ట్ యాక్టర్ ఇన్ నెగటివ్ రోల్(మేల్)- కమల్ హాసన్(కల్కి)
* బెస్ట్ యాక్టర్ ఇన్ కామెడీ రోల్- సత్య(మత్తు వదలరా 2)
News September 6, 2025
SIIMA అవార్డ్స్.. విన్నర్స్ వీరే
* బెస్ట్ మ్యూజిక్ డైరెక్టర్ – దేవిశ్రీ ప్రసాద్ (పుష్ప-2)
* బెస్ట్ లిరిక్ రైటర్ – రామజోగయ్యశాస్త్రి(చుట్టమల్లే, దేవర)
* బెస్ట్ ప్లేబ్యాక్ సింగర్(ఫీమేల్) – శిల్పారావు(చుట్టమల్లే, దేవర)
* బెస్ట్ సినిమాటోగ్రాఫర్ – రత్నవేలు(దేవర)
* బెస్ట్ డెబ్యూట్ యాక్టర్ – సందీప్ సరోజ్(కమిటీ కుర్రోళ్లు)
* బెస్ట్ సపోర్టింగ్ యాక్టర్(ఫీమేల్) – అన్నా బెన్(కల్కి 2898Ad)
News September 6, 2025
రాష్ట్రంలో ఖేలో ఇండియా గేమ్స్ నిర్వహించాలి: మంత్రి
TG: రాష్ట్రంలో ఖేలో ఇండియా గేమ్స్ నిర్వహించాలని కేంద్ర క్రీడా శాఖ మంత్రి మన్‌సుఖ్ మండవీయాను కోరినట్లు మంత్రి వాకాటి శ్రీహరి చెప్పారు. గతంలో CM రేవంత్ కూడా దీనిపై కేంద్రానికి విజ్ఞప్తి చేశారన్నారు. TGలోని పలు జిల్లాల్లో స్పోర్ట్స్ స్కూళ్ల అభివృద్ధి, వసతుల కల్పనకు నిధులు మంజూరు చేయాలని కోరినట్లు తెలిపారు. త్వరలో రాష్ట్రంలో 3 రోజుల పాటు పర్యటిస్తానని కేంద్ర మంత్రి చెప్పారని శ్రీహరి వెల్లడించారు.
News September 6, 2025
ఉపరాష్ట్రపతి ఆఫీస్ రాజకీయ సంస్థ కాదు: సుదర్శన్‌రెడ్డి
ఇండీ కూటమి అభ్యర్థిగా ఉపరాష్ట్రపతి ఎన్నికల బరిలో ఉన్న బి.సుదర్శన్‌రెడ్డి కీలక వ్యాఖ్యలు చేశారు. ‘ఉపరాష్ట్రపతి ఆఫీస్ రాజకీయ సంస్థ కాదు. ఆ స్థానంలో కూర్చునే వారికి జడ్జి లక్షణాలు అవసరం. నిష్పక్షపాతం, వివేకం, మాటలు, చేతల్లో న్యాయం ఉండాలి. దేశంలో స్వేచ్ఛాయుత ఎన్నికలు నిర్వహించే బాధ్యత ఎన్నికల సంఘానిదే. అర్హుల ఓటు హక్కు తొలగించొద్దు’ అని వ్యాఖ్యానించారు. కాగా ఈనెల 9న ఉపరాష్ట్రపతి ఎన్నిక జరగనుంది.
Featured News
Sorry, no posts matched your criteria.