India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 4, 2025
GST సంస్కరణలు.. లాభాల్లో స్టాక్ మార్కెట్లు
కేంద్రం తీసుకొచ్చిన GST సంస్కరణలతో స్టాక్ మార్కెట్లలో కొత్త జోష్ కనిపించింది. దేశీయ సూచీలు లాభాలతో దూసుకుపోతున్నాయి. సెన్సెక్స్ 630కు పైగా పాయింట్లు లాభపడి 81,198 పాయింట్ల వద్ద ట్రేడ్ అవుతోంది. నిఫ్టీ 50 పాయింట్లకు పైగా లాభపడి 24,895 వద్ద ట్రేడ్ అవుతోంది. M&M, HDFC, ICICI, బజాజ్ ఫైనాన్స్, ITC, భారతి ఎయిర్‌టెల్ వంటి కంపెనీలు లాభాల్లో ట్రేడ్ అవుతున్నాయి.
News September 4, 2025
ఆధార్ PVC కార్డు కోసం ఇలా చేయండి!
UIDAI ఈ సౌకర్యాన్ని కల్పిస్తోంది. https://myaadhaar.uidai.gov.inలోకి వెళ్లి మీ ఆధార్ నంబర్, మీ ఫోన్‌కు వచ్చే OTPని ఎంటర్ చేయాలి. మీ వివరాలు వెరిఫై చేసుకుని ఆన్‌లైన్‌లోనే రూ.50 ఫీజు చెల్లించాలి. అనంతరం 28 డిజిట్ల సర్వీస్ రిక్వెస్ట్ నంబర్ SMS వస్తుంది. 5-15 రోజుల్లో PVC కార్డు మీ ఇంటికి పోస్ట్ ద్వారా వస్తుంది. ఎక్కడైనా దీన్ని వాడుకోవచ్చు. ఇందులో QR కోడ్ సెక్యూర్‌గా ఉంటుంది. ట్యాంపర్ చేయడం కుదరదు.
News September 4, 2025
పోటీ పరీక్షలు రాసే దివ్యాంగులకు అలర్ట్
పోటీ పరీక్షల్లో దివ్యాంగులే సొంత స్క్రైబ్(సహాయకులు)ను తెచ్చుకునే విధానానికి కేంద్రం ముగింపు పలకనుంది. అవకతవకలు అరికట్టేందుకు ఈ నిర్ణయం తీసుకుంది. పరీక్షల్లో నేషనల్ టెస్టింగ్ ఏజెన్సీ, SSC, UPSC వంటి సంస్థలు సొంతంగా తయారుచేసుకున్న స్క్రైబ్‌లనే కేటాయించాలని ఆదేశించింది. అభ్యర్థి కన్నా స్క్రైబ్ వయసు 2, 3 విద్యా సంవత్సరాలు తక్కువుండాలి. ఇద్దరూ ఒకే పోటీ పరీక్ష కోసం ప్రిపేర్ అవుతూ ఉండకూడదని తెలిపింది.
News September 4, 2025
అమెరికాలో ఆర్థిక మాంద్యం తప్పదా?
అమెరికా ఆర్థిక మాంద్యం అంచున ఉందని క్రెడిట్ రేటింగ్ ఏజెన్సీ ‘మూడీస్’ చీఫ్ ఎకనామిస్ట్ మార్క్ జండీ తెలిపారు. ప్రస్తుత ద్రవ్యోల్బణం 2.7% ఉంటే అది వచ్చే ఏడాదికి 3%-4%కి పెరిగే అవకాశం ఉందని చెప్పారు. నిత్యావసరాల ధరలు విపరీతంగా పెరుగుతున్నాయని, ఉద్యోగాలు పోతున్నాయని పేర్కొన్నారు. టారిఫ్స్ పెంచడంతో అమెరికా కంపెనీలు నష్టపోతున్నాయని వివరించారు. కాగా 2008 మాంద్యాన్ని అంచనా వేసిన తొలి ఆర్థికవేత్త ఈయనే.
News September 4, 2025
దేశానికి ఇదే నిజమైన దీపావళి కానుక: పవన్
AP: GST సంస్కరణలను Dy.CM పవన్ స్వాగతించారు. ‘స్వాతంత్ర్య దినోత్సవం రోజు ఇచ్చిన మాటను PM మోదీ నేతృత్వంలోని NDA ప్రభుత్వం నిలబెట్టుకుంది. ఈ మార్పులతో పేద, మధ్య తరగతి, రైతులకు చాలా మంచి జరుగుతుంది. ముఖ్యంగా విద్య, జీవిత బీమాపై GST తొలగింపు కోట్లాది కుటుంబాల్లో వెలుగులు నింపుతుంది. దేశానికి ఇదే నిజమైన దీపావళి కానుక. నిర్మలా సీతారామన్, జీఎస్టీ కౌన్సిల్‌కు ప్రత్యేక ధన్యవాదాలు’ అని ట్వీట్ చేశారు.
News September 4, 2025
భారత జట్టుకు దూరం.. భువి రియాక్షన్ ఇదే!
జాతీయ జట్టుకు ఎంపికవడం తన చేతుల్లో లేదని, దానిపై సెలక్టర్లు నిర్ణయం తీసుకుంటారని భారత బౌలర్ భువనేశ్వర్ అన్నారు. ‘మైదానంలో బాగా ఆడటం, ఫిట్‌గా ఉండటం, బౌలింగ్ చేసేటప్పుడు లైన్&లెంగ్త్‌పైనే నా ఫోకస్ ఉంటుంది. కొన్నిసార్లు ఎంత బాగా ఆడినా అదృష్టం కలిసిరాదు. అవకాశం వస్తే స్టేట్, జాతీయ జట్లకు నా బెస్ట్ ఇస్తా’ అని ఓ ఇంటర్వ్యూలో తెలిపారు. భువి IND తరఫున చివరగా 2022 నవంబర్‌లో NZతో జరిగిన T20 మ్యాచులో ఆడారు.
News September 4, 2025
గ్యాలరీలో ఈ ఫొటోలు పెట్టుకుంటున్నారా?
మొబైల్ గ్యాలరీలో ఆధార్, పాన్ కార్డ్ ఫొటోలు పెట్టుకోవద్దని ప్రముఖ సైబర్ సెక్యూరిటీ నిపుణుడు రక్షిత్ టాండన్ సూచించారు. ఫిక్కీ లేడీస్ ఆర్గనైజేషన్ ఆధ్వర్యంలో జరిగిన హ్యాక్ ప్రూఫ్ సమ్మిట్‌లో ఆయన మాట్లాడారు. పర్సనల్ ఇన్ఫర్మేషన్‌కు సంబంధించిన ఫొటోస్ డిజీలాకర్లలో స్టోర్ చేసుకోవాలన్నారు. కొన్ని యాప్స్ ఇన్‌స్టాల్ చేసేటప్పుడు గ్యాలరీ యాక్సెస్ తీసుకుంటాయని, అందుకే ఫొటోలు ఉంచడం సురక్షితం కాదని తెలిపారు.
News September 4, 2025
తెలంగాణ న్యూస్ రౌండప్
✦ SLBC టన్నెల్ పనులను 2028 జనవరి నాటికి పూర్తి చేస్తాం: మంత్రి ఉత్తమ్
✦ ఆస్పత్రుల్లో 8 ఏళ్లు దాటిన మెషీన్లను స్క్రాప్ చేయాలి.. మంత్రి రాజనర్సింహ ఆదేశాలు
✦ గని ప్రమాదాల్లో మరణించిన ఉద్యోగుల వారసులకు డిగ్రీ ఉంటే గ్రేడ్-3 క్లర్క్ పోస్టులు: సింగరేణి
✦ ల్యాబ్ టెక్నీషియన్ గ్రేడ్-2 ప్రొవిజనల్ మెరిట్ లిస్ట్ విడుదల.. సర్టిఫికెట్ వెరిఫికేషన్‌కు 2,116 మందిని ఎంపిక చేసిన మెడికల్ రిక్రూట్‌మెంట్ బోర్డు
News September 4, 2025
ఈ బైకుల ధరలు తగ్గుతాయి
ప్రస్తుతం అన్ని రకాల బైకులపై 28% GST విధిస్తున్నారు. 350 cc కంటే ఎక్కువ కెపాసిటీ ఉంటే అదనంగా 2-3% సెస్ విధిస్తున్నారు. తాజా మార్పులతో 350 cc, అంతకంటే తక్కువ ఉన్న బైకులపై 18%, అంతకంటే ఎక్కువ ఉన్న బైకులపై 40% ట్యాక్స్ పడనుంది. కొత్త విధానంలో సెస్ ఉండదు.
*350 cc కంటే తక్కువ కెపాసిటీ బైకులు: యాక్టివా, షైన్, TVS జూపిటర్, బజాజ్ పల్సర్, హీరో స్ప్లెండర్, గ్లామర్, రాయల్ ఎన్‌ఫీల్డ్ క్లాసిక్, హంటర్ etc.
News September 4, 2025
118 ఏపీపీ పోస్టుల భర్తీకి నోటిఫికేషన్ విడుదల
TG: 118 అసిస్టెంట్ పబ్లిక్ ప్రాసిక్యూటర్స్ పోస్టుల భర్తీకి తెలంగాణ స్టేట్ లెవెల్ పోలీస్ రిక్రూట్‌మెంట్ బోర్డు ప్రకటన రిలీజ్ చేసింది. ఈ నెల 12 నుంచి అక్టోబర్ 5 వరకు https://www.tgprb.in/ వెబ్‌సైట్‌‌‌లో దరఖాస్తులు చేసుకోవాలి. రిజిస్ట్రేషన్ ఫీజు SC, ST అభ్యర్థులకు ₹1000, మిగతా వారికి ₹2000. అభ్యర్థులు క్రిమినల్ కోర్టుల్లో 3 ఏళ్లకు పైగా ప్రాక్టీస్ చేసి ఉండాలి. పూర్తి వివరాలకు ఇక్కడ <
Featured News
Sorry, no posts matched your criteria.