India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 27, 2024
నా తల్లిదండ్రుల ముందే అవమానించాడు: విద్యాబాలన్
కెరీర్ ఆరంభంలో దక్షిణాది నిర్మాత ఒకరు తనను అవమానించినట్లు బాలీవుడ్ హీరోయిన్ విద్యాబాలన్ చెప్పారు. ‘భూల్ భులయ్యా3’ సినిమా ప్రమోషన్లలో ఆమె మాట్లాడారు. మలయాళ మూవీ ‘చక్రం’లో హీరోయిన్‌గా అవకాశం వచ్చినా కొన్ని కారణాలతో ఆ సినిమా ఆగిపోయినట్లు గుర్తు చేశారు. ఆ తర్వాత తమిళ చిత్రంలో అవకాశం రాగా నిర్మాత ‘యాక్టింగ్ రాదు. డాన్స్ రాదు. హీరోయిన్‌లా కనిపిస్తున్నావా?’ అని తల్లిదండ్రుల ముందే తనను అవమానించారన్నారు.
News October 27, 2024
ఫఖర్ జమాన్‌కు పీసీబీ ఝలక్
పాకిస్థాన్ క్రికెటర్ ఫఖర్ జమాన్‌కు PCB ఝలక్ ఇచ్చింది. అతడిని సెంట్రల్ కాంట్రాక్టు నుంచి తొలగించింది. అలాగే ఆస్ట్రేలియా, జింబాబ్వే సిరీస్‌లకు కూడా ఎంపిక చేయలేదు. మరోవైపు బాబర్ ఆజమ్‌ను ఆస్ట్రేలియా సిరీస్‌కు ఎంపిక చేసి, జింబాబ్వే టూర్‌కు పక్కనబెట్టింది. కాగా ఇంగ్లండ్‌తో జరిగిన రెండో టెస్టు నుంచి బాబర్‌ను తప్పించడంతో ఆయనకు మద్దతుగా ఫఖర్ వివాదాస్పద ట్వీట్ చేశారు. దీనిపై PCB సీరియస్‌గా వ్యవహరించింది.
News October 27, 2024
‘గేమ్ ఛేంజర్’ టీజర్ ఎప్పుడంటే?
గ్లోబల్ స్టార్ రామ్ చరణ్, శంకర్ కాంబినేషన్లో తెరకెక్కుతోన్న చిత్రం ‘గేమ్ ఛేంజర్’. సంక్రాంతికి ఈ సినిమా రిలీజ్ కానున్న సంగతి తెలిసిందే. ఈ క్రమంలో దీపావళి కానుకగా టీజర్ విడుదల చేయనున్నట్లు చిత్ర వర్గాలు పేర్కొన్నాయి. ఇప్పటికే టీజర్ కట్ పూర్తయిందని సమాచారం. దీనిపై మేకర్స్ నుంచి అధికారిక ప్రకటన రావాల్సి ఉంది. ఈ సినిమాలో ఎస్‌జే సూర్య, శ్రీకాంత్ కీలక పాత్రలు పోషిస్తున్నారు.
News October 27, 2024
ఆర్టీసీలో డ్వాక్రా మహిళలకు భాగస్వామ్యం: భట్టి
TG: ఈ ఏడాది మహిళలకు రూ.25 వేల కోట్ల వడ్డీ లేని రుణాలు ఇవ్వాలని లక్ష్యంగా పెట్టుకున్నట్లు డిప్యూటీ సీఎం భట్టి విక్రమార్క చెప్పారు. ఖమ్మం కలెక్టరేట్‌లో మహిళా శక్తి క్యాంటీన్, బస్సు షెల్టర్‌ను ఆయన ప్రారంభించారు. ఆర్టీసీలో డ్వాక్రా మహిళలను భాగస్వామ్యం చేయాలని చూస్తున్నట్లు తెలిపారు. వడ్డీ లేని రుణాలు ఇచ్చి మహిళలచే బస్సులు కొనుగోలు చేయిస్తామన్నారు. త్వరలోనే వారు బస్సు యజమానులుగా మారతారన్నారు.
News October 27, 2024
దీపావళి లక్ష్మీపూజకు సమయమిదే?
శ్రీరాముడు వనవాసం ముగించుకొని అయోధ్యకు తిరిగి వచ్చింది, అలాగే నరకాసురుడిని సత్యభామ చంపింది ఒకే రోజు. ఈ రోజునే దీపావళిగా జరుపుకుంటారని ప్రతీతి. అప్పటినుంచి ఏటా ఆశ్వయుజ మాసం అమావాస్య రోజున ప్రదోషకాలంలో లక్ష్మీపూజ చేసి, దీపాలు వెలిగించడం ఆనవాయితీ. ఈసారి అక్టోబర్ 31న దీపావళి సందర్భంగా సాయంత్రం 6.10 గంటల నుంచి రాత్రి 8.52 గంటల మధ్య లక్ష్మీపూజ సమయమని పండితులు చెబుతున్నారు.
News October 27, 2024
మూసీ నిర్వాసితులకు రెసిడెన్షియల్ టవర్స్: భట్టి
TG: మూసీ నిర్వాసితుల కోసం నదికి సమీపంలోనే రెసిడిన్షియల్ టవర్స్ నిర్మిస్తామని డిప్యూటీ సీఎం భట్టి విక్రమార్క వెల్లడించారు. హైటెక్ సిటీలో నిర్వహించిన ఓ ప్రాపర్టీ షోలో పాల్గొన్న సందర్భంగా ఆయన ఈ వ్యాఖ్యలు చేశారు. టవర్లలో అన్ని సౌకర్యాలు ఉంటాయని పేర్కొన్నారు. మూసీ నది నిర్వాసితులకు పాఠశాలలు, మహిళా స్వయం సహాయక సంఘాలు, చిన్న తరహా వ్యాపార అవకాశాలు కల్పించేందుకు కృషి చేస్తామన్నారు.
News October 27, 2024
రాజ్ పాకాల పరారీలో ఉన్నారు: ఎక్సైజ్ సీఐ
TG: జన్వాడలో ఫామ్‌హౌస్ పార్టీపై ఎక్సైజ్ సీఐ శ్రీలత స్పందించారు. ‘నిబంధనలు ఉల్లంఘించి పార్టీ నిర్వహించారు. ఏ1గా ఫామ్‌హౌస్ సూపర్‌వైజర్ కార్తీక్, ఏ2గా రాజ్ పాకాలను చేర్చాం. కర్ణాటక లిక్కర్‌తో పాటు 7 లీటర్ల విదేశీ మద్యం స్వాధీనం చేసుకున్నాం. రాజ్ పాకాల పరారీలో ఉన్నారు. దర్యాప్తు చేస్తున్నాం’ అని ఆమె వెల్లడించారు.
News October 27, 2024
MVA తీరుపై అఖిలేశ్ అసంతృప్తి
మ‌హారాష్ట్ర అసెంబ్లీ ఎన్నిక‌లకు సంబంధించి మ‌హావికాస్ అఘాడీ కూటమి తీరుపై SP చీఫ్ అఖిలేశ్ కినుక వహించారు. తమకు సీట్ల కేటాయింపులో కూటమి పార్టీలు జాప్యం చేస్తున్నాయంటూ అసంతృప్తి వ్యక్తం చేశారు. SP పోటీ చేయాలని భావిస్తున్న ధులె సీటుకు శివ‌సేన UBT అభ్య‌ర్థిని ప్ర‌క‌టించ‌డాన్ని పార్టీ రాష్ట్ర శాఖ అధ్య‌క్షుడు అబు అజ్మీ త‌ప్పుబ‌ట్టారు. 5 సీట్లు ఇవ్వ‌క‌పోతే 20 స్థానాల్లో ఒంటరిగా పోటీ చేస్తామ‌ని తెలిపారు.
News October 27, 2024
క్రాకర్స్ కాల్చేవారికి పోలీసుల షాక్
TG: హైదరాబాద్ వాసులకు పోలీసులు షాక్ ఇచ్చారు. దీపావళి సందర్భంగా రాత్రి 8 గంటల నుంచి 10 వరకే క్రాకర్స్ కాల్చాలని ఉత్తర్వులు జారీ చేశారు. భారీ శబ్దంతో పేలే టపాసులను కాల్చడంపై నిషేధం విధిస్తున్నట్లు చెప్పారు. సుప్రీంకోర్టు నిబంధనల ప్రకారం 55 డెసిబెల్స్‌కు మించి శబ్దం చేసే క్రాకర్స్ కాల్చొద్దని హెచ్చరించారు. నిబంధనలు పాటించనివారిపై చర్యలు తీసుకుంటామని వార్నింగ్ ఇచ్చారు.
News October 27, 2024
రేవ్ పార్టీలతో సమాజానికి ఏం సందేశం ఇస్తున్నారు: కాంగ్రెస్
TG: జన్వాడ ఫామ్‌హౌస్‌లో అసాంఘిక కార్యకలాపాలపై తెలంగాణ సమాజం సిగ్గుపడుతోందని కాంగ్రెస్ నేత అద్దంకి దయాకర్ మండిపడ్డారు. సమాజానికి ఏం సందేశం ఇస్తున్నారని ప్రశ్నించారు. డ్రగ్‌ఫ్రీ రాష్ట్రం కోసం తమ ప్రభుత్వం కృషి చేస్తోందన్నారు. ఇక రేవ్ పార్టీలో పాల్గొన్నవారి వివరాలు బయటపెట్టాలని MLC బల్మూరి వెంకట్ డిమాండ్ చేశారు. రేవ్ పార్టీలను ప్రోత్సహించేది బీఆర్ఎస్సేనని బండ్రు శోభారాణి ఆరోపించారు.
Featured News
Sorry, no posts matched your criteria.