India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 31, 2024
గుడ్.. బాగా చేశారు: సీఎం చంద్రబాబు
AP: విజయవాడలో ఇటీవల నిర్వహించిన అమరావతి డ్రోన్ సమ్మిట్‌ను విజయవంతం చేశారంటూ పలువురు అధికారులను సీఎం చంద్రబాబు మెచ్చుకున్నారు. ఈ నెల 22న విజయవాడ పున్నమి ఘాట్ వద్ద కృష్ణా తీరాన 5,500లకు పైగా డ్రోన్లతో నిర్వహించిన షో అద్భుతంగా ఉందని కొనియాడారు. ఎక్కడా ఎలాంటి అంతరాయాలు లేకుండా సమన్వయంతో అధికారులు వ్యవహరించారని, ఇదే స్ఫూర్తితో మున్ముందు మరిన్ని కార్యక్రమాలు చేపట్టాలని సీఎం సూచించారు.
News October 30, 2024
ముంబై ఇండియన్స్ రిటెన్షన్ వీరే?
ముంబై ఇండియన్స్ తమ రిటెన్షన్ జాబితాను సిద్ధం చేసినట్లు తెలుస్తోంది. కెప్టెన్ హార్దిక్ పాండ్యతోపాటు రోహిత్ శర్మ, సూర్యకుమార్ యాదవ్, జస్ప్రీత్ బుమ్రా, తిలక్ వర్మ, నమన్ ధీర్‌లను ఆ ఫ్రాంచైజీ అట్టిపెట్టుకుందని సమాచారం. రేపు బీసీసీఐకి ఈ జాబితాను సమర్పించనుంది. కాగా గెరాల్డ్ కొయెట్జీ, డెవాల్డ్ బ్రెవిస్, ఇషాన్ కిషన్, అర్జున్ టెండూల్కర్‌ తదితరులను వదులుకునేందుకు సిద్ధమైనట్లు తెలుస్తోంది.
News October 30, 2024
శివమ్ దూబేకు రూ.18 కోట్లు?
సీఎస్కే తమ రిటెన్షన్ జాబితాను ఫైనల్ చేసినట్లు తెలుస్తోంది. మహేంద్ర సింగ్ ధోనీ, మతీశ పతిరణ, రవీంద్ర జడేజా, రుతురాజ్ గైక్వాడ్, శివమ్ దూబేను రిటైన్ చేసుకున్నట్లు సమాచారం. కాగా శివమ్ దూబేకు నాలుగో ఎంపికగా రూ.18 కోట్లు చెల్లించనున్నట్లు వార్తలు వస్తున్నాయి. మరోవైపు రచిన్ రవీంద్ర, డెవాన్ కాన్వే వంటి నాణ్యమైన ప్లేయర్లను వదులుకుని దూబేకు అంత పెట్టడం ఏంటని ఫ్యాన్స్ ప్రశ్నిస్తున్నారు.
News October 30, 2024
తెలంగాణలో 6 నుంచి కులగణన
రాష్ట్రంలో నవంబర్ 6 నుంచి కులగణన చేపట్టాలని ప్రభుత్వం నిర్ణయించింది. ఆరోజు కాంగ్రెస్ అగ్రనేత రాహుల్ గాంధీని ఆహ్వానించి, కార్యక్రమాన్ని ప్రారంభింపజేయాలని కాంగ్రెస్ చూస్తోంది. కులగణనపై అభిప్రాయాలు అడిగేందుకు త్వరలోనే సర్కార్ అఖిలపక్ష సమావేశం కూడా నిర్వహించనుంది. క్యాస్ట్ సెన్సెస్ ద్వారా రాష్ట్ర ప్రజల సామాజిక, ఆర్థిక పరిస్థితులు తెలుస్తాయని ప్రభుత్వం భావిస్తోంది.
News October 30, 2024
ఆఖరి టెస్టు కోసం టీమ్ ఇండియా కసరత్తు
న్యూజిలాండ్‌తో జరగబోయే చివరి టెస్టు కోసం టీమ్ ఇండియా తీవ్ర కసరత్తులు చేస్తోంది. భారత ఆటగాళ్లు నెట్స్‌లో తీవ్రంగా చెమటోడ్చుతున్నారు. కెప్టెన్ రోహిత్‌తోపాటు కోహ్లీ, బుమ్రా, జడేజా, ఆకాశ్ దీప్ తదితర ఆటగాళ్లు ప్రాక్టీస్ చేస్తూ కనిపించారు. కాగా ఎల్లుండి ముంబైలోని వాంఖడే స్టేడియంలో మూడో టెస్టు ప్రారంభం కానుంది. రెండో టెస్టులో ఆడిన జట్టుతోనే రోహిత్ సేన ఈ మ్యాచ్‌లోనూ బరిలోకి దిగనున్నట్లు తెలుస్తోంది.
News October 30, 2024
67 ఏళ్ల వ‌య‌సులో వోగ్ క‌వ‌ర్‌పేజీపై డింపుల్
బాలీవుడ్ కమ్‌బ్యాక్ క్వీన్‌గా పేరు సంపాదించిన 67 ఏళ్ల డింపుల్ క‌పాడియా వోగ్ మ్యాగ‌జైన్ క‌వ‌ర్ పేజీ మీద మెరిశారు. స్ట‌న్నింగ్ లుక్స్‌తో మొద‌టిసారి ఆమె ఐకానిక్ మ్యాగ‌జైన్ క‌వ‌ర్ పేజీకి పోజులిచ్చారు. 80కి పైగా చిత్రాల్లో న‌టించిన డింపుల్ బాబీ (1973), సాగ‌ర్‌, జ‌న్బాజ్‌, కాశ్‌, రామ్ ల‌ఖ‌న్ వంటి చిత్రాల‌తో పేరు సంపాదించారు. ఈ వ‌య‌సులో కూడా ఆమెకున్న ప్యాష‌న్‌పై నెటిజ‌న్లు ప్ర‌శంస‌లు కురిపిస్తున్నారు.
News October 30, 2024
ఫోన్ పే, గూగుల్ పే తరహాలో ఇకపై జియో పేమెంట్స్!
ఆన్‌లైన్ పేమెంట్స్ అగ్రిగేటర్‌గా పనిచేయడానికి జియో ఫైనాన్షియల్ సర్వీసెస్‌లో భాగమైన జియో పేమెంట్ సొల్యూషన్స్‌కు RBI అనుమతి ఇచ్చింది. ఫలితంగా వ్యాపారులు, వినియోగదారుల మధ్య డిజిటల్ పేమెంట్స్ నిర్వహించడానికి జియోకు లైన్ క్లియర్ అయింది. దీంతో ఫోన్ పే, గూగుల్ పే, పేటీఎం తరహాలోనే త్వరలో జియో పేమెంట్స్ అందుబాటులోకి రానుంది. దీనివల్ల ఆయా యాప్స్‌కు గట్టి పోటీ తప్పదని మార్కెట్ విశ్లేషకులు చెబుతున్నారు.
News October 30, 2024
కెనడా విప‌క్ష నేత‌పై హిందూ సమాజం ఆగ్రహం
కెన‌డాలో విప‌క్ష నేత పియర్ పోయిలీవ్రే తీరుపై అక్కడి హిందూ సమాజం ఆగ్రహం వ్యక్తం చేసింది. పార్ల‌మెంట్ హిల్‌లో ఏర్పాటు చేసిన దీపావ‌ళి వేడుక‌ల్లో పియర్ పాల్గొనాల్సి ఉండ‌గా చివరి నిమిష‌ంలో ఆయన కార్యక్రమాన్ని ర‌ద్దు చేసుకున్నారు. భార‌త్‌-కెనడా మధ్య దౌత్య వివాదం నేప‌థ్యంలో ఆయన ప్రోగ్రాంను ర‌ద్దు చేసుకున్నార‌ని భావిస్తున్నారు. ఇది ద్రోహమంటూ OFIC అధ్య‌క్షుడు శివ భాస్క‌ర్ అసంతృప్తి వ్యక్తం చేశారు.
News October 30, 2024
రిషభ్ పంత్‌కు రూ.30 కోట్లు: ఆకాశ్ చోప్రా
టీమ్ ఇండియా స్టార్ క్రికెటర్ రిషభ్ పంత్ వేలంలోకి వస్తే రూ.25 కోట్ల నుంచి రూ.30 కోట్లు పలుకుతారని మాజీ క్రికెటర్ ఆకాశ్ చోప్రా జోస్యం చెప్పారు. అతడి కోసం ఫ్రాంచైజీలు ఎగబడతాయని ఆయన అభిప్రాయపడ్డారు. ‘పంత్ కచ్చితంగా వేలంలోకి వచ్చే అవకాశం ఉంది. ఆయన ఎక్కువ రన్స్ చేసినా, చేయకపోయినా భారీ ధరకు అమ్ముడవుతాడని రాసిస్తా. PBKS, RCB, KKR, CSKతో పాటు MI కూడా పంత్ కోసం పోటీ పడతాయి’ అని ఆయన పేర్కొన్నారు.
News October 30, 2024
ALERT.. రేపు ఈ జిల్లాల్లో వర్షాలు
తెలంగాణలోని పలు జిల్లాల్లో రేపు వర్షాలు పడతాయని HYD వాతావరణ కేంద్రం తెలిపింది. ఆదిలాబాద్, ఆసిఫాబాద్, మంచిర్యాల, NZB, జగిత్యాల, సిరిసిల్ల, KRMR, పెద్దపల్లి, భూపాలపల్లి, ములుగు, కొత్తగూడెం, ఖమ్మం, NLG, SRPT, MHBD, WL, హన్మకొండ, జనగాం, సిద్దిపేట, భువనగిరి, రంగారెడ్డి, HYD, మల్కాజిగిరి, వికారాబాద్, సంగారెడ్డి, మెదక్ జిల్లాల్లో ఉరుములు, మెరుపులతో కూడిన వర్షాలు పడతాయని ఎల్లో అలర్ట్ జారీ చేసింది.
Featured News
Sorry, no posts matched your criteria.