India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 30, 2024
దీపావళి: ప్రజలకు అలర్ట్ మెసేజ్‌లు
టపాసులు కాల్చేటప్పుడు జాగ్రత్తలు పాటించాలని APSDMA పేర్కొంది. ప్రజల మొబైల్స్‌కు అలర్ట్ మెసేజ్‌లు పంపుతోంది. ‘అగ్నిప్రమాదం జరిగితే అత్యవసర సహాయం కోసం 101, 112, 100, 1070 టోల్ ఫ్రీ నంబర్లను సంప్రదించండి. బాణసంచా కాల్చే సమయంలో కాటన్ దుస్తులు ధరించండి. ఇంటి కిటికీలు, తలుపులు మూసేయండి. పెద్దల పర్యవేక్షణలో పిల్లలు టపాసులు కాల్చాలి. టపాసులు వెలిగించి విచక్షణా రహితంగా విసరకండి’ అని మెసేజ్ పంపుతోంది.
News October 30, 2024
సల్మాన్‌ను చంపేస్తానని బెదిరింపులు.. నిందితుడి అరెస్ట్
సల్మాన్ ఖాన్‌ను చంపేస్తానని బెదిరించిన నిందితుడిని ముంబై పోలీసులు అరెస్ట్ చేశారు. రూ.2Cr ఇవ్వకపోతే సల్మాన్‌ను చంపేస్తానని ట్రాఫిక్ కంట్రోల్ రూమ్‌కు మెసేజ్ వచ్చింది. విచారణ చేపట్టిన పోలీసులు బాంద్రాలో నిందితుడిని అదుపులోకి తీసుకున్నారు. తరచూ సల్మాన్‌‌కు లారెన్స్ బిష్ణోయ్ గ్యాంగ్ నుంచి బెదిరింపులు వస్తున్నాయి. అయితే తాజాగా పట్టుబడిన నిందితుడికి ఆ గ్యాంగ్‌తో సంబంధాలపై పోలీసులు ఆరా తీస్తున్నారు.
News October 30, 2024
YCP MP విజయసాయిరెడ్డికి అరుదైన గౌరవం
AP: వైసీపీ ఎంపీ విజయసాయిరెడ్డికి అరుదైన గౌరవం లభించింది. ఐక్యరాజ్యసమితి సాధారణ అసెంబ్లీ (UNGA) 29వ సెషన్‌కు వెళ్లే బృందంలో ఆయనకు స్థానం దక్కింది. ఈ విషయాన్ని ఆయన ‘ఎక్స్‌’ ద్వారా తెలిపారు. ఈ అవకాశాన్ని కల్పించిన ఉపరాష్ట్రపతి జగ్‌దీప్ ధన్‌ఖడ్, ప్రధాని మోదీకి కృతజ్ఞతలు తెలుపుతున్నానని పేర్కొన్నారు. వచ్చే నెల 18 నుంచి 23 వరకు జరిగే ఈ చర్చల్లో పాల్గొనేందుకు ఎంతో ఆసక్తిగా ఎదురుచూస్తున్నట్లు తెలిపారు
News October 30, 2024
ఐపీఎల్‌లో ప్లేయర్ కనీస ధర పెంపు?
ఐపీఎల్ వేలంలో ప్లేయర్ కనీస ధర ఇప్పటి వరకు రూ.20 లక్షలుగా ఉన్న సంగతి తెలిసిందే. అది ఇకపై రూ.30 లక్షలు కావొచ్చని తెలుస్తోంది. అన్‌క్యాప్డ్ ప్లేయర్లకు లభించే రూ.20 లక్షలు చాలా తక్కువ అని నిర్వాహకులు భావిస్తున్నారని ఐపీఎల్ వర్గాలు తెలిపాయి. ఈ నేపథ్యంలో వారికి మరో రూ. 10 లక్షలు పెంచినట్లు వివరించాయి. వేలానికి సంబంధించి.. ఆటగాళ్ల రిటెన్షన్ గడువు రేపటితో ముగియనుంది.
News October 30, 2024
వాళ్లిద్దరూ వ్యతిరేకించినా గెలుపు నాదే: నవాబ్
BJP, శివసేన వ్యతిరేకించినా మ‌న్‌ఖుర్ద్ శివాజీన‌గ‌ర్ స్థానంలో గెలుపు తనదే అని NCP అభ్యర్థి నవాబ్ మాలిక్ అన్నారు. ఈ స్థానం నుంచి సురేశ్ పాటిల్‌ను శివసేన బరిలో దింపడాన్ని ఆయన తప్పుబట్టారు. ‘BJP కూడా పాటిల్‌కు మద్దతు తెలుపుతోంది. నా కుమార్తె బరిలో దిగుతున్న అనుశక్తి నగర్‌లో కూడా పరిస్థితి ఇలాగే ఉంది. అయినా మాకు నష్టం లేదు. నేను, నా కుమార్తె సనా భారీ మెజారీటీతో గెలుస్తాం’ అన్నారు.
News October 30, 2024
ముగిసిన రాజ్ పాకాల విచారణ
TG: జన్వాడ ఫామ్‌హౌస్ పార్టీ కేసులో KTR బామ్మర్ది రాజ్ పాకాల విచారణ ముగిసింది. విజయ్ మద్దూరి స్టేట్‌మెంట్ ఆధారంగా 9 గంటల పాటు ఆయన్ను మోకిల పోలీసులు ప్రశ్నించారు. విచారణ మధ్యలో ఆయన్ను ఫామ్‌హౌస్‌కు తీసుకెళ్లిన పోలీసులు గంట పాటు అక్కడ సోదాలు చేపట్టారు. గతంలో ఫామ్‌హౌస్‌లో జరిగిన పార్టీలపైనా ఆరా తీశారు. ఆయన చెప్పిన స్టేట్‌మెంట్‌ను రికార్డ్ చేశారు.
News October 30, 2024
కోడింగ్‌పై సుందర్ పిచ్చాయ్ కీలక వ్యాఖ్యలు
గూగుల్‌లో 25% కోడ్‌ల‌ను AI ద్వారా జ‌న‌రేట్ చేస్తున్న‌ట్టు CEO సుందర్ పిచ్చాయ్ తెలిపారు. బేసిక్ అవ‌స‌రాలును AIతో తీర్చుకోగ‌లిగినా వాటిని హ్యుమ‌న్ ఇంజినీర్లు చెక్ చేస్తున్న‌ట్టు తెలిపారు. తద్వారా ఆయన ఎంట్రీలెవ‌ల్‌, కోడింగ్ జాబ్‌ల‌పై అనేక ప్ర‌శ్న‌లు లేవ‌నెత్తార‌నే టాక్ న‌డుస్తోంది. దీని వల్ల ఉద్యోగాలు పోతాయ‌ని కాకుండా ఉద్యోగులు ఇన్నోవేష‌న్‌పై దృష్టిసారించే ఆస్కారం ఏర్పడుతుందని చెబుతున్నారు.
News October 30, 2024
పచ్చదనంతో ఈ సమస్యలకు చెక్!
పచ్చదనం కలిగిన పరిసరాల్లో నివసిస్తున్న వారు గుండె, షుగర్, BP వంటి సమస్యలకు దూరంగా ఉన్నట్లేనని ఓ సర్వేలో తేలింది. ముఖ్యంగా పార్కులు, తోటల చుట్టూ ఉన్న ఇంట్లో నివసించడం వల్ల స్ట్రోక్‌కు గురయ్యే ప్రమాదం తక్కువని తేలింది. చుట్టూ భవనాలతో నిండిన కార్యాలయాల్లో పనిచేయడం వల్ల శబ్ద కాలుష్యానికి గురికావడం వల్ల గుండెపోటు వచ్చే ప్రమాదం ఉందంది. BP, హార్ట్ బీట్ పెరగడానికి శబ్దకాలుష్యం ఓ కారణమని పేర్కొంది.
News October 30, 2024
రిప‌బ్లిక‌న్ల‌ను కలవరపెడుతున్న ప్యూర్టో రికో
అధ్య‌క్ష ఎన్నిక‌లు ద‌గ్గ‌ర ప‌డేకొద్దీ అమెరికా అధీనంలోని ప్యూర్టో రికో రిప‌బ్లిక‌న్ల‌ను టెన్ష‌న్ పెడుతోంది. ట్రంప్ మాడిస‌న్ స్క్వేర్ సభలో స్టాండ‌ప్ క‌మెడియ‌న్ టోనీ హించ్‌క్లిఫ్ ప్యూర్టో రికోను ఓ చెత్త‌కుప్ప‌తో పోల్చ‌డం వివాదం రేపింది. ఈ ద్వీపంలోని ప్ర‌జ‌లు ఎన్నికల్లో ఓటు వేయకపోయినా ఇక్కడి మూలాలున్న 60 లక్షల మంది ఓటర్లు అమెరికాలో నివసిస్తున్నారు. ఇప్పుడు వీరంతా రిపబ్లికన్లపై గుర్రుగా ఉన్నారు.
News October 30, 2024
గాంధీ కుటుంబం హామీ శిలాశాసనం: రేవంత్
గాంధీ కుటుంబం ఏదైనా హామీ ఇస్తే అది శిలాశాసనంతో సమానమని సీఎం రేవంత్ అన్నారు. గాంధీ భవన్‌లో ఏర్పాటు చేసిన కుల గణనపై అవగాహన సమావేశంలో రేవంత్ పాల్గొన్నారు. తెలంగాణలో ఇందిరమ్మ ప్రభుత్వం వచ్చాక సామాజిక, ఆర్థిక, రాజకీయ కులగణన చేస్తామని రాహుల్ గాంధీ మాట ఇచ్చారని ఆయన అన్నారు. సెప్టెంబర్ 17న తుక్కుగూడ సభలో సోనియా గాంధీ కూడా మాటిచ్చారని, గాంధీ కుటుంబం మాటిస్తే 100% నెరవేర్చుతుందని ఆయన అన్నారు.
Featured News
Sorry, no posts matched your criteria.