India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 1, 2024
IED బాంబు పేల్చిన ఉగ్రవాదులు.. ఏడుగురు మృతి
పాక్ బ‌లూచిస్తాన్ ప్రావిన్సులో ఉగ్రవాదులు రిమోట్ కంట్రోల్డ్ IED బాంబును పేల్చిన ఘ‌ట‌న‌లో ఏడుగురు మృతిచెందారు. మస్తాంగ్ జిల్లాలోని సివిల్ ఆస్పత్రి చౌక్ వ‌ద్ద పోలీసు వ్యాన్‌ టార్గెట్‌గా ఈ దాడి జరిగింది. ముందుగానే పార్కింగ్ చేసిన బైక్‌లో బాంబులు ఉంచి రిమోట్ కంట్రోల్‌తో వాటిని పేల్చిన‌ట్టు మస్తాంగ్ DPO ఉమ్రానీ తెలిపారు. మృతుల్లో ఐదుగురు స్కూల్ పిల్ల‌లు, ఒక పోలీసు ఉన్నారు. మ‌రో 17 మంది గాయ‌ప‌డ్డారు.
News November 1, 2024
ఉద్యోగుల అవినీతి, అక్రమాలపై ఫిర్యాదు చేసే వారికి ప్రభుత్వ రక్షణ
AP: ఉద్యోగుల అవినీతి విషయంలో కఠినంగా వ్యవహరించాలని రాష్ట్ర ప్రభుత్వం నిర్ణయించింది. ప్రభుత్వ ఉద్యోగులపై ఆరోపణలు, ఫిర్యాదులు, కేసులు పెట్టేవారికి రక్షణ కల్పించనుంది. నోడల్ అధికారిగా ఇంటెలిజెన్స్ చీఫ్ లడ్డాను నియమించింది. ఉద్యోగుల అవినీతి, అక్రమాలపై విజిలెన్స్ కమిషన్‌కు ఫిర్యాదు చేసే వారికి అండగా ఉండేలా నోడల్ అధికారి కార్యాచరణ రూపొందించనున్నారు. వివరాలకు 0866-2428400/2974075 నంబర్లకు ఫోన్ చేయండి.
News November 1, 2024
అప్పుడే 6.20 కోట్ల మంది అమెరికన్లు ఓటేశారు
అమెరికా అధ్యక్ష ఎన్నిక‌ల్లో అప్పుడే 6.20 కోట్ల మంది త‌మ ఓటు హ‌క్కును వినియోగించుకున్నారు. మ‌న ద‌గ్గ‌ర పోస్ట‌ల్ బ్యాలెట్ ఓట్ల మాదిరిగా అమెరికాలో ఎర్లీ ఓటింగ్‌కు అవకాశం ఉంది. దీంతో స్థానిక ఓటర్లు ఈ-మెయిల్ లేదా వ్య‌క్తిగ‌తంగా హాజ‌రై త‌మ ఓటు హ‌క్కును వినియోగించుకుంటున్నారు. ఈ ఎన్నిక‌ల్లో దాదాపు 24.4 కోట్ల మంది ఓటింగ్‌లో పాల్గొనే అవకాశం ఉంది. 2020లో జరిగిన అధ్యక్ష ఎన్నిక‌ల్లో 66% పోలింగ్ జరిగింది.
News November 1, 2024
కొత్త పెన్షన్లు, రేషన్ కార్డులపై కీలక ప్రకటన
APలో త్వరలో కొత్త రేషన్ కార్డులు, పెన్షన్లు ఇస్తామని సీఎం చంద్రబాబు ప్రకటించారు. దీనిపై కార్యాచరణ రూపొందిస్తామని, అర్హులందరికీ ఇళ్లు మంజూరు చేస్తామని వెల్లడించారు. SKLM(D) ఈదుపురం సభలో ఆయన ప్రసంగించారు. ‘విశాఖ రైల్వే జోన్‌కు లైన్ క్లియర్ చేశాం. రేపో, ఎల్లుండో భూమిపూజ చేస్తాం. టెక్కలి/పలాసలో ఎయిర్‌పోర్టు తీసుకొస్తాం. మూలపేటలో 10వేల ఎకరాల్లో ఇండస్ట్రియల్ కారిడార్ ఏర్పాటు చేస్తాం’ అని హామీ ఇచ్చారు.
News November 1, 2024
దుల్కర్-సాయి పల్లవి కాంబోలో తెలుగు మూవీ?
మలయాళ నటుడు దుల్కర్ సల్మాన్, లేడీ పవర్ స్టార్ సాయి పల్లవి కాంబోలో ఓ మూవీ తెరకెక్కనుంది. వైజయంతి మూవీస్ నిర్మించనున్న ‘ఆకాశంలో ఒక తార’ అనే తెలుగు సినిమాలో వీరిద్దరూ ప్రధాన పాత్రల్లో నటించనున్నట్లు సినీవర్గాలు పేర్కొన్నాయి. దీనిపై త్వరలో అధికారిక ప్రకటన రానున్నట్లు వెల్లడించాయి. కాగా, దుల్కర్ ‘లక్కీ భాస్కర్’, సాయి పల్లవి నటించిన ‘అమరన్’ నిన్న విడుదలైన విషయం తెలిసిందే.
News November 1, 2024
అన్నక్యాంటీన్లలో ఉచిత భోజనం అందించే ఆలోచన: గంటా
AP: స్టీల్ ప్లాంట్‌ను కాపాడుకోవడానికి చిత్తశుద్ధితో ఉన్నామని టీడీపీ MLA గంటా శ్రీనివాసరావు అన్నారు. ఉక్కు పరిశ్రమపై ఇప్పటికే ప్రధాని మోదీతో చంద్రబాబు మాట్లాడారని చెప్పారు. అవసరమైతే మరోసారి ఢిల్లీ వెళ్లి కేంద్రంతో మాట్లాడుతామని తెలిపారు. భవిష్యత్తులో అన్న క్యాంటీన్లలో భోజనం ఉచితంగా అందించే ఆలోచన ఉందని వెల్లడించారు. విశాఖకు మరిన్ని IT కంపెనీలు తీసుకొచ్చేలా మంత్రి లోకేశ్ కృషి చేస్తున్నారని అన్నారు.
News November 1, 2024
11 సీట్లే వచ్చినా నోరు లేస్తోంది: పవన్
AP: సోషల్ మీడియాలో ఏది పడితే అది మాట్లాడితే చూస్తూ ఊరుకోమని డిప్యూటీ సీఎం పవన్ కళ్యాణ్ హెచ్చరించారు. 11 సీట్లు వచ్చినా వారికి నోళ్లు మూతపడడం లేదని విమర్శించారు. ‘ప్రతి ఒక్కరి కడుపు నింపేందుకే దీపం 2.0 పథకం తీసుకువచ్చాం. రాష్ట్రంలో నెలకొన్న సమస్యలను ఒక్కొక్కటిగా పరిష్కరిస్తున్నాం. ఇప్పటికిప్పుడే అన్ని సమస్యలను తీర్చలేం. దీనిపై విమర్శలు చేయడం సరికాదు’ అని ఆయన హెచ్చరించారు.
News November 1, 2024
ముగిసిన తొలి రోజు ఆట.. భారత్ స్కోర్ 86/4
న్యూజిలాండ్‌తో జరుగుతున్న మూడో టెస్టులో తొలి రోజు ఆట ముగిసే సమయానికి భారత్ 86/4 రన్స్ చేసింది. ఇంకా 149 పరుగులు వెనుకబడి ఉంది. కెప్టెన్ రోహిత్ శర్మ (18), విరాట్ కోహ్లీ (4) విఫలమయ్యారు. ప్రస్తుతం క్రీజులో శుభ్‌మన్ గిల్ (31*), రిషభ్ పంత్ (1*) ఉన్నారు. కాగా అంతకుముందు కివీస్ తొలి ఇన్నింగ్స్‌లో 235 పరుగులకు ఆలౌటైంది. విల్ యంగ్ (71), డారిల్ మిచెల్ (82) అర్ధ సెంచరీలతో రాణించారు.
News November 1, 2024
IPL చరిత్రలో ఇద్దరు మాత్రమే!
IPL చరిత్రలో అత్యధికంగా సంపాదించిన ప్లేయర్ల గురించి నెట్టింట చర్చ జరుగుతోంది. ఇందులో రోహిత్ శర్మ, విరాట్ కోహ్లీలు మాత్రమే రూ.200+ కోట్లు సంపాదించినట్లు క్రికెట్ వర్గాలు పేర్కొన్నాయి. Mi ప్లేయర్ రోహిత్ రూ.210.9 కోట్లు, RCB ప్లేయర్ కోహ్లీ రూ.209.2 కోట్లు, CSK ప్లేయర్ MS ధోనీ రూ.192.84 కోట్లు, CSK ఆటగాడు జడేజా రూ.143.01 కోట్లు IPL ద్వారా పొందారు.
News November 1, 2024
బాబు తప్పిదం వల్లే పోలవరం ఆలస్యం: అంబటి
AP: సీఎం చంద్రబాబు తప్పిదం వల్లే పోలవరం ఆలస్యమైందని YCP నేత అంబటి రాంబాబు ఆరోపించారు. ఆయన నిర్లక్ష్యం వల్లే ప్రాజెక్టును సరైన సమయంలో పూర్తి చేయలేకపోయామన్నారు. ‘పోలవరం సెకండ్ ఫేజ్‌ను నాశనం చేసేందుకు బాబు కంకణం కట్టుకున్నారు. కూటమి ప్రభుత్వం పోలవరానికి అన్యాయం చేస్తోంది. దీనిని భూస్థాపితం చేసేందుకు కుట్ర పన్నుతోంది. ప్రాజెక్టు పూర్తి చేయకుండా తప్పించుకునేందుకు ప్రయత్నిస్తోంది’ అని ఆయన మండిపడ్డారు.
Featured News
Sorry, no posts matched your criteria.