India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 29, 2024
షరియత్ కౌన్సిల్ విడాకుల సర్టిఫికెట్ ఇవ్వడం షాకింగ్: మద్రాస్ హైకోర్టు
షరియత్ కౌన్సిల్ ప్రైవేటు సంస్థ అని, అది మంజూరు చేసే విడాకులు చెల్లవని మద్రాస్ హైకోర్టులోని మదురై బెంచ్ తెలిపింది. వారు విడాకుల సర్టిఫికెట్ ఇవ్వడం షాకింగ్గా ఉందంది. అక్కడ ట్రిపుల్ తలాక్ చెప్పినప్పటికీ వివాహం మనుగడలో ఉన్నట్టేనని స్పష్టం చేసింది. తలాక్ను అంగీకరించని భార్యకు రూ.5L పరిహారం, నెలకు రూ.25వేలు చెల్లించాలని తిరునెల్వేలి కోర్టు 2021లో ఇచ్చిన తీర్పును సవాల్ చేస్తూ భర్త హైకోర్టుకు వెళ్లారు.
News October 29, 2024
ఏం జరిగినా ఆశ్చర్యపోవద్దు.. KTR సంచలన ట్వీట్
TG: 2 రోజులుగా జరుగుతుంది కేవలం ఆరంభమేనని, రాబోయే రోజుల్లో మరిన్ని కష్టాలు ఎదుర్కోవడానికి సిద్ధంగా ఉండాలని BRS కార్యకర్తలు, సోషల్ మీడియా సభ్యులను ఉద్దేశిస్తూ KTR ట్వీట్ చేశారు. ‘త్వరలో మనపై కేసులు పెట్టడం, తప్పుడు ప్రచారం చేయడం చూస్తాం. BJP, కాంగ్రెస్, TDP పెయిడ్ సోషల్ మీడియా ట్రోల్స్ మనల్ని టార్గెట్ చేస్తాయి. ఏం జరిగినా ఆశ్చర్యపోవద్దు. వాటిని మీ దృష్టి మరల్చనివ్వవద్దు’ అని KTR ట్వీట్ చేశారు.
News October 29, 2024
ఫ్రీగా గ్యాస్ సిలిండర్.. ఇలా బుక్ చేసుకోండి
AP: పాత విధానంలోనే గ్యాస్ ఏజెన్సీ నంబర్కు మిస్డ్ కాల్ ఇచ్చి గ్యాస్ బుక్ చేసుకోవచ్చు. ఆయిల్ కంపెనీ యాప్లోనూ అవకాశం ఉంటుంది. ఇప్పటికే ఆధార్ కార్డు, రేషన్ కార్డు, బ్యాంక్ ఖాతాలు లింక్ అయిన గ్యాస్ వినియోగదారులకు సబ్సిడీ సొమ్ము అకౌంట్లలో జమ అవుతుంది. బుక్ చేయగానే లింక్ అయిన నంబర్కు మెసేజ్ వస్తుంది. సిలిండర్ తీసుకునేటప్పుడు డబ్బు చెల్లిస్తే 48 గంటల్లో అంతే మొత్తం ఖాతాల్లో డిపాజిట్ చేస్తారు.
News October 29, 2024
BREAKING: ఉచిత గ్యాస్ సిలిండర్ బుకింగ్స్ ప్రారంభం
AP: ఉచిత గ్యాస్ సిలిండర్ పథకానికి సంబంధించి బుకింగ్స్ను రాష్ట్ర ప్రభుత్వం ప్రారంభించింది. ఎల్లుండి నుంచి అమలయ్యే ఈ పథకానికి నాలుగు నెలలకు ఒకటి చొప్పున ఏడాదికి 3 సిలిండర్లను లబ్ధిదారులకు ప్రభుత్వం అందజేయనుంది. తొలి విడత చెల్లింపుల్లో భాగంగా ఇప్పటికే ప్రభుత్వం రూ.895 కోట్లు విడుదల చేసింది. DBT విధానంలో ఉచిత సిలిండర్ నగదును ఖాతాలో జమచేయనుంది.
News October 29, 2024
పల్లె రోడ్లకు మహర్దశ!
TG: రాష్ట్రంలో వచ్చే నాలుగేళ్లలో గ్రామాల్లో 17,300km మేర రోడ్లను ppp మోడల్లో అభివృద్ధి చేయాలని ప్రభుత్వం యోచిస్తోంది. ప్రతి ఏడాది 4,000-5,000km రోడ్ల నిర్మాణం లక్ష్యంగా పెట్టుకుంది. పంచాయతీరాజ్ విభాగం కింద బీటీ రోడ్లు 26146.83km, WBM రోడ్లు 7752.10km, సీసీ రోడ్లు 4146.63km, మట్టిరోడ్లు 30493.72km మేర వేయనుంది. దీనికి మొత్తంగా రూ.12,000కోట్లు ఖర్చు కానుందని అంచనా.
News October 29, 2024
బిగ్ బీ, చిరుకు థాంక్స్ చెప్పిన నాగార్జున
ANR నేషనల్ అవార్డ్ ఈవెంట్కు అతిథిగా వచ్చిన బిగ్ బీ అమితాబ్ బచ్చన్కు, అవార్డు పొందిన మెగాస్టార్ చిరంజీవికి నాగార్జున కృతజ్ఞతలు తెలిపారు. ‘లివింగ్ లెజెండ్స్ బచ్చన్, చిరు ANR శత జయంతి వేడుకలకు హాజరై మరపురాని జ్ఞాపకాలను అందించారు. మీ రాకతో ఈ వేడుక మరింత ప్రతిష్ఠాత్మకంగా మారింది. నాన్నగారి జీవితానికి సంబంధించి కీరవాణి చేసిన ప్రదర్శన ఎప్పటికీ గుర్తుండిపోతుంది’ అని ట్వీట్ చేశారు.
News October 29, 2024
పెరిగిన బంగారం ధరలు.. ఎంతంటే?
హైదరాబాద్ మార్కెట్లో ఇవాళ బంగారం ధరలు పెరిగాయి. 10 గ్రాముల 24 క్యారెట్ల పసిడి రేటు రూ.650 పెరిగి రూ.80,450కి చేరింది. 10 గ్రా. 22 క్యారెట్ల గోల్డ్ రూ.600 పెరిగి రూ.73,750 పలుకుతోంది.
News October 29, 2024
Halloween: పుష్పరాజ్ గొడ్డలితో అల్లు అయాన్
‘పుష్ప’ సినిమాలో తాను వాడిన గొడ్డలిని అల్లు అయాన్ దొంగిలించాడని ఐకాన్ స్టార్ అల్లు అర్జున్ ఇన్స్టాలో పోస్ట్ చేశారు. అయాన్, అర్హ ఇద్దరూ హాలోవీన్ వేషధారణలో ఉన్న ఫొటోను స్నేహ ఇన్స్టాలో షేర్ చేయగా దీనిని బన్నీ రీపోస్ట్ చేశారు. ‘అయాన్.. నువ్వెప్పుడు నా గొడ్డలిని ఎత్తుకెళ్లావ్’ అని రాసుకొచ్చారు. ఈ ఫొటో వైరలవుతోంది. కాగా, ‘పుష్ప-2’ షూటింగ్ శరవేగంగా సాగుతోంది.
News October 29, 2024
‘సల్మాన్ఖాన్ను చంపేస్తాం’ కేసులో మరొకరి అరెస్టు
యాక్టర్ సల్మాన్ఖాన్, MLA జీషన్ సిద్ధిఖీని చంపుతామని బెదిరించిన కేసులో మరొకరిని ముంబై పోలీసులు కనుగొన్నారు. నోయిడాలో గుఫ్రాన్ ఖాన్ను అరెస్టు చేసి ట్రాన్సిట్ రిమాండుకు పంపించారు. డబ్బులివ్వకపోతే చంపేస్తామని సల్మాన్, జీషన్ ఆఫీస్కు శుక్రవారం కాల్స్ వచ్చాయి. దీనిపై కేసు నమోదు చేసుకొన్న పోలీసులు దర్యాప్తు ఆరంభించారు. ముందు మహ్మద్ తయ్యబ్ను ఆ తర్వాత జంషెడ్పూర్లో షేక్ హుస్సేన్ను అరెస్టు చేశారు.
News October 29, 2024
పోలీసులకు తప్పుడు సంకేతాలు వెళ్తున్నాయి: RSP
TG: సీఎం రేవంత్ భద్రతా సిబ్బందిలో బెటాలియన్ పోలీసులను తొలగించడాన్ని BRS నేత RS ప్రవీణ్ కుమార్ తప్పుబట్టారు. ‘ఇంత ఘోరమైన పరిస్థితులు వస్తాయని నేను కలలో కూడా ఊహించలేదు. సీఎం రేవంత్.. అర్జంటుగా మౌనం వీడి బెటాలియన్లకు వెళ్లండి. కానిస్టేబుళ్ల కుటుంబాలతో మాట్లాడండి. మీ అనాలోచిత చర్యల వల్ల పోలీసులకు తప్పుడు సంకేతాలు వెళ్తున్నాయి. అంతర్గత భద్రతకు సంబంధించి ఇది సీరియస్ ఇష్యూ’ అని ట్వీట్ చేశారు.
Featured News
Sorry, no posts matched your criteria.