India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 1, 2024
Flipkartలో సరికొత్త మోసం?
Flipkartలో జరుగుతోన్న ఓ మోసాన్ని కేశవ్ అనే వ్యక్తి లేవనెత్తారు. Mokobora కంపెనీకి చెందిన సూట్‌కేస్ ధరను ఆండ్రాయిడ్, iOSలలోని Flipkart యాప్‌లో కంపేర్ చేశారు. ఆండ్రాయిడ్‌లో దీని ధర రూ.4819 ఉండగా, iOSలో రూ.5499 ఉంది. ఒకే కంపెనీ బ్యాగుకూ ఎందుకీ వ్యత్యాసమని ఆయన మండిపడ్డారు. దీనిపై Flipkart స్పందిస్తూ.. ‘వివిధ అంశాల ఆధారంగా ధరలను విక్రేత నిర్ణయించడంతో కొన్నిసార్లు వ్యత్యాసం ఉంటుంది’ అని పేర్కొంది.
News November 1, 2024
నాకంటే వారికే ఎక్కువ దక్కాలి: రోహిత్ శర్మ
ముంబై ఐదుగురు ప్లేయర్లను రిటైన్ చేసుకోగా రోహిత్ శర్మ కంటే బుమ్రా, సూర్య, పాండ్యకే ఎక్కువ మొత్తం ఇస్తోంది. దీనిపై రోహిత్ స్పందించారు. ‘నేను T20 ఫార్మాట్ నుంచి రిటైర్ అయ్యాను. జాతీయ జట్టుకు ఆడేవారికి ఎక్కువ ప్రాధాన్యం దక్కాలని భావించా. నాకు ఇదే సరైన ప్లేస్’ అని చెప్పారు. కాగా, బుమ్రాకు రూ.18 కోట్లు, సూర్య, పాండ్యకు రూ.16.35 కోట్లు, రోహిత్ శర్మకు రూ.16.30 కోట్లు, తిలక్ వర్మకు రూ.8 కోట్లు దక్కాయి.
News November 1, 2024
శ్రీవారి దర్శనానికి 18 గంటల సమయం
తిరుమలలో భక్తుల రద్దీ పెరిగింది. టీబీసీ కౌంటర్ వరకు భక్తులు క్యూలైన్‌లో ఉన్నారు. శ్రీవారి సర్వదర్శనానికి 18 గంటల సమయం పడుతోంది. నిన్న స్వామివారిని 63987 మంది దర్శించుకున్నారు. హుండీ ఆదాయం రూ.2.66 కోట్లు లభించింది.
News November 1, 2024
కొనసాగుతున్న పెన్షన్ల పంపిణీ
ఏపీలో నవంబర్ నెల పెన్షన్ల పంపిణీ కొనసాగుతోంది. తెల్లవారుజాము నుంచే సచివాలయ ఉద్యోగులు లబ్ధిదారుల ఇళ్లకు వెళ్లి పింఛన్లు అందిస్తున్నారు.
మొత్తం 64.14 లక్షల మంది లబ్ధిదారులుండగా ఇప్పటి వరకు 29.83 లక్షల మందికి పింఛన్లు అందించారు. పలు కారణాలతో ఇవాళ పెన్షన్ అందుకోలేని వారికి రేపు అందించనున్నారు. ఇటు ఉచిత గ్యాస్ సిలిండర్ పథకం ప్రారంభించేందుకు ఇవాళ CM చంద్రబాబు శ్రీకాకుళం జిల్లాకు వెళ్లనున్నారు.
News November 1, 2024
IPL రిటెన్షన్లలో బ్యాటర్లదే పైచేయి
నిన్న IPL రిటెన్షన్ల ప్రక్రియ హాట్‌హాట్‌గా సాగింది. ఈ రిటెన్షన్లో ఫ్రాంచైజీలు ఎక్కువగా బ్యాటర్లనే రిటైన్ చేసుకున్నాయి. మొత్తం 28 మంది బ్యాటర్లు రిటైన్ కాగా బౌలర్లు కేవలం 11 మంది రిటైన్ అయ్యారు. ఇక ఆల్‌రౌండర్ల విషయానికి వస్తే ఏడుగురిని ఆయా జట్లు తమతో అట్టిపెట్టుకున్నాయి. అత్యధిక ధర కూడా బ్యాటర్లకే పలికిన విషయం తెలిసిందే.
News November 1, 2024
ఉమ్మడి ఆంధ్రప్రదేశ్ అవతరణ గురించి తెలుసా?
తెలుగు మాట్లాడే రాయలసీమ, కోస్తాంధ్ర జిల్లాలు మద్రాస్ రాష్ట్రంలో ఉండేవి. పొట్టి శ్రీరాములు దీక్ష, ప్రాణత్యాగంతో 1953 OCT 1న ఆంధ్రరాష్ట్రం అవతరించింది. తెలుగు వారంతా ఒకే రాష్ట్రంగా ఉండాలనే ప్రతిపాదన తెరపైకి వచ్చింది. కొందరు దీన్ని వ్యతిరేకించినప్పటికీ విస్తృత చర్చల తర్వాత ఆంధ్రరాష్ట్రం, హైదరాబాద్ (తెలంగాణ) కలయికతో 1956 NOV 1న ఉమ్మడి ఆంధ్రప్రదేశ్ ఆవిర్భవించింది. 2014లో మళ్లీ ఏపీ, తెలంగాణ విడిపోయాయి.
News November 1, 2024
ఆపద్బాంధవుడవయ్యా ముకేశ్!
ఆస్ట్రేలియా-ఏతో జరుగుతున్న టెస్టు తొలి ఇన్నింగ్స్‌లో ఇండియా-ఏ కేవలం 107 రన్స్‌కే ఆలౌటైన సంగతి తెలిసిందే. అయితే ఈ మ్యాచ్‌లో ఆస్ట్రేలియా భారీ ఆధిక్యం సాధించి గెలవడం పక్కా అనే దశలో భారత పేసర్ ముకేశ్ కుమార్ ఆపద్బాంధవుడయ్యారు. 46 పరుగులిచ్చి 6 కీలక వికెట్లు పడగొట్టారు. దీంతో ఆస్ట్రేలియా తొలి ఇన్నింగ్స్‌లో 195 పరుగులకే ఆలౌట్ అయ్యింది. ముకేశ్ రాణింపుతో భారీ లీడ్ తప్పింది.
News November 1, 2024
IPL: ఈ ప్లేయర్లకు భారీ జాక్‌పాట్
IPL-2025 రిటెన్షన్లో పలువురు ప్లేయర్లు జాక్‌పాట్ కొట్టేశారు. RR వికెట్ కీపర్ ధ్రువ్ జురేల్‌కు 2024లో కేవలం రూ.20 లక్షలు మాత్రమే దక్కగా ఈసారి రూ.14 కోట్లకు రిటైన్ చేసుకున్నారు. అంటే ఏకంగా 6900% అధికం. పతిరణ (రూ.13 కోట్లు), రజత్ పాటిదార్ (రూ.11 కోట్లు), మయాంక్ యాదవ్ (రూ.11 కోట్లు), సాయి సుదర్శన్ (రూ.8.50 కోట్లు), శశాంక్ సింగ్ (రూ.5.50 కోట్లు), రింకూ సింగ్ (రూ.13 కోట్లు)లు ఈ లిస్టులో ఉన్నారు.
News November 1, 2024
గెలవాలనే మైండ్‌సెట్ ఉన్న వారినే రిటైన్ చేసుకున్నాం: LSG ఓనర్
ఐపీఎల్: లక్నో రిటెన్షన్లపై ఆ ఫ్రాంచైజీ ఓనర్ సంజీవ్ గోయెంకా కీలక వ్యాఖ్యలు చేశారు. ‘జట్టు కోసం ఆడే, గెలవాలనే మైండ్‌సెట్ ఉన్న ప్లేయర్లనే మేం రిటైన్ చేసుకున్నాం. టీం కాకుండా వ్యక్తిగత మైలురాళ్ల కోసం ఆడేవాళ్లను పక్కనబెట్టాం’ అని వ్యాఖ్యానించారు. కేఎల్ రాహుల్‌ను ఉద్దేశించే గోయెంకా ఈ కామెంట్స్ చేశారని నెటిజన్లు పోస్టులు చేస్తున్నారు. రాహుల్ స్ట్రైక్ రేట్ తక్కువగా ఉండటమే ఇందుకు కారణమంటున్నారు.
News November 1, 2024
తిరుమల శ్రీవారి వస్త్రాలు ఈ-వేలం.. ఎప్పటినుంచంటే?
AP: తిరుమల శ్రీవారి ఆలయంతోపాటు అనుబంధ ఆలయాల్లో భక్తులు సమర్పించిన వస్త్రాలను TTD వేలం వస్తోంది. నవంబర్ 4వ తేదీ నుంచి 11వ తేదీ వరకు ఆన్‌లైన్ వేలంలో వీటిని దక్కించుకోవచ్చు. కొత్తవి, ఉపయోగించినవి, పాక్షికంగా దెబ్బతిన్న వస్త్రాలు 358 లాట్లు ఉన్నట్లు టీటీడీ తెలిపింది. పూర్తి వివరాలకు తిరుపతిలోని TTD మార్కెట్ కార్యాలయాన్ని 0877-2264429 నంబరులో లేదా టీటీడీ అధికారిక వెబ్‌సైట్‌ను సంప్రదించాలని తెలిపింది.
Featured News
Sorry, no posts matched your criteria.