India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 1, 2024
కత్తులతో దాడి.. ముగ్గురు మృతి
AP: దీపావళి పండుగ రోజున కాకినాడ జిల్లాలో ఘర్షణ చెలరేగింది. కాజులూరు(మ) సలపాకలో ఇరువర్గాలు కత్తులతో దాడి చేసుకోగా, ముగ్గురు చనిపోయారు. పాత కక్షల నేపథ్యంలో ఇరువర్గాల మధ్య ఏర్పడిన వాగ్వాదం దాడి చేసుకునే వరకూ వెళ్లింది. సమాచారం అందుకున్న పోలీసులు ఘటనా స్థలానికి చేరుకుని దర్యాప్తు చేస్తున్నారు.
News October 31, 2024
30 వారాల గర్భవిచ్ఛిత్తికి బాంబే హైకోర్టు అనుమతి
అత్యాచారానికి గురైన 11 ఏళ్ల బాలిక గర్భం దాల్చడంతో ఆమె 30 వారాల గర్భాన్ని తొలగించేందుకు బాంబే హైకోర్టు అనుమ‌తించింది. బాలిక క‌డుపు ఇన్ఫెక్ష‌న్ల వ‌ల్ల ఉబ్బింద‌ని త‌ల్లిదండ్రులు మొద‌ట భావించారు. అయితే ముంబైలోని ఓ ఆస్ప‌త్రి వైద్యులు ప్రెగ్నెన్సీ నిర్ధారించారు. దీంతో గుర్తు తెలియ‌ని నిందితుడిపై బాలిక తండ్రి ఫిర్యాదు చేశారు. DNA ప‌రీక్ష కోసం పిండం నుంచి శాంపిల్స్ సేక‌రించాల‌ని కోర్టు ఆదేశించింది.
News October 31, 2024
రెండోసారి తల్లి కాబోతున్న అమీ జాక్సన్
హీరోయిన్ అమీజాక్సన్ రెండోసారి తల్లి కాబోతున్నారు. తన భర్త ఎడ్ వెస్ట్‌విక్‌‌తో కలిసి బేబి బంప్‌తో ఉన్న ఫొటోను ఆమె సోషల్ మీడియాలో పంచుకున్నారు. ఇటీవల హాలీవుడ్ నటుడు వెస్ట్‌విక్‌ను ఆమె పెళ్లాడారు. కాగా గతంలో జార్జ్ పనాయోటౌ అనే వ్యక్తితో డేటింగ్ చేసిన అమీ ఓ బాబుని కన్నారు. ఆ తర్వాత వారిద్దరూ పెళ్లి చేసుకోకుండా విడిపోయారు. ఎవడు, ఐ, రోబో-2 లాంటి సినిమాలతో ఈ బ్రిటిష్-ఇండియన్ యాక్టర్ పాపులర్ అయ్యారు.
News October 31, 2024
12 భారతీయ సంస్థలు, ఇద్దరు పౌరులపై అమెరికా ఆంక్షలు
ఉక్రెయిన్‌తో యుద్ధంలో రష్యాకు స‌హ‌క‌రిస్తున్నార‌న్న ఆరోప‌ణ‌ల‌పై 12కిపైగా భారతీయ కంపెనీలు, ఇద్దరు పౌరులపై అమెరికా ఆంక్షలు విధించింది. ఈ జాబితాలో 400+ సంస్థలు, వ్యక్తులు ఉన్నారు. వీరు యుద్ధానికి అవసరమైన పరికరాలను రష్యాకు స‌ర‌ఫ‌రా చేస్తున్న‌ట్టు అమెరికా ఆరోపించింది. సిక్కు వేర్పాటువాది పన్నూ హత్య కుట్రలో భారత మాజీ గూఢ‌చారి ప్రమేయంపై అమెరికా అభియోగాలు మోపిన అనంతరం తాజా ఆంక్షలు చర్చకు దారి తీశాయి.
News October 31, 2024
ఏపీలో రెన్యువబుల్ ఎనర్జీ జోన్లు
APలో పునరుత్పాదక ఇంధన జోన్లు ఏర్పాటు చేయాలని రాష్ట్ర ప్రభుత్వం నిర్ణయించింది. గ్రీన్ ఎనర్జీ పాలసీలో భాగంగా REZలను ఏర్పాటు చేయనుంది. సౌర, పవన, హైబ్రిడ్, బ్యాటరీ స్టోరేజ్ విద్యుత్ ఉత్పత్తికి REZలను అందుబాటులోకి తీసుకురానుంది. రెన్యువబుల్ ఎనర్జీ మాన్యుఫ్యాక్చరింగ్ జోన్లనూ ఏర్పాటు చేయనుంది. లేటెస్ట్ టెక్నాలజీతో ఉత్పత్తి చేసే విద్యుత్ ప్లాంట్లకు VGF సదుపాయం ప్రభుత్వం కల్పించనుంది.
News October 31, 2024
రాజకీయాలు వదిలేద్దామనుకున్నా: KTR
తన 18 ఏళ్ల రాజకీయ జీవితంలో కుటుంబ సభ్యులు, పిల్లలు సైతం ఇబ్బందులు పడ్డారని కేటీఆర్ తెలిపారు. ఒక దశలో రాజకీయాల నుంచి వైదొలగాలని అనుకున్నానని అయితే పోరాడాలని నిర్ణయించుకుని నిలబడినట్లు చెప్పారు. Xలో నెటిజన్ల ప్రశ్నలకు ఆయన సమాధానమిచ్చారు. ప్రస్తుత రాజకీయాలు ఏం బాలేవని అన్నారు. పాలిటిక్స్‌లో కుటుంబ సభ్యుల్ని ఎందుకు లాగుతున్నారో అర్థం కావడం లేదని, తాము అధికారంలో ఉన్నప్పుడు ఇలా చేయలేదని చెప్పారు.
News October 31, 2024
ఉచిత గ్యాస్ సిలిండర్.. మీరు ఇలా చేశారా?
APలో రేపటి నుంచి ఉచిత గ్యాస్ సిలిండర్ పంపిణీ ప్రారంభం కానుంది. ఇప్పటికే బుకింగ్స్ ప్రారంభమయ్యాయి. రేషన్ కార్డు, గ్యాస్ కనెక్షన్, ఆధార్ ఉన్న వారు అర్హులు. రేషన్ కార్డుకు ఈ-కేవైసీ తప్పనిసరి. లేదంటే గ్యాస్ ఏజెన్సీల వద్ద లింక్ చేసుకోవాలి. ఆధార్-బ్యాంక్ ఖాతా లింక్ అయ్యి ఉండాలి. అలా లింకైన అకౌంట్లోనే సిలిండర్ కోసం ప్రభుత్వం ఇచ్చే డబ్బులు 48 గంటల్లోగా జమ అవుతాయి. ఏడాదికి 3 సిలిండర్లు ఉచితంగా ఇస్తారు.
News October 31, 2024
దీపావళి: ఆ గ్రామంలో రావణుడి ఆత్మశాంతికి యజ్ఞం
ఉత్తర్‌ప్రదేశ్‌లోని బిశ్రక్ గ్రామంలో దీపావళి పండుగను జరుపుకోరు. రావణాసురుడు ఇక్కడే పుట్టారని ఇక్కడి ప్రజలు నమ్మడమే ఇందుకు కారణం. రావణుడు, కుంభకర్ణుడు, విభీషణుడు ఇక్కడే పుట్టి లంకకు వెళ్లి రాజ్యాన్ని పాలించారని నమ్ముతుంటారు. ఇక్కడి పురాతన శివలింగాన్ని రావణుడు, ఆయన తండ్రి విశ్రవసుడు పూజించారనేది స్థానిక కథనం. దీపావళి రోజున బాణసంచా కాల్చడానికి బదులు రావణుడి ఆత్మశాంతి కోసం యజ్ఞాలు చేస్తుంటారు.
News October 31, 2024
IPL రిటెన్షన్‌లో అత్యధిక ధర వీళ్లకే..
➦క్లాసెన్ రూ.23 కోట్లు
➦రూ.21 కోట్లు: విరాట్ కోహ్లీ, నికోలస్ పూరన్
➦రూ.18కోట్లు: రుతురాజ్ గైక్వాడ్, జడేజా, బుమ్రా, పాట్ కమిన్స్, రషీద్ ఖాన్, సంజూ శాంసన్, యశస్వీ జైస్వాల్
News October 31, 2024
రేపు ఈ జిల్లాల్లో వర్షాలు
తెలంగాణలోని పలు జిల్లాల్లో రేపు వర్షాలు కురుస్తాయని HYD వాతావరణ కేంద్రం తెలిపింది. ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, సిరిసిల్ల, కరీంనగర్, పెద్దపల్లి, భూపాలపల్లి, సిద్దిపేట, హైదరాబాద్, మేడ్చల్, వికారాబాద్, సంగారెడ్డి, మెదక్, కామారెడ్డి జిల్లాల్లో ఉరుములు, మెరుపులతో కూడిన వర్షాలు పడతాయంటూ ఎల్లో అలర్ట్ ఇచ్చింది.
Featured News
Sorry, no posts matched your criteria.