India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 1, 2025
అంతర్గత కలహాలతోనే హరీశ్‌ను టార్గెట్ చేశారు: మహేశ్ కుమార్
TG: కవిత వ్యాఖ్యలతో కాళేశ్వరంలో అవినీతి జరిగిందని స్పష్టమైందని టీపీసీసీ చీఫ్ మహేశ్ కుమార్ గౌడ్ అన్నారు. ‘తప్పు కేసీఆర్ చేశారా? హరీశ్ రావు చేశారా? అనేది అనవసరం. స్కామ్ జరిగిందని స్పష్టమైంది. మామా అల్లుళ్ల వాటా ఎంతో తేలాలి. కేసీఆర్ కుటుంబంలో మూడు ముక్కలాట ఫైనల్‌కు చేరింది. కుటుంబ తగాదాలను కాంగ్రెస్‌పై రుద్దడమేంటి? అంతర్గత కలహాలతోనే హరీశ్ రావును టార్గెట్ చేశారు’ అని అన్నారు.
News September 1, 2025
ప్రభాస్‌తో సినిమా కోసం అనుష్క వెయిటింగ్?
పాన్ ఇండియా స్టార్ ప్రభాస్‌తో మరో సినిమా చేయాలని హీరోయిన్ అనుష్క శెట్టి భావిస్తున్నట్లు తెలుస్తోంది. బాహుబలి తర్వాత అదే రేంజ్‌లో ఉండే కథ వస్తే నటించేందుకు సిద్ధంగా ఉన్నట్లు సమాచారం. కచ్చితంగా డార్లింగ్‌తో మళ్లీ కలిసి నటించే రోజు వస్తుందని ఆమె ఆశాభావం వ్యక్తం చేసినట్లు వార్తలు వస్తున్నాయి. కాగా అనుష్క నటించిన ‘ఘాటీ’ మూవీ ఈ నెల 5న థియేటర్లలో విడుదల కానుంది.
News September 1, 2025
కవితపై చర్యలకు సిద్ధమవుతున్న బీఆర్ఎస్?
TG: పార్టీ అగ్రనేతలపై సంచలన <<17582704>>ఆరోపణలు<<>> చేసిన MLC కవితపై BRS చర్యలకు సిద్ధమవుతున్నట్లు తెలుస్తోంది. తాజాగా ఆమె PRO పార్టీ అధికారిక వాట్సాప్ గ్రూప్‌లో కవిత కామెంట్స్‌ను పోస్ట్ చేశారు. దీంతో వాటిని డిలీట్ చేసిన బీఆర్ఎస్.. PROను అందులో నుంచి తొలగించింది. అటు BRS ఫాలోవర్లు కవిత X, ఇన్‌స్టా అకౌంట్లను అన్‌ఫాలో కొడుతున్నారు. కవిత విషయంలో అధినేత KCR ఎలాంటి నిర్ణయం తీసుకుంటారని కేడర్ ఉత్కంఠగా ఎదురుచూస్తోంది.
News September 1, 2025
నందీశ్వరుడు ఎవరు?
మహాశివుడి పరమభక్తుడైన శిలాదుడి కుమారుడే నందీశ్వరుడు. ఓసారి అతను శ్రీశైలం వచ్చి కఠోర తపస్సు చేశాడు. నంది దీక్షకు మెచ్చిన శంకరుడు ప్రత్యక్షమై వరం కోరుకోమన్నాడు. తనకు మరో 10వేల ఏళ్లు తపస్సు శక్తిని ప్రసాదించమని నంది అర్థించగా శివుడు తథాస్తు అన్నాడు. 10వేల వేళ్ల తపస్సు తర్వాత నందికి నీలకంఠుడు గణాధిపత్యం ఇచ్చాడు. తనకు సన్నిహితంగా, శ్రీశైలంలో కొలువుదీరేలా అనుగ్రహించాడు. శ్రీశైలఖండం కావ్యంలో ఈ కథ ఉంది.
News September 1, 2025
కూతురి ఆరోపణలపై KCR ఇప్పటికైనా స్పందిస్తారా?
TG: కవిత కామెంట్స్‌పై ఆమె తండ్రి, మాజీ CM KCR ఎలా స్పందిస్తారనేది ఇప్పుడు ఆసక్తికరం. గతంలో ఆమె కామెంట్స్ చేసినప్పుడు ఆయనేమీ మాట్లాడలేదు. కానీ ఇప్పుడు పార్టీలో మెయిన్ లీడర్ హరీశ్ రావుతో పాటు తన వెన్నంటే ఉండే సంతోష్‌పై <<17582704>>ఆరోపణలు<<>> చేయడాన్ని ఆయన ఎలా తీసుకుంటారనేది ఉత్కంఠగా మారింది. తండ్రిగా ఆమెకు మద్దతిస్తారా? లేక పార్టీ హద్దు దాటినందుకు వేటు వేస్తారా? మీరేమంటారు?
News September 1, 2025
మద్యం ప్రియులకు శుభవార్త.. అర్ధరాత్రి 12 వరకు బార్లు
AP: రాష్ట్రంలో ఇవాళ్టి నుంచి నూతన బార్ పాలసీ అమలు కానుంది. దీంతో ఉదయం 10 గంటల నుంచి అర్ధరాత్రి 12 గంటల వరకు బార్లు తెరిచే ఉంటాయి. ఈ పాలసీ మూడేళ్లపాటు అమలులో ఉండనుంది. కాగా గతంలో రాత్రి 11 గంటలకే బార్లు మాసి వేసేవారు. కానీ ఈ కొత్త పాలసీతో అదనంగా మరో గంటపాటు బార్లను నిర్వహించుకోవచ్చు. కాగా ఈ పాలసీలో 10 శాతం బార్లను కల్లు గీత కార్మికులకు కూడా కేటాయించారు.
News September 1, 2025
ఫామ్ హౌస్‌కు క్యూ కట్టిన బీఆర్ఎస్ నేతలు!
TG: ఎమ్మెల్సీ <<17582704>>కవిత<<>> సంచలన ఆరోపణలు బీఆర్ఎస్ వర్గాల్లో చర్చనీయాంశంగా మారాయి. ఈ క్రమంలో పార్టీ ముఖ్య నేతలు కేసీఆర్ ఫామ్ హౌస్‌కు క్యూ కట్టినట్లు తెలుస్తోంది. అంతకుముందే కాళేశ్వరంపై సీబీఐ విచారణ చేపట్టాలన్న రేవంత్ ఆదేశాలపై కేసీఆర్, కేటీఆర్ సమావేశమైనట్లు సమాచారం. ఈ క్రమంలో కవిత చేసిన వ్యాఖ్యలపై ప్రెస్ మీట్ పెట్టి స్పందిస్తారని చర్చ జరుగుతోంది.
News September 1, 2025
నిమ్స్‌లో ఉచిత గుండె ఆపరేషన్లు
TG: పుట్టుకతోనే గుండె సంబంధిత వ్యాధులతో బాధపడుతున్న చిన్నపిల్లలకు నిమ్స్‌లో బ్రిటన్ వైద్య బృందం ఆధ్వర్యంలో ఉచిత మెడికల్ టెస్టులు చేయనున్నట్లు డైరెక్టర్ ప్రొఫెసర్ నగరి బీరప్ప తెలిపారు. ఈ నెల 21 వరకు పరీక్షలు నిర్వహిస్తామని, అవసరమైతే ఉచిత గుండె ఆపరేషన్లు చేస్తామన్నారు. ఈ ఖర్చును ఆరోగ్యశ్రీ, CMRF ద్వారా ప్రభుత్వం భరిస్తుందన్నారు. ప్రతి మంగళ, గురు, శుక్రవారాల్లో వైద్యులను సంప్రదించవచ్చని పేర్కొన్నారు.
News September 1, 2025
కాల భైరవ మంత్రాలు
* కష్టాలు తొలగడానికి: ఓం హూం జూం భం కాలభైరవాయ సంకష్టనాశాయ నమః
* వ్యాధి నివారణకు : ఓం హూం జూం భం కాలభైరవాయ వ్యాధినివారణాయ నమః
* గ్రహదోష నివారణకు : ఓం హూం జూం భం కాలభైరవాయ గ్రహస్వరూపాయ గ్రహాణాంపతయే నమః
* దుఃఖ నివారణకు: ఓం హూం జూం భం కాలభైరవాయ దుఃఖ నివారణాయ నమః
* వివాహ సిద్ధికి : ఓం హూం జూం భం కాలభైరవాయ మాంగళ్యరూపాయ నమః
News September 1, 2025
కవిత దృష్టిలో దెయ్యాలు వీరేనా?
TG: BRSలో కవిత కల్లోలం మరింత ముదిరింది. KCR చుట్టూ దెయ్యాలున్నాయని గతంలో వ్యాఖ్యానించిన ఆమె, ఇవాళ ఏకంగా హరీశ్, సంతోష్ <<17582704>>పేర్లను<<>> బయటపెట్టడం సంచలనంగా మారింది. ఆమె చెప్పిన దెయ్యాలు వీరేనా? అనే చర్చ రాజకీయ వర్గాల్లో మొదలైంది. అటు కవిత ఆరోపణలను లెక్క చేయబోమని చెబుతూ వస్తున్న BRS నేతలు.. తాజా వ్యాఖ్యలపై ఎలా స్పందిస్తారనేది ఆసక్తిగా మారింది. ముఖ్యంగా హరీశ్, సంతోష్ ఎలా రియాక్ట్ అవుతారో చూడాలి.
Featured News
Sorry, no posts matched your criteria.