India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 29, 2024
రైల్వే స్టేషన్లలో రద్దీ నియంత్రణకు SCR చర్యలు
దీపావళి వేళ రైల్వే స్టేషన్లలో ప్రయాణికులతో రద్దీ నెలకొనే అవకాశం ఉండటంతో సౌత్ సెంట్రల్ రైల్వే ప్రత్యేక చర్యలు చేపట్టింది. SECBAD, HYD, కాచిగూడ, విజయవాడ, గుంటూరు, తిరుపతి వంటి స్టేషన్లలో ప్రత్యేక RPF సిబ్బంది రద్దీని నియంత్రిస్తారు. స్టేషన్లలో స్పెషల్ లైన్లు ఏర్పాటు చేస్తారు. టికెట్ కౌంటర్లను కూడా పెంచినట్లు SCR తెలిపింది. పండగ కోసం 850 స్పెషల్ ట్రైన్లు, అదనపు బోగీలు ఏర్పాటు చేసినట్లు వివరించింది.
News October 29, 2024
అప్పుడు ఆంక్షలు.. ఇప్పుడు పిల్లల్ని కనాలని ఆఫర్లు
ఒకప్పుడు పిల్లల్ని కనకుండా ఆంక్షలు విధించిన చైనా ఇప్పుడు బర్త్రేట్ పెంచేందుకు ఆఫర్లు ప్రకటిస్తోంది. ‘చైల్డ్ బర్త్ ఫ్రెండ్లీ సొసైటీ’ సృష్టికి చర్యలు తీసుకుంటోందని Xinhua న్యూస్ ఏజెన్సీ తెలిపింది. చైల్డ్ బర్త్, చైల్డ్ కేర్ సర్వీసెస్ బలోపేతం, ఎడ్యుకేషన్, హౌసింగ్, ఎంప్లాయిమెంట్ రంగాల్లో ప్రజలకు అనుకూలంగా స్కీములు తేనుందని పేర్కొంది. ఎక్కువ మంది ఉండేలా ఇళ్ల కొనుగోళ్లలో ఆఫర్లూ ఇవ్వనుందని తెలిపింది.
News October 29, 2024
రాష్ట్రంలో పెట్టుబడులకు అడోబ్ సీఈవోను ఆహ్వానించిన లోకేశ్
AP: మంత్రి లోకేశ్ శాన్ఫ్రాన్సిస్కోలో అడోబ్ సీఈవో శంతను నారాయణతో సమావేశమయ్యారు. రాష్ట్రంలో పెట్టుబడులు పెట్టాలని కోరారు. చంద్రబాబు నాయకత్వంలో ఇన్వెస్టర్ ఫ్రెండ్లీగా పాలన కొనసాగుతోందని తెలిపారు. రాష్ట్రంలో ఇ-గవర్నెన్స్ని సమగ్రపరచడం, గ్లోబల్ టెక్ హబ్గా మార్చడానికి సహకారం అందించాలని కోరారు. రాష్ట్రంలో ఆర్ అండ్ బీ కేంద్రాన్ని ఏర్పాటు చేయాలని విజ్ఞప్తి చేశారు.
News October 29, 2024
నేను ఎదుర్కొన్న బెస్ట్ బౌలర్ ఇతనే: మ్యాక్సీ
భారత స్టార్ బౌలర్ బుమ్రాపై ఆస్ట్రేలియన్ ఆల్రౌండర్ మ్యాక్స్వెల్ ప్రశంసల వర్షం కురిపించారు. తాను ఎదుర్కొన్న బెస్ట్ బౌలర్ బుమ్రా అని అన్నారు. స్లో బాల్, యార్కర్లతో నమ్మశక్యం కాని విధంగా బౌలింగ్ చేస్తారని చెప్పారు. మ్యాక్సీ, బుమ్రా 15 ఇన్నింగ్సుల్లో తలపడగా ఏడు సార్లు వికెట్ సమర్పించుకోవడం గమనార్హం. కాగా త్వరలో జరగనున్న BGTకి మ్యాక్స్వెల్ ఎంపిక కాలేదు.
News October 29, 2024
STOCK MARKETS: ఢమాల్.. ఆటో షేర్లపై సెల్లింగ్ ప్రెజర్
నిన్న భారీ లాభాల్లో ముగిసిన బెంచ్మార్క్ సూచీలు నేడు నష్టాల్లో ట్రేడవుతున్నాయి. గ్లోబల్ మార్కెట్ల నుంచి నెగటివ్ సిగ్నల్స్ రావడం, అంతర్జాతీయంగా అనిశ్చితి నెలకొనడమే ఇందుకు కారణాలు. అందుకే ఆచితూచి కొనుగోళ్లు చేపట్టడమే బెటరని ఇన్వెస్టర్లు భావిస్తున్నారు. ప్రస్తుతం సెన్సెక్స్ 79,468 (-536), నిఫ్టీ 24,198 (-140) వద్ద చలిస్తున్నాయి. బ్యాంకింగ్ షేర్లు జోరుమీదున్నాయి. ఆటో షేర్లపై సెల్లింగ్ ప్రెజర్ ఉంది.
News October 29, 2024
ట్రంప్కు మద్దతిచ్చా.. నన్ను చంపినా చంపొచ్చు: ఎలాన్ మస్క్
వాషింగ్టన్ పవర్ బ్రోకర్లకు కమలా హారిస్ పప్పెట్ అని బిలియనీర్ ఎలాన్ మస్క్ ఆరోపించారు. అందుకే ఆమెను చంపేందుకు ట్రై చేయాలన్న ఆందోళనే ఎవరికీ లేదన్నారు. డొనాల్డ్ ట్రంప్కు మద్దతు ఇవ్వడంతో తనను చంపేస్తారేమోనని అన్నారు. ‘వాళ్లు (పవర్ బ్రోకర్స్) నిన్ను చంపేస్తారంటూ నా ఫ్రెండ్స్ ఫోన్ చేస్తున్నారు. అయితే అది మంచి ఛాన్సే, ట్రై చేయనివ్వండి అని వారికి బదులిచ్చాను’ అని పెన్సిల్వేనియా లాంకాస్టర్లో అన్నారు.
News October 29, 2024
చంద్రబాబు చరిత్ర అదే: వైసీపీ
AP: గతంలో ఛార్జీలు పెంచడం అన్యాయమన్న ప్రజలపై బషీర్బాగ్లో గుర్రాలతో తొక్కించి, తుపాకీలతో కాల్చిన చరిత్ర చంద్రబాబుదని వైసీపీ విమర్శించింది. ఆయనకు ప్రజలంటే లెక్కలేదని, ప్రశ్నిస్తే కాల్చి పారేస్తాడని ట్వీట్ చేసింది. ఆనాడు జనరల్ డయ్యర్, నేడు చంద్రబాబు ఒక్కటేనని పేర్కొంది. 4 నెలలకే CBN పాలన ఇలా ఉంటే నాలుగేళ్లు ఎలా భరించాలని ప్రజలు బాధపడుతున్నారని రాసుకొచ్చింది.
News October 29, 2024
ప్రభుత్వం కబుర్లు చెబుతోంది: BRS
TG: రేవంత్రెడ్డి ప్రభుత్వం రాష్ట్రాన్ని నడపాల్సిన పనిని మరిచిపోయి ప్రజలకు కబుర్లు చెప్పడంలో బిజీగా మారిందని ప్రతిపక్ష BRS సోషల్ మీడియా వేదికగా విమర్శలు గుప్పించింది. రాష్ట్ర ఆర్థిక పరిస్థితి చితికిపోయిందని, ఆయన అసమర్థత రాష్ట్రాన్ని నాశనం చేస్తోందని దుయ్యబట్టింది. రెవెన్యూ టార్గెట్ రూ.2.74లక్షల కోట్లు కాగా 6 నెలల్లో కేవలం రూ.1.08లక్షల కోట్లు మాత్రమే సాధించినట్లు పేర్కొంది.
News October 29, 2024
భారీ జీతంతో 640 ఉద్యోగాలు
కోల్ ఇండియా లిమిటెడ్లో 640 మేనేజ్మెంట్ ట్రైనీ పోస్టుల భర్తీకి నోటిఫికేషన్ విడుదలైంది. మైనింగ్, సివిల్, ఎలక్ట్రికల్, మెకానికల్, ఈఅండ్టీ విభాగాల్లో 60% మార్కులతో బీటెక్ పాసైన వారు అర్హులు. గేట్ స్కోర్ ఆధారంగా అభ్యర్థులను ఎంపిక చేస్తారు. ఎంపికైనవారికి ఏడాది శిక్షణ సమయంలో ₹50,000-1,60,000, ఆ తర్వాత ₹60,000-1,80,000 జీతం ఉంటుంది. NOV 28లోపు దరఖాస్తు చేసుకోవాలి.
వెబ్సైట్: <
News October 29, 2024
HYDలో ఆంక్షలు.. ఈ ప్రాంతాల్లో జాగ్రత్త!
TG: HYDలో NOV 28 వరకు 163(పాత 144) సెక్షన్ అమలులో ఉంటుందని పోలీస్ కమిషనర్ సీవీ ఆనంద్ ప్రకటించిన విషయం తెలిసిందే. ఈ సమయంలో బహిరంగ ప్రదేశాల్లో సమావేశాలు, నిరసనలు నిర్వహించకూడదన్నారు. ప్లకార్డులు, ఫొటోలు, గుర్తులు ప్రదర్శించడంపైనా నిషేధం ఉంటుంది. ధర్నాచౌక్ వద్ద మాత్రం ధర్నాలు, నిరసనలు చేసుకోవచ్చు. ముఖ్యంగా Sec-bad, సచివాలయం వంటి మరికొన్ని సున్నిత ప్రాంతాల్లో ఆందోళనలు చేస్తే వారిపై చర్యలుంటాయన్నారు.
Featured News
Sorry, no posts matched your criteria.