India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 30, 2024
మద్యంపై ఖర్చు చేయడంలో తెలంగాణ NO.1
మద్యం అమ్మకాల్లో తెలంగాణ దూసుకెళ్తోంది. భారత్‌లో సగటున ఓ వ్యక్తి మద్యం కోసం చేసిన ఖర్చులో తెలంగాణ నంబర్ వన్‌గా నిలిచింది. 2022-23లో రాష్ట్రంలో యావరేజ్‌గా ఓ వ్యక్తి రూ.1623 ఖర్చు చేసినట్లు నివేదికలో వెల్లడైంది. AP సగటున రూ.1306 ఖర్చుతో రెండో స్థానంలో ఉంది. తర్వాత పంజాబ్‌ (రూ.1245), ఛత్తీస్‌గఢ్(రూ.1227) ఉన్నాయి. కింగ్‌ఫిషర్, మెక్‌డొవెల్స్, టుబర్గ్‌లు పాపులర్ బ్రాండ్స్‌గా నిలిచాయి.
News October 30, 2024
ICC ర్యాంకింగ్స్‌: బుమ్రా కిందకి.. జైస్వాల్ పైకి
తాజాగా ఐసీసీ విడుదల చేసిన టెస్టు ర్యాంకింగ్స్‌లో భారత పేసర్ బుమ్రా 3వ స్థానానికి పడిపోయారు. అశ్విన్ 4, జడేజా 8వ స్థానంలో ఉన్నారు. ఈ విభాగంలో సౌతాఫ్రికా బౌలర్ కగిసో రబాడ అగ్రస్థానానికి చేరుకున్నారు. బ్యాటింగ్‌ విభాగంలో భారత యువ ఓపెనర్ యశస్వీ జైస్వాల్ 3వ స్థానానికి ఎగబాకారు. టాప్‌-10లో భారత్ నుంచి అతనొక్కడే ఉన్నారు. ఈ విభాగంలో టాప్‌లో ఇంగ్లండ్ బ్యాటర్ రూట్ ఉన్నారు.
News October 30, 2024
రైతు సమస్యలపై జగన్ మొసలి కన్నీరు: MLA జీవీ
AP: రైతుల గురించి మాట్లాడే నైతిక అర్హత జగన్‌కు లేదని టీడీపీ ఎమ్మెల్యే జీవీ ఆంజనేయులు విమర్శించారు. ఉచిత పంటల బీమా పేరిట రైతులను జగన్ ముంచారని దుయ్యబట్టారు. రైతు సమస్యలపై ఆయన మొసలి కన్నీరు మానుకోవాలని చురకలంటించారు. బీమా సంస్థలకు రూ.1300 కోట్లకు పైగా బకాయిలు పెట్టి, వాటిని మేం కట్టాలనడం శోచనీయమని అన్నారు. సాగును అస్తవ్యస్తం చేసిన జగన్ రైతులను ఆత్మహత్య ఊబిలోకి నెట్టారని ఫైర్ అయ్యారు.
News October 30, 2024
విరాట్ కోహ్లీ భావోద్వేగాలు అదుపులో లేవు: హాగ్
టీమ్ ఇండియా స్టార్ విరాట్ కోహ్లీ భావోద్వేగాలు అదుపులో లేకపోవడం వల్లనే రాణించలేకపోతున్నారని ఆస్ట్రేలియా మాజీ క్రికెటర్ బ్రాడ్ హాగ్ వ్యాఖ్యానించారు. ‘విరాట్ పరిస్థితిని మరీ ఎక్కువగా అంచనా వేసి దూకుడుగా ఆడాలని ప్రయత్నిస్తున్నారు. ఈక్రమంలోనే విఫలమవుతున్నారు. అతడితో పోలిస్తే రోహిత్ టెక్నిక్ ప్రస్తుతం బాగుంది. ఏదేమైనా.. న్యూజిలాండ్‌ను భారత్ తేలికగా తీసుకోవడమే ఈ సిరీస్ ఓటమికి కారణం’ అని విశ్లేషించారు.
News October 30, 2024
సామాన్యుడు ఖర్చుపెట్టే రూ.100లో అదానీకే రూ.36 వెళ్తోంది: కాంగ్రెస్
BJP పదేళ్ల పాలనలో ఎకానమీ పతనావస్థకు చేరుకుందని కాంగ్రెస్ నేత జైరామ్ రమేశ్ ఆరోపించారు. వేతనాల్లో గ్రోత్ నిలిచిపోయిందని, ద్రవ్యోల్బణం పెరిగిందని విమర్శించారు. వస్తు వినియోగం తగ్గడంతో లాంగ్‌టర్మ్‌లో GDP గ్రోత్ తగ్గే ప్రమాదం ఉందన్నారు. 2015లో కామన్ మ్యాన్ రూ.100 వస్తువులు కొంటే 18% ఇండస్ట్రియలిస్ట్ ఓనర్‌కు వెళ్లేదన్నారు. ఇప్పుడు అదే ఓనర్‌కు రూ.36 వెళ్తోందని అదానీని పరోక్షంగా విమర్శించారు.
News October 30, 2024
మహారాష్ట్రలో 56 మంది రెబల్స్.. అధికార, విపక్ష కూటముల్లో టెన్షన్
మ‌హారాష్ట్ర అసెంబ్లీ ఎన్నిక‌ల్లో అధికార మ‌హాయుతి, విపక్ష మ‌హా వికాస్ అఘాడీ కూటముల‌ను రెబల్స్ టెన్షన్ పెడుతున్నారు. మ‌హాయుతి కూట‌మిలోని BJP, NCP, శివ‌సేన టిక్కెట్లు ఆశించి భంగ‌ప‌డిన 40 మంది అభ్య‌ర్థులు రెబ‌ల్స్‌గా బరిలో నిలిచారు. అటు MVA నుంచి 16 మంది రెబల్స్ పోటీ చేస్తున్నారు. నామినేషన్ల గడువు ముగిసింది. నామినేషన్ల ఉపసంహ‌ర‌ణ గడువు (Nov 4th) వరకు ఎంత మంది బరిలో ఉంటారన్నది వేచిచూడాలి.
News October 30, 2024
ఇక్కడ వృద్ధులకు తోలుబొమ్మలే తోడు
చదువు, ఉపాధి కోసం యువత గ్రామాలను వదిలి పట్టణాలకు వెళ్లడం కామన్. ఆ ఇళ్లలో పిల్లలు లేని లోటు తీర్చలేనిది. అందుకు జపాన్ అతీతం కాదు. అయితే అక్కడి ఇచినోనో గ్రామంలో ఇళ్లు విడిచి వెళ్లిన వారి లోటు తెలియనీయకుండా వృద్ధులకు తోలుబొమ్మలు తోడుగా ఉంటున్నాయి. ఆ వృద్ధులు వారి పిల్లల పోలికలతో బొమ్మలను తయారు చేసుకుంటున్నారు. అటు జపాన్ యువతలేమి, వృద్ధాప్య సమస్యలు ఎదుర్కొంటున్న విషయం తెలిసిందే.
News October 30, 2024
న్యూట్రల్‌గా ఉండాలని నిర్ణయం.. బెజోస్‌కు షాక్!
అమెరికా ఎన్నికలు సమీపిస్తోన్న వేళ Washington Post కీలక నిర్ణయం తీసుకుంది. ఏపార్టీకి సపోర్ట్‌గా కాకుండా న్యూట్రల్‌గా ఉండేందుకు నిర్ణయించినట్లు సంస్థ అధినేత బెజోస్ ప్రకటించారు. ‘సంప్రదాయ US మీడియాపై ప్రజలు విశ్వాసం కోల్పోయారు. సోషల్ మీడియాలో వస్తోన్న ఫేక్ వార్తలనే ఎక్కువగా నమ్ముతున్నారు. అందుకే ఈ నిర్ణయం తీసుకున్నా’ అని తెలిపారు. బెజోస్ నిర్ణయంతో Washington Post భారీగా సబ్‌స్క్రైబర్లను కోల్పోతోంది.
News October 30, 2024
నటిని పెళ్లి చేసుకోనున్న దర్శకుడు!
‘కలర్ ఫొటో’ దర్శకుడు సందీప్ రాజ్ పెళ్లి పీటలు ఎక్కనున్నారు. నటి చాందినీ రావును ఆయన ప్రేమ వివాహం చేసుకోనున్నట్లు సినీ వర్గాలు పేర్కొన్నాయి. నవంబర్ 11న వీరి ఎంగేజ్మెంట్ వైజాగ్‌లో జరగనుందని తెలిపాయి. డిసెంబర్ 7న తిరుపతిలో పెళ్లి చేసుకుంటారని వెల్లడించాయి. కాగా చాందినీ కలర్ ఫొటో, రణస్థలి వంటి చిత్రాలతో పాటు హెడ్స్ అండ్ టేల్స్ వెబ్ సిరీస్‌లో నటించారు.
News October 30, 2024
కొత్త నిబంధనల అమలు.. గడువు పొడిగించిన ట్రాయ్
కొత్త టెలికం నిబంధనల్ని అమల్లోకి తెచ్చేందుకు గాను గడువును ట్రాయ్ మరోసారి పెంచింది. రేపటితో గడువు ముగియనుండగా టెలికం ఆపరేటర్ల అభ్యర్థన మేరకు DEC 1 వరకు పొడిగించింది. టెలీమార్కెటింగ్, బ్యాంకులు, ఇతర సంస్థల నుంచి వచ్చే సందేశాలు, OTPలను బ్లాక్ చేయాలని ట్రాయ్ ఆదేశాలిచ్చింది. నకిలీ కాల్స్‌ను గుర్తించేలా సిస్టమ్‌ను తీసుకొచ్చింది. అయితే దీని వల్ల బ్యాంకింగ్ సందేశాలు, OTPలను స్వీకరించడంలో ఆలస్యం కావొచ్చు.
Featured News
Sorry, no posts matched your criteria.