India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 30, 2024
లీవ్ ఇవ్వని ఉన్నతాధికారి.. బిడ్డను కోల్పోయిన ఉద్యోగి
ఉన్నతాధికారి నిర్దయ కారణంగా ఓ ఉద్యోగి కడుపులోని బిడ్డను కోల్పోయిన ఘటన ఒడిశాలోని కేంద్రపరా జిల్లాలో జరిగింది. ప్రియదర్శిని అనే 7 నెలల గర్భిణికి ఆఫీసులో కడుపు నొప్పి వచ్చింది. తనను ఆస్పత్రికి తీసుకెళ్లాలని, కనీసం సెలవు ఇవ్వాలని CDPOను కోరినా పట్టించుకోలేదు. సాయంత్రం ఆస్పత్రికి వెళ్లగా అప్పటికే బిడ్డ చనిపోయినట్లు వైద్యులు తెలిపారు. ఈ ఘటనపై దర్యాప్తు చేస్తున్నట్లు జిల్లా మేజిస్ట్రేట్ వెల్లడించారు.
News October 30, 2024
ఏప్రిల్‌లోనే ఎప్‌సెట్!
TG: ఇంజినీరింగ్, అగ్రికల్చర్, ఫార్మసీలో ప్రవేశాలకు పరీక్షలకు నిర్వహించే ఎప్‌సెట్ పరీక్షను వచ్చే ఏప్రిల్‌లో నిర్వహించాలని ఉన్నత విద్యామండలి భావిస్తున్నట్లు సమాచారం. ఏటా మేలో పరీక్ష నిర్వహిస్తుండగా క్లాసులు మొదలవడానికి SEP వరకు సమయం పడుతోంది. దీంతో APRలో ఇంటర్ ఎగ్జామ్స్ ముగిశాక ఎప్‌సెట్ నిర్వహించి జులైలో క్లాసులు మొదలయ్యేలా ప్లాన్ చేస్తోంది. ఇతర ప్రవేశ పరీక్షల షెడ్యూల్స్‌పై సైతం కసరత్తు చేస్తోంది.
News October 30, 2024
నాగ చైతన్య-శోభిత పెళ్లి డేట్ ఫిక్స్?
అక్కినేని నాగ చైతన్య, శోభిత వివాహం డిసెంబర్ 4న జరగనున్నట్లు వార్తలు వస్తున్నాయి. దీనిపై త్వరలోనే అధికారిక ప్రకటన వెలువడుతుందని సమాచారం. ఇప్పటికే పెళ్లి పనులు ప్రారంభమయ్యాయని ఇన్‌స్టాలో శోభిత చేసిన పోస్ట్ వైరల్‌గా మారిన సంగతి తెలిసిందే. దీంతో వీరు డెస్టినేషన్ వెడ్డింగ్ చేసుకుంటారా? హైదరాబాద్‌లోనే చేసుకుంటారా? అని ఫ్యాన్స్ చర్చించుకుంటున్నారు.
News October 30, 2024
నేడు మోకిల పీఎస్‌కు రాజ్ పాకాల
TG: ఫామ్ హౌస్ పార్టీ కేసులో కేటీఆర్ బావమరిది రాజ్ పాకాల నేడు హైదరాబాద్‌లోని మోకిల పీఎస్‌కు వెళ్లనున్నారు. హైకోర్టు ఇచ్చిన రెండు రోజుల గడువు నిన్నటితో ముగిసింది. దీంతో ఆయన న్యాయవాదితో కలిసి మధ్యాహ్నం విచారణకు హాజరవుతారని సమాచారం.
News October 30, 2024
ముంబై పిచ్.. టీమ్ ఇండియా స్పెషల్ రిక్వెస్ట్?
NZతో మూడో టెస్టు జరిగే ముంబై వాంఖడే పిచ్ విషయంలో క్యూరేటర్‌కు టీమ్ ఇండియా ప్రత్యేక విజ్ఞప్తి చేసినట్లు ఇండియన్ ఎక్స్‌ప్రెస్ పేర్కొంది. ‘తొలి రోజు నుంచే బంతి గింగిరాలు తిరిగేలా పిచ్‌ను రూపొందించాలని IND కోరింది. గెలిచేందుకు ఇన్నేళ్లూ అనుసరిస్తున్న ఫార్ములానే మూడో టెస్టులో ప్రయోగించనుంది’ అని రాసుకొచ్చింది. ప్రపంచ టెస్టు ఛాంపియన్‌షిప్ ఫైనల్ చేరాలంటే ఈ మ్యాచ్‌ను భారత్ కచ్చితంగా గెలవాల్సి ఉంటుంది.
News October 30, 2024
కిరణ్ అబ్బవరంకి విశ్వక్ సేన్ సపోర్ట్
హీరో కిరణ్ అబ్బవరంకి మరో హీరో విశ్వక్ సేన్ మద్దతుగా నిలిచారు. ఎదిగే హక్కు ప్రతి ఒక్కరికి ఉందని ట్వీట్ చేశారు. ‘క’ మూవీ రిలీజ్ కానున్న నేపథ్యంలో ఆల్ ది బెస్ట్ చెప్పారు. కాగా నిన్న జరిగిన ‘క’ ప్రీరిలీజ్ ఈవెంట్లో <<14485692>>కిరణ్ చేసిన వ్యాఖ్యలు<<>> వైరల్‌గా మారిన సంగతి తెలిసిందే.
News October 30, 2024
షుగర్ లెవల్స్ ఎంత ఉండాలంటే?
సాధారణంగా షుగర్ లెవల్స్ ఉదయం బ్రేక్‌ఫాస్ట్‌కు ముందు 70 నుంచి 99 మధ్య ఉండాలి. ఆహారం తిన్న తర్వాత గంటన్నరకు 140 వరకు ఉండవచ్చు. ఈ లిమిట్ దాటితే డయాబెటిస్‌గా పరిగణిస్తారు. గ్లైసెమిక్ ఇండెక్స్ ఎక్కువగా ఉండే వైట్ రైస్, అరటి, పొటాటో, పుచ్చకాయ, వైట్ బ్రెడ్ లాంటి ఆహార పదార్థాలకు దూరంగా ఉండాలని నిపుణులు హెచ్చరిస్తున్నారు. క్రమం తప్పకుండా వాకింగ్, వ్యాయామం చేయాలని సూచిస్తున్నారు.
News October 30, 2024
రూ.50 కోట్ల కట్నం అడిగిన ఎయిమ్స్ టాపర్?
ఎయిమ్స్ టాపర్ రూ. 50 కోట్లు కట్నంగా అడిగాడంటూ ఓ యువతి చేసిన ట్వీట్ వైరల్ అవుతోంది. ‘నా ఫ్రెండ్ లివర్ ట్రాన్స్‌ప్లాంట్ అనస్థీషియాలో ఫెలోషిప్ చేస్తోంది. ఆమె తల్లిదండ్రులు జీవిత కష్టం రూ.50 కోట్లను ఎయిమ్స్ టాపర్ కట్నంగా అడుగుతున్నాడు. నా ఫ్రెండ్‌కి పెళ్లి కావాల్సిన చెల్లి కూడా ఉంది. నాతో ఫోన్లో గంటల తరబడి ఏడుస్తూనే ఉంది’ అని ఆమె పేర్కొన్నారు. సదరు టాపర్‌పై నెటిజన్ల నుంచి ఆగ్రహం వ్యక్తమవుతోంది.
News October 30, 2024
అవును.. అమిత్ షానే ఖలిస్థానీలపై కుట్రచేశారు: కెనడా
తమ దేశంలో ఖలిస్థానీలను చంపేందుకు కుట్రలు పన్నింది అమిత్ షానే అని కెనడా తాజాగా ఆరోపించింది. కుట్రలు పన్నింది ఆయనేనా అని వాషింగ్టన్ పోస్ట్ జర్నలిస్ట్ అడిగిన ప్రశ్నకు ‘అవును’ అని జవాబిచ్చినట్టు కెనడా డిప్యూటీ ఫారిన్ మినిస్టర్ డేవిడ్ మోరిస్ పార్లమెంటరీ ప్యానెల్‌కు చెప్పారు. దీనిపై ఎలాంటి వివరాలు, ఆధారాలను మాత్రం ఆయన ఇవ్వలేదు. ఆయన స్టేట్‌మెంట్‌పై భారత హైకమిషన్, విదేశాంగ శాఖ ఇంకా స్పందించలేదు.
News October 30, 2024
గ్రూప్-4 ఫలితాలు ప్రకటించండి.. అభ్యర్థుల ఆవేదన
TG: 8,180 గ్రూప్-4 ఉద్యోగాల భర్తీకి సర్టిఫికెట్ వెరిఫికేషన్ పూర్తయ్యి దాదాపు 2 నెలలు కావొస్తుంది. నెలలు గడుస్తున్నా ఎంపికైన వారి జాబితా ఇవ్వట్లేదని అభ్యర్థులు సోషల్ మీడియా వేదికగా ఆవేదన వ్యక్తం చేస్తున్నారు. మంత్రి తుమ్మల నాగేశ్వరరావు ఇటీవల ఇదే విషయమై టీజీపీఎస్సీ అధికారితో మాట్లాడినా ఇంకా ఎలాంటి ప్రకటన లేదని వాపోతున్నారు. ఇప్పటికైనా తుది ఫలితాలు ప్రకటించాలని కోరుతున్నారు.
Featured News
Sorry, no posts matched your criteria.