India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 30, 2024
క్రేజీ న్యూస్ చెప్పిన తమన్
మ్యూజిక్ డైరెక్టర్ తమన్ అదిరిపోయే న్యూస్ చెప్పారు. NBK109, గేమ్ ఛేంజర్ నుంచి అప్డేట్లు రానున్నట్లు ట్వీట్ చేశారు. దీంతో వెయిటింగ్ అంటూ అభిమానులు కామెంట్లు చేస్తున్నారు. కాగా NBK109 బాలకృష్ణ, బాబీ కాంబినేషన్లో తెరకెక్కుతోంది. ‘గేమ్ ఛేంజర్’ మూవీ రామ్ చరణ్, శంకర్ కాంబినేషన్లో వస్తోంది. ఈ రెండు చిత్రాలకు తమన్ మ్యూజిక్ అందిస్తున్నారు.
News October 30, 2024
STOCK MARKET: ఎఫ్ఎంసీజీ, మీడియా, ఐటీ షేర్లు అదుర్స్
దేశీయ బెంచ్‌మార్క్ సూచీలు భారీ నష్టాల్లో మొదలయ్యాయి. గ్లోబల్ మార్కెట్ల నుంచి మిశ్రమ సంకేతాలు అందడంతో ఇన్వెస్టర్లు అమ్మకాలు చేపట్టారు. సెన్సెక్స్ 80,027 (-341), నిఫ్టీ 24,367 (-99) వద్ద ట్రేడవుతున్నాయి. FMCG, మీడియా, IT షేర్లు పుంజుకున్నాయి. బ్యాంకింగ్, ఫార్మా, ఫైనాన్స్, హెల్త్‌కేర్ షేర్లపై సెల్లింగ్ ప్రెజర్ నెలకొంది. సిప్లా, Dr రెడ్డీస్, సన్ ఫార్మా, ICICI బ్యాంకు, యాక్సిస్ బ్యాంకు టాప్ లూజర్స్.
News October 30, 2024
ఆర్సీబీకి మళ్లీ కెప్టెన్ కానున్న కోహ్లీ?
ఆర్సీబీ బ్యాటర్ విరాట్ కోహ్లీ ఆ జట్టుకు మళ్లీ కెప్టెన్ అయ్యే అవకాశాలు కనిపిస్తున్నాయి. ఈ మేరకు ఆయన జట్టు మేనేజ్‌మెంట్‌కు సమాచారమిచ్చినట్లు ఐపీఎల్ వర్గాలు తెలిపాయి. 2022 నుంచి ఆ జట్టుకు డు ప్లెసిస్ కెప్టెన్సీ చేస్తున్నారు. కెప్టెన్లు మారుతున్నా కప్పు కొట్టడంలో విఫలమైంది. ఈ నేపథ్యంలో మరోసారి తానే కెప్టెన్‌గా కప్పుకోసం ట్రై చేయాలని కోహ్లీ భావిస్తున్నట్లు సమాచారం.
News October 30, 2024
బాలీవుడ్ స్టార్‌కు మరోసారి బెదిరింపులు
బాలీవుడ్ స్టార్ హీరో సల్మాన్ ఖాన్‌కు మరోసారి హత్య బెదిరింపులు కలకలం రేపాయి. రూ.2 కోట్లు ఇవ్వాలని లేదంటే చంపేస్తామని గుర్తు తెలియని వ్యక్తి సందేశం పంపినట్లు ముంబై పోలీసులు తెలిపారు. దీనిపై కేసు నమోదు చేసిన పోలీసులు దర్యాప్తు చేపట్టారు. ఇప్పటికే లారెన్స్ బిష్ణోయ్ గ్యాంగ్ సల్మాన్‌ను చంపేస్తామని బెదిరింపులకు గురి చేసిన సంగతి తెలిసిందే. ఈ క్రమంలో ఆయనకు భద్రతను పటిష్ఠం చేశారు.
News October 30, 2024
అగ్ర ఐటీ కంపెనీల సీఈవోలతో లోకేశ్ భేటీ
AP: అమెరికా పర్యటనలో ఉన్న మంత్రి నారా లోకేశ్ లాస్‌వేగాస్‌లో IT సర్వ్ సినర్జీ సమ్మిట్‌లో ప్రసంగించారు. అంతకుముందు మైక్రోసాఫ్ట్ CEO సత్యనాదెళ్ల, అమెజాన్ వెబ్ సర్వీసెస్ MD రేచల్, పెప్సికో మాజీ CEO ఇంద్రానూయి, సేల్స్ ఫోర్స్ ఏఐ సీఈవో క్లారా షియాతో లోకేశ్ సమావేశమయ్యారు. APలో పెట్టుబడులు పెట్టేందుకు గల అవకాశాలను వివరించారు. టెక్నాలజీ, తయారీ రంగాల్లో పెట్టుబడులు పెట్టాలని వారిని కోరారు.
News October 30, 2024
‘కంగువా’ ఎడిటర్ అనుమానాస్పద మృతి
త్వరలో విడుదల కానున్న సూర్య ‘కంగువా’ సినిమా ఎడిటర్ నిషాద్ యూసుఫ్(43) అనుమానాస్పదంగా మృతిచెందారు. కొచ్చిలోని పనంపిల్లినగర్‌లో ఆయన అపార్ట్‌మెంట్‌లో విగతజీవిగా కనిపించారు. ఎలా చనిపోయారన్నదానిపై పోలీసులు దర్యాప్తు చేస్తున్నారు. ఆపరేషన్ జావా, వన్, ఉడాల్, ఎగ్జిట్, సౌదీ వెల్లక్కా తదితర మలయాళం సినిమాలకు ఆయన ఎడిటర్‌గా చేశారు. తల్లుమాల సినిమాకు గాను కేరళ ప్రభుత్వం నుంచి అవార్డు అందుకున్నారు.
News October 30, 2024
మహారాష్ట్రలో సీట్ షేరింగ్ ఇలా..
>>మహాయుతి కూటమి
*బీజేపీ- 148
*శివసేన (షిండే)- 80
*ఎన్సీపీ (అజిత్ పవార్)- 52
*ఇతరులు- 6
*ఒక సీట్లో పోటీ చేయట్లేదు. మరో సీట్ MNSకు ఇచ్చినట్లు సమాచారం.
>>మహా వికాస్ అఘాడీ
*కాంగ్రెస్- 101
*శివసేన (ఉద్ధవ్ థాక్రే)- 96
*ఎన్సీపీ (శరద్ పవార్)- 87
*ఎస్పీ- 2
*సీపీఎం- 2
News October 30, 2024
రేపు తిరుమలలో వీఐపీ దర్శనాలు రద్దు
AP: తిరుమల శ్రీవారి ఆలయంలో రేపు దీపావళి ఆస్థానం సందర్భంగా వీఐపీ దర్శనాలను టీటీడీ రద్దు చేసింది. ప్రోటోకాల్ ప్రముఖులకు మాత్రమే దర్శనం కల్పించనుంది. ఇటు తిరుమలలో భక్తుల రద్దీ సాధారణంగా ఉంది. టోకెన్లు లేని భక్తులకు సర్వదర్శనానికి 6 గంటల సమయం పడుతోంది. నిన్న శ్రీవారిని 59,140 మంది దర్శించుకోగా 16,937 మంది తలనీలాలు సమర్పించారు. హుండీ ఆదాయం రూ.3.31 కోట్లు లభించింది.
News October 30, 2024
కాళేశ్వరం కమిషన్ గడువు 2 నెలలు పొడిగింపు
TG: కాళేశ్వరం కమిషన్ గడువును మరో 2 నెలలు పొడిగించాలనే ప్రతిపాదనలకు GOVT ఆమోదం తెలిపింది. రేపటితో విచారణ గడువు ముగియనుండగా ఈ మేరకు నిర్ణయం తీసుకుంది. ఇప్పటికే కీలక అధికారుల్ని విచారించిన కమిషన్, దీపావళి తర్వాత IASలు, మాజీ IASలు, నిర్మాణ సంస్థలను విచారించనుంది. కాళేశ్వరంలోని మేడిగడ్డ, అన్నారం, సుందిళ్ల బ్యారేజీలపై జస్టిస్ పినాకి చంద్రఘోష్ నేతృత్వంలో ప్రభుత్వం కమిషన్ ఏర్పాటు చేసిన సంగతి తెలిసిందే.
News October 30, 2024
రాష్ట్రంలో 16,347 ఉద్యోగాలు.. 6న నోటిఫికేషన్!
AP: రాష్ట్రంలో 16,347 పోస్టులతో నవంబర్ 6న మెగా DSC నోటిఫికేషన్ విడుదల చేసేందుకు ప్రభుత్వం చర్యలు చేపట్టింది. 3-4 నెలల్లో నియామక ప్రక్రియ పూర్తిచేసి, వచ్చే విద్యాసంవత్సరానికి పోస్టింగులు ఇచ్చేలా ప్రణాళిక సిద్ధం చేసింది. ఇప్పటికే జిల్లాల వారీగా ఖాళీలు, రోస్టర్ పాయింట్లు, సమాంతర రిజర్వేషన్ల వివరాలను DEOల నుంచి సేకరించింది. మరోవైపు టెట్ తుది కీ నిన్న విడుదల కాగా, 2న ఫలితాలు వెల్లడికానున్నాయి.
Featured News
Sorry, no posts matched your criteria.