India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 18, 2024
నెదర్‌లాండ్స్‌లో కొత్త హోటల్స్ నిర్మాణంపై నిషేధం.. ఎందుకంటే?
ఏ దేశమైనా టూరిజం పెరగాలని వీలైనన్ని హోటళ్లు, రిసార్టులు కట్టిస్తుంది. కానీ నెదర్‌లాండ్స్ రాజధాని ఆమ్‌స్టర్‌డ్యామ్‌లో అక్కడి ప్రభుత్వం ఇందుకు భిన్నంగా నిర్ణయం తీసుకుంది. కొత్త హోటల్ బిల్డింగుల నిర్మాణాన్ని నిషేధించింది. ‘ఈ నగరం స్థానికులకూ అనువుగా ఉండేందుకే పర్యాటకుల తాకిడి పెరగకుండా ఈ నిర్ణయం తీసుకున్నాం. ఓ హోటల్ మూతపడితేనే కొత్త హోటల్ నిర్మాణానికి అనుమతిస్తాం’ అని అధికారులు తెలిపారు.
News April 18, 2024
లింగ నిష్పత్తిపై అజిత్ పవార్ వివాదాస్పద వ్యాఖ్యలు
మహారాష్ట్ర డిప్యూటీ సీఎం అజిత్ పవార్ లింగ నిష్పత్తిపై చేసిన వ్యాఖ్యలు వివాదాస్పదమయ్యాయి. ‘రాష్ట్రంలోని అనేక జిల్లాల్లో లింగ నిష్పత్తి 1000 మంది పురుషులు, 850 మంది మహిళలుగా ఉంది. ఇదే కొనసాగితే భవిష్యత్తులో ద్రౌపదికి ఎదురైన పరిస్థితి రావొచ్చు’ అని ఓ కార్యక్రమానికి హాజరైన సందర్భంగా పేర్కొన్నారు. ద్రౌపదికి ఐదుగురితో వివాహమైందన్న విషయాన్ని ఉద్దేశిస్తూ పవార్ చేసిన వ్యాఖ్యలపై విమర్శలు వస్తున్నాయి.
News April 18, 2024
బీజేపీ పాలిత రాష్ట్రాల్లో పోటీకి ఎందుకు సంకోచిస్తున్నారు?: ఆజాద్
కాంగ్రెస్ నేత రాహుల్ గాంధీపై డెమోక్రటిక్ ప్రోగ్రసివ్ ఆజాద్ పార్టీ చీఫ్ గులామ్ నబీ ఆజాద్ తీవ్ర విమర్శలు చేశారు. బీజేపీని రాహుల్ దీటుగా ఎదుర్కొంటున్నారన్న కాంగ్రెస్ శ్రేణుల వాదనను తోసిపుచ్చారు. ‘రాహుల్ చర్యలు అందుకు భిన్నంగా ఉన్నాయి. బీజేపీ పాలిత రాష్ట్రాల్లో పోటీ చేసేందుకు ఎందుకు సంకోచిస్తున్నారు? ఆ రాష్ట్రాల నుంచి పరారై మైనార్టీలు ఎక్కువ ఉన్న ప్రాంతాలను ఎందుకు ఆశ్రయిస్తున్నారు’ అని ప్రశ్నించారు.
News April 18, 2024
ఇజ్రాయెల్‌పై ఇరాన్ దాడి.. హమాస్ ఖుష్
ఇజ్రాయెల్‌పై ఇరాన్ మిసైళ్లతో విరుచుకుపడటాన్ని హమాస్ సమర్థించింది. ఇరాన్ దాడులకు పాల్పడటం న్యాయబద్ధమైనదని, ఇజ్రాయెల్‌కు తగిన శాస్తి జరిగిందని పేర్కొంది. ఈ దాడులతో బాధ్యతారహితంగా, శిక్షలు అనుభవించకుండా ఇజ్రాయెల్ ఇన్నాళ్లు యధేచ్చగా సాగించిన పెత్తనానికి ముగింపు పడిందని హమాస్ తన ప్రకటనలో చెప్పుకొచ్చింది. కాగా ఇజ్రాయెల్ దేశస్థులను బందీలుగా తీసుకుని ఆ దేశంపై హమాస్ గత కొంతకాలంగా పోరాడుతోంది.
News April 18, 2024
ఇది సాధారణ ఎన్నికలు కాదు: మోదీ
లోక్‌సభ తొలి విడత ఎన్నికలకు సిద్ధమైన బీజేపీ, NDA కూటమి అభ్యర్థులకు రాసిన లేఖలో మోదీ కీలక వ్యాఖ్యలు చేశారు. ఇది సాధారణ ఎన్నికలు కాదని ఈ లేఖ ద్వారా ప్రజలకు తెలియజేయనున్నట్లు పేర్కొన్నారు. దేశవ్యాప్తంగా ఉన్న కుటుంబాలు, ముఖ్యంగా పెద్దలు.. ఆరు దశాబ్దాల కాంగ్రెస్ పాలనలో అనుభవించిన కష్టాలు ఇంకా మర్చిపోలేదన్నారు. గత పదేళ్లలో సమాజంలో ప్రతీ వర్గం బాగుపడిందని, మరోసారి గెలిస్తే మరింత బాగుచేయొచ్చని తెలిపారు.
News April 18, 2024
కంచుకోటలోనే మావోలను ఎలా హతమార్చారంటే..
ఛత్తీస్‌గఢ్‌లో నక్సల్స్ కంచుకోటైన బినగుండాలోకి ప్రవేశించి 29 మంది మావోలను భద్రతాబలగాలు ఎన్‌కౌంటర్ చేయడం చర్చనీయాంశమైంది. మావోల అంచనా తప్పడమే ఈ ఎన్‌కౌంటర్ సక్సెస్‌కు కారణమని పోలీస్ వర్గాలు వెల్లడించాయి. ‘రేపు లోక్‌సభ తొలి విడత ఎన్నికలు జరగనున్న నేపథ్యంలో మా ఫోకస్ దక్షిణ బస్తర్‌పై ఉంటుందనుకున్నారు. ఏప్రిల్ 26న కాంకేర్‌లో ఎన్నికలు జరగనున్న నేపథ్యంలో ఇంకా టైమ్ ఉందని భావించారు’ అని పేర్కొన్నారు.
News April 18, 2024
ఎన్నికల వేళ అభ్యర్థులకు మోదీ లేఖ
లోక్‌సభ తొలి విడత ఎన్నికలకు సిద్ధమైన NDA కూటమి అభ్యర్థులకు ప్రధాని మోదీ నుంచి ప్రత్యేకంగా లేఖలు అందాయి. పేరు పేరునా నేతలను ఉద్దేశిస్తూ మోదీ నుంచి లేఖ రావడం అభ్యర్థుల్లో ఉత్సాహాన్ని నింపుతుందని విశ్లేషకులు అభిప్రాయపడుతున్నారు. ఈ జాబితాలో కోయంబత్తూర్ BJP అభ్యర్థి అన్నామలై వంటి ప్రముఖులూ ఉన్నారు. మున్ముందు సంబంధిత అభ్యర్థులకు ప్రాంతీయ భాషల్లో లేఖ అందేలా కృషి చేస్తున్నట్లు బీజేపీ వర్గాలు తెలిపాయి.
News April 18, 2024
మాల్దీవుల ప్రెసిడెంట్‌కు కొత్త చిక్కులు
వివాదాస్పద నిర్ణయాలు తీసుకుని భారత్‌తో సత్సంబంధాలు చెడగొట్టుకున్న మాల్దీవుల అధ్యక్షుడు ముయిజ్జుకు ఇప్పుడు కొత్త చిక్కులు వచ్చినట్లు తెలుస్తోంది. ఈనెల 21న ఆ దేశ పార్లమెంటరీ ఎన్నికలు జరగనున్న వేళ 2018లో ఆయన అవినీతికి పాల్పడ్డారన్న ఓ రిపోర్ట్ లీకైంది. దీనిపై దర్యాప్తు చేపట్టాలని ఒత్తిడి చేస్తున్న ప్రతిపక్షాలు.. ముయిజ్జును గద్దె దింపాలని భావిస్తున్నాయి. మరోవైపు ఈ ఆరోపణలను ముయిజ్జు తోసిపుచ్చారు.
News April 18, 2024
ఏప్రిల్ 18: చరిత్రలో ఈరోజు
1809: కవి, పండితుడు హెన్రీ డెరోజియా జననం
1880: రచయిత టేకుమళ్ల అచ్యుతరావు జననం
1958: విండీస్ మాజీ క్రికెటర్ మాల్కం మార్షల్ జననం
1859: స్వాతంత్ర్యసమరయోధుడు తాంతియా తోపే మరణం
1955: శాస్త్రవేత్త ఆల్బర్ట్ ఐన్‌స్టీన్ మరణం
>>ప్రపంచ వారసత్వ దినోత్సవం (అంతర్జాతీయ చారిత్రక కట్టడాల దినోత్సవం)
News April 18, 2024
తిరువూరులో శ్రీనివాస్, స్వామిదాస్.. నెగ్గేదెవరో?
AP: ఎన్టీఆర్ జిల్లాలోని ఎస్సీ రిజర్వ్డ్ నియోజకవర్గం తిరువూరు. గతంలో ఇక్కడ కాంగ్రెస్ 8సార్లు విజయకేతనం ఎగురవేయగా టీడీపీ నాలుగు సార్లు, వైసీపీ రెండు సార్లు, సీపీఐ ఒకసారి గెలుపొందాయి. ఇక్కడ అమరావతి రైతుల ఉద్యమంలో కీలక పాత్ర పోషించిన కొలికపూడి శ్రీనివాస్‌ను టీడీపీ బరిలోకి దింపింది. సిట్టింగ్ ఎమ్మెల్యేను కాదని.. గతంలో రెండు సార్లు ఎమ్మెల్యేగా గెలిచిన నల్లగట్ల స్వామిదాస్‌ని వైసీపీ పోటీ చేయిస్తోంది.
<<-se>>#ELECTIONS2024<<>>
Featured News
Sorry, no posts matched your criteria.