India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 29, 2024
డ్వాక్రా మహిళలకు గుడ్ న్యూస్
AP: డ్వాక్రా మహిళలను పారిశ్రామికవేత్తలుగా తీర్చిదిద్దేందుకు తొలివిడతలో ₹55Crతో 129 MSMEల ఏర్పాటుకు ప్రభుత్వం చర్యలు చేపట్టింది. ₹5L-₹60L మధ్య ఈ ప్రాజెక్టుల వ్యయం ఉండనుంది. NOV రెండో వారంలో వీటిని ప్రారంభించనుంది. మొత్తం వ్యయంలో 35% రాయితీ ఉండగా, 10% లబ్ధిదారుని వాటాగా చెల్లించాలి. మిగతా మొత్తాన్ని బ్యాంకుల ద్వారా ప్రభుత్వం రుణం అందిస్తుంది. ఇందుకోసం కేంద్ర పథకాలైన PMFME, PMEGPలను అనుసంధానించింది.
News October 29, 2024
6న స్కిల్ వర్సిటీ పనులు ప్రారంభం
TG: రంగారెడ్డి జిల్లా మీర్ఖాన్పేట సమీపంలో 57 ఎకరాల విస్తీర్ణంలో అంతర్జాతీయ ప్రమాణాలతో ‘యంగ్ ఇండియా స్కిల్ వర్సిటీ’ని ప్రభుత్వం నిర్మించనుంది. వచ్చే నెల 6 నుంచి పనులు ప్రారంభించాలని నిర్ణయించింది. 8-10నెలల్లో భవనాల నిర్మాణం పూర్తిచేయాలని లక్ష్యంగా పెట్టుకుంది. 6వేల మందికి శిక్షణ ఇచ్చేలా ఏర్పాట్లు చేస్తోంది. ఈ వర్సిటీకి మేఘా రూ.200 కోట్లు, అదానీ రూ.100 కోట్లు విరాళం ఇచ్చిన విషయం తెలిసిందే.
News October 29, 2024
Q2లో ఎయిర్టెల్ లాభం రూ.3,593 కోట్లు
సెప్టెంబర్తో ముగిసిన రెండో త్రైమాసికం(Q2)లో భారతీ ఎయిర్టెల్ రూ.3,593 కోట్ల లాభాన్ని ప్రకటించింది. గతేడాది ఇదే సమయంలో రూ.1,341 కోట్ల లాభంతో పోలిస్తే 168 శాతం పెరుగుదల నమోదైంది. Q2లో ఆపరేషన్స్ ద్వారా కంపెనీ రెవెన్యూ రూ.41,473 కోట్లకు పెరిగినట్లు తెలిపింది. వినియోగదారులకు మెరుగైన సేవలు అందించేందుకు డిజిటల్ నెట్వర్క్ విస్తృతిపై మరిన్ని పెట్టుబడులు పెడతామని కంపెనీ ఎండీ గోపాల్ విట్టల్ తెలిపారు.
News October 29, 2024
CBI డీఐజీగా వెంకటసుబ్బారెడ్డి
సీబీఐ డిప్యూటీ ఇన్స్పెక్టర్ జనరల్గా ఐపీఎస్ వెంకటసుబ్బారెడ్డిని నియమిస్తూ కేంద్ర హోంశాఖ ఉత్తర్వులిచ్చింది. బాధ్యతలు చేపట్టిన నాటి నుంచి ఐదేళ్లు లేదా తదుపరి ఉత్తర్వుల వరకు ఆయన పదవిలో ఉంటారని పేర్కొంది. 2007 బ్యాచ్ అస్సాం-మేఘాలయ క్యాడర్కు చెందిన ఈయన స్వరాష్ట్రం ఏపీ. ప్రస్తుతం షిల్లాంగ్గా సీఐడీ డీఐజీగా పనిచేస్తున్నారు. వెంటనే ఆయన్ను రాష్ట్ర సర్వీసు నుంచి రిలీవ్ చేయాలని కేంద్రం ఆదేశించింది.
News October 29, 2024
బీఫార్మసీ: తొలి విడతలో 8,453 సీట్లు భర్తీ
TG: బీఫార్మసీలో 8,845 సీట్లకుగాను తొలి విడత కౌన్సెలింగ్లో 8,453 సీట్లు(95 శాతం) భర్తీ అయ్యాయి. ఫార్మాడీలో 1,648 సీట్లకు 1,627, ఫార్మాస్యూటికల్ ఇంజినీరింగ్లో 122 సీట్లకు 117, బయో టెక్నాలజీలో 181, బయోమెడికల్లో 58 సీట్లు భర్తీ అయ్యాయి. అన్ని కోర్సుల్లో కలిపి 418 సీట్లు మాత్రమే ఖాళీగా ఉన్నాయి. సీట్లు పొందిన వారు రేపటి లోగా ఫీజు చెల్లించి ఆన్లైన్లో సెల్ఫ్ రిపోర్టింగ్ చేయాలి.
News October 29, 2024
స్విగ్గీ IPO.. రూ.371-390 మధ్య ధరల శ్రేణి
ఫుడ్ డెలివరీ సంస్థ స్విగ్గీ IPO నవంబర్ 6 నుంచి 8 వరకు కొనసాగనుంది. ధరల శ్రేణిని రూ.371-390 మధ్య నిర్ణయించినట్లు సంబంధిత వర్గాలు తెలిపాయి. ఆఫర్ సేల్ ద్వారా రూ.6,800 కోట్లు, కొత్త షేర్ల జారీతో రూ.4,500 కోట్లు(మొత్తం రూ.11,300 కోట్లు) సమీకరించనుంది. ఈ ఏడాది వస్తున్న అతిపెద్ద IPOల్లో స్విగ్గీ ఒకటి. 2022 లెక్కల ప్రకారం స్విగ్గీ విలువ 10.7 బిలియన్ డాలర్లు.
News October 29, 2024
రోహిత్ అద్భుతమైన నాయకుడు: శిఖర్ ధవన్
టీమ్ ఇండియాను నడిపించడంలో రోహిత్ శర్మ అద్భుతంగా పనిచేస్తున్నారని మాజీ క్రికెటర్ శిఖర్ ధవన్ కొనియాడారు. ‘గెలుపోటములే కెప్టెన్సీకి కొలమానాలు కాదు. జట్టులో నాయకుడికి ఉండే గౌరవం, బంధం వంటివన్నీ కీలకమే. న్యూజిలాండ్ సిరీస్ ఓడినంత మాత్రాన భారత జట్టు స్థాయి తగ్గిపోలేదు. మన ఆటగాళ్లందరూ చాలా ప్రొఫెషనల్స్. ఆస్ట్రేలియా సిరీస్లో కచ్చితంగా పుంజుకుంటారు’ అని ధీమా వ్యక్తం చేశారు.
News October 29, 2024
భారత్లో యువ కుబేరులు వీరే
భారత్లో యువ వ్యాపారవేత్తలు, వారి సంస్థలు-ఆస్తుల్ని చూస్తే.. నితిన్ కామత్(జెరోదా-రూ. 22,526 కోట్లు), భవీశ్ అగర్వాల్ (ఓలా-రూ.21వేల కోట్లు), రితేశ్ అగర్వాల్ (ఓయో-రూ.16వేల కోట్లు), కునాల్ షా(క్రెడ్-రూ.15 వేల కోట్లు), దీపేందర్ గోయల్(జొమాటో-రూ.8,300 కోట్లు), అభీందర్ థిండ్సా(బ్లింకిట్-రూ.2400 కోట్లు), అమన్ గుప్తా(బోట్-రూ.720 కోట్లు), పీయూష్ బన్సల్(లెన్స్కార్ట్- రూ.600 కోట్లు).
News October 29, 2024
మీ బ్యాంక్ అకౌంట్లను ఎవరికీ అమ్మొద్దు: కేంద్రం
నేరపూరిత అక్రమార్జనకు పలువురు నకిలీ బ్యాంకు ఖాతాలను వాడుతున్నట్లు కేంద్రం వెల్లడించింది. AP, గుజరాత్ పోలీసుల తనిఖీల్లో ఈ విషయం బయటపడినట్లు తెలిపింది. ప్రజలెవరూ తమ బ్యాంకు అకౌంట్లను ఇతరులకు అమ్మడం/అద్దెకు ఇవ్వొద్దని సూచించింది. ఆ ఖాతాల్లో అక్రమ నగదు చేరితే అరెస్టుతోపాటు చట్టపరమైన పరిణామాలు ఎదుర్కోవాల్సి ఉంటుంది హెచ్చరించింది. ఏదైనా సమస్య వస్తే 1930 లేదా www.cybercrime.gov.inలో రిపోర్ట్ చేయాలంది.
News October 29, 2024
కిర్స్టన్పై వేటు అందుకే: పాక్ మాజీ బ్యాటర్
పాక్ క్రికెట్ కోచ్ బాధ్యతలకు గ్యారీ కిర్స్టన్ రాజీనామా చేసిన సంగతి తెలిసిందే. దీనిపై ఆ దేశ మాజీ బ్యాటర్ బసిత్ అలీ కీలక వ్యాఖ్యలు చేశారు. ‘పీసీబీ ఛైర్మన్ మోహ్సిన్ నఖ్వీ ప్రస్తుతం చాలా శక్తిమంతమైన వ్యక్తిగా ఉన్నారు. ఆయన నిర్ణయాల్ని ఎవరు వ్యతిరేకించినా ఉద్యోగాలు పోతాయి. రిజ్వాన్ను టీ20, వన్డేలకు కెప్టెన్గా నియమించడాన్ని గ్యారీ వ్యతిరేకించారు. అందుకే రిజైన్ చేయాల్సి వచ్చింది’ అని పేర్కొన్నారు.
Featured News
Sorry, no posts matched your criteria.