India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 7, 2024
అతడు నా హృదయాన్ని ముక్కలు చేశాడు: సన్నీలియోన్
తన మాజీ ప్రియుడు మోసం చేసినప్పుడు తన హృదయం ముక్కలైందని నటి సన్నీలియోన్ అన్నారు. ‘నా పెళ్లికి ముందు ఓ వ్యక్తిని ప్రేమించా. నిశ్చితార్థం కూడా చేసుకున్నాం. హవాయి దీవుల్లో గ్రాండ్‌గా పెళ్లి చేసుకోవాలని ప్లాన్ చేసుకున్నాం. ఇందుకోసం అన్నీ బుక్ చేసేశాం. కానీ పెళ్లికి 2 నెలల ముందు నేనంటే ఇష్టం లేదని అతడు చెప్పాడు. ఆ సమయంలో నా హృదయం ముక్కలైంది. అప్పుడు నేనెంతో నరకం అనుభవించాను’ అని ఆమె చెప్పారు.
News April 7, 2024
కాంగ్రెస్ ప్రభుత్వానికి గుణపాఠం తప్పదు: కేటీఆర్
TG: చేనేత కార్మికులను చిన్నచూపు చూస్తున్న కాంగ్రెస్ ప్రభుత్వానికి ప్రజాక్షేత్రంలో గుణపాఠం తప్పదని మాజీ మంత్రి కేటీఆర్ హెచ్చరించారు. ‘ప్రభుత్వ వైఫల్యంతో చేనేత కార్మికులు చితికిపోతున్నారు. కాంగ్రెస్ పాలన వారి పాలిట శాపంగా మారింది. చేసేందుకు పనిలేదు.. తినేందుకు తిండి లేదు. సబ్సిడీ ఆపేశారు. చేనేత మిత్ర పథకానికి పాతరేశారు. ఇలా ఇంకెంతకాలం అన్యాయాల జాతర చేస్తారు?’ అని ప్రశ్నిస్తూ కేటీఆర్ ట్వీట్ చేశారు.
News April 7, 2024
భారత్‌పై UNO జనరల్ అసెంబ్లీ చీఫ్ ప్రశంసలు
భారత్‌పై ఐక్యరాజ్యసమితి జనరల్ అసెంబ్లీ అధ్యక్షుడు డేనిస్ ఫ్రాన్సిస్ ప్రశంసల వర్షం కురిపించారు. పేదరిక నిర్మూలన, కోట్లాది మంది ప్రజలను ఆర్థిక వ్యవస్థలో భాగస్వామ్యం చేయడంలో భారత్ పనితీరు అద్భుతమని కొనియాడారు. డిజిటలైజేషన్‌ను సమర్థవంతంగా ఉపయోగించుకుంటుందని తెలిపారు. ఉన్న చోట నుంచే చెల్లింపులు చేస్తున్నట్లు గుర్తించామన్నారు. దీంతో ప్రపంచ వేదికపై భారత పోటీతత్వం పెరుగుతోందని ప్రశంసించారు.
News April 7, 2024
కుప్పంలో బాబు.. పిఠాపురంలో పవన్ ఓటమి ఖాయం: అంబటి
AP: కుప్పంలో చంద్రబాబు.. పిఠాపురంలో పవన్ కళ్యాణ్ ఓటమి పాలవుతారని మంత్రి అంబటి రాంబాబు అన్నారు. ‘చంద్రబాబు నాపై తప్పుడు ప్రచారం చేశారు. డబ్బుల కోసం నేనెప్పుడూ కక్కుర్తి పడలేదు. బాబు తప్పిదంతోనే పోలవరం ఆలస్యమవుతోంది. ఓటమి ఖాయమవడంతో చంద్రబాబు ఫ్రస్టేషన్‌లో ఉన్నారు. పవన్ రెండు రోజులు ప్రచారం చేసి 5 రోజులు పడుకుంటారు. పొత్తు పెట్టుకోవడం అంటే సమాధి కట్టుకోవడమే’ అని ఆయన మండిపడ్డారు.
News April 7, 2024
‘టిల్లు’ రూ.100 కోట్లు దాటేశాడు
సిద్ధూ జొన్నలగడ్డ, అనుపమ పరమేశ్వరన్ జంటగా తెరకెక్కిన చిత్రం ‘టిల్లు స్క్వేర్’. ఈ మూవీ విడుదలైన 9 రోజుల్లోనే రూ.101.4 కోట్ల గ్రాస్ వసూలు చేసినట్లు సితార ఎంటర్టైన్మెంట్స్ ట్వీట్ చేసింది. ఎల్లప్పుడూ గొప్ప కలలు కంటూ వాటిని నిజం చేసుకునేందుకు కష్టపడాలని పేర్కొంది. కాగా వచ్చే మూడేళ్లలోపు రూ.100 కోట్లు కలెక్ట్ చేసే ఫిల్మ్‌లో తాను నటించాలని కోరుకుంటున్నానని 2022లో సిద్ధూ చేసిన వ్యాఖ్యలు వైరల్ అవుతున్నాయి.
News April 7, 2024
ఆ జాబితాలో జగన్‌ది మొదటి స్థానం: లోకేశ్
AP: సొంత రాష్ట్రాన్ని అభివృద్ధి చేయని సీఎంల జాబితాలో జగన్ మొదటి స్థానంలో ఉంటారని టీడీపీ జాతీయ ప్రధాన కార్యదర్శి లోకేశ్ ఎద్దేవా చేశారు. రాష్ట్ర అభివృద్ధిని గాలికి వదిలేసి అప్పులకుప్పగా మార్చారని దుయ్యబట్టారు. తాము అధికారంలోకి రాగానే అమరావతి, పోలవరం పనులను పూర్తి చేస్తామని హామీ ఇచ్చారు. దీంతో పాటు ఉద్యోగులకు రావాల్సిన బకాయిలన్నీ అందిస్తామని తెలిపారు.
News April 7, 2024
పుష్ప2.. ‘అంతా సిద్ధం’
ఐకాన్ స్టార్ అల్లు అర్జున్ పుట్టిన రోజు సందర్భంగా రేపు ‘పుష్ప-2’ టీజర్ విడుదల కానున్న సంగతి తెలిసిందే. ఈ క్రమంలో మైత్రీ మూవీ మేకర్స్ క్రేజీ ట్వీట్ చేసింది. ‘పుష్ప-2’ టీజర్ విడుదలకు అంతా సిద్ధమని పేర్కొంది. ఈ క్రమంలో టీజర్ కట్ పూర్తయినట్లు తెలిపేలా ఉన్న ఫొటోను పంచుకుంది. కాగా ‘పుష్ప’కు సీక్వెల్‌గా వస్తున్న ఈ సినిమాపై ప్రేక్షకుల్లో భారీ అంచనాలు నెలకొన్నాయి.
News April 7, 2024
చంద్రబాబు చిప్ బాగా వీక్ అయింది: VSR
చంద్రబాబుపై YCP నేత విజయసాయి రెడ్డి సెటైర్లు వేశారు. ‘చంద్రబాబు చిప్ బాగా వీక్ అయింది. ప్రచారంలో మళ్లీ హాస్యగుళికలు విసురుతున్నారు. విద్యార్థులకు రిజర్వేషన్లు తెచ్చింది ఆయనేనట! అబ్బాయిలు ఎదురు కట్నం ఇచ్చి పెళ్లి చేసుకునే పరిస్థితి తెచ్చారట! గతంలో తాను బ్రిటిష్ వారిపై పోరాడి స్వాతంత్ర్యం తెచ్చానని బాంబు పేల్చారు. జనం ఆ షాక్ నుంచి ఇంకా తేరుకోకముందే మళ్లీ ఆ కామెడీ ఏంటి బాబు గారూ?’ అని ట్వీట్ చేశారు.
News April 7, 2024
ఓటీటీలోకి సూపర్ హిట్ మూవీ
మలయాళ సూపర్ హిట్ చిత్రం ‘ప్రేమలు’ ఆహాలో రానుంది. ఈ నెల 12 నుంచి స్ట్రీమింగ్ కానున్నట్లు AHA ట్వీట్ చేసింది. ‘అందరూ ఇష్టపడే మూవీ, ప్రేమలు ఆహాలో వస్తోంది. ఆధునిక ప్రేమ కథను ఆస్వాదించేందుకు సిద్ధంగా ఉండండి’ అని పేర్కొంది. ఈ సినిమా థియేటర్లలో విడుదలై రూ.125 కోట్లకు పైగా వసూళ్లు రాబట్టింది.
News April 7, 2024
ఆ వార్త ఫేక్: TDP
AP: కడప ఎంపీ స్థానంలో కాంగ్రెస్ పార్టీకి టీడీపీ మద్దతు ప్రకటించిందనే వార్త వైరల్ అవుతోంది. దీన్ని టీడీపీ ఖండిస్తూ ట్వీట్ చేసింది. ‘జగన్, నువ్వు ఎన్ని ఫేకులు చేసినా, పులివెందులలో కూడా నువ్వు ఓడిపోవడం ఖాయం. బాబాయ్ హత్యకు, కడప జిల్లా ప్రజలు నీకు బుద్ధి చెప్పడం ఖాయం’ అని పేర్కొంది.
Featured News
Sorry, no posts matched your criteria.