India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 28, 2024
గుడ్‌న్యూస్.. తగ్గిన బంగారం ధరలు
పసిడి కొనుగోలుదారులకు శుభవార్త. బంగారం ధరలు తగ్గాయి. హైదరాబాద్ బులియన్ మార్కెట్లో 24 క్యారెట్ల 10 గ్రా. బంగారం రూ.490, 22 క్యారెట్ల 10 గ్రా. పసిడి రూ.450 తగ్గింది. దీంతో 24 క్యారెట్ల గోల్డ్ రూ.79,800కు చేరింది. 22 క్యారెట్ల బంగారం రూ.73,150గా నమోదైంది. వెండి ధరల్లో ఎలాంటి మార్పులు చోటు చేసుకోలేదు. కేజీ ధర రూ.1,07,000గా ఉంది.
News October 28, 2024
జనగణనకు సిద్ధమైన కేంద్రం?
2025 నుంచి జనాభా లెక్కలు చేపట్టేందుకు కేంద్ర ప్రభుత్వం సిద్ధమైనట్లు తెలుస్తోంది. కరోనా కారణంగా గతంలోనే జరగాల్సిన జనగణన వాయిదా పడుతూ వస్తోంది. దీంతో వచ్చే ఏడాది నుంచి ఈ ప్రక్రియ ప్రారంభించి, 2026 నాటికి పూర్తి చేయాలని లక్ష్యంగా పెట్టుకున్నట్లు కేంద్ర ప్రభుత్వ వర్గాలు వెల్లడించాయి. అనంతరం లోక్‌సభ నియోజకవర్గాల విభజనను ప్రారంభించి, 2028 నాటికి ముగించాలని కేంద్రం టార్గెట్ పెట్టుకున్నట్లు సమాచారం.
News October 28, 2024
కరెంట్ ఛార్జీలు పెరుగుతాయా?
TG: విద్యుత్ ఛార్జీల పెంపునకు రాష్ట్ర విద్యుత్ సంస్థలు దాఖలు చేసిన పిటిషన్లపై రాష్ట్ర విద్యుత్ నియంత్రణ మండలి ఈరోజు తన నిర్ణయాన్ని వెల్లడించనుంది. ఈ ఆర్థిక సంవత్సరంలో రూ.1,200 కోట్ల మేర కరెంట్ ఛార్జీల పెంపునకు అనుమతి కోరుతూ డిస్కంలు పిటిషన్లు దాఖలు చేశాయి. ఒకవేళ దీనికి ఈఆర్సీ అనుమతిస్తే నవంబర్ 1 నుంచి ప్రజలపై(300యూనిట్లకు పైగా వాడేవారు) ప్రత్యక్షంగా విద్యుత్ ఛార్జీల భారం పడే అవకాశం ఉంది.
News October 28, 2024
విదేశాలకు ఇండియా వెపన్స్.. NEXT టార్గెట్ ఇదే!
డిఫెన్స్ రంగంలో ‘మేకిన్ ఇండియా’ సత్ఫలితాలను ఇస్తోంది. 2023-24లో భారత్ రూ.21,083 కోట్ల విలువైన ఆయుధాలను <<14471733>>ఎగుమతి<<>> చేసింది. ప్రస్తుతం రూ.1.2 లక్షల కోట్లుగా ఉన్న డిఫెన్స్ ప్రొడక్షన్ 2028-29 నాటికి రూ.3 లక్షల కోట్లకు, ఎగుమతులు రూ.50వేల కోట్లకు పెంచాలని టార్గెట్‌గా పెట్టుకుంది. 16 PSUలు, 430 కంపెనీలు, 16000 SMEలతో ఇండస్ట్రీని విస్తరించింది. ప్రైవేటు కంట్రిబ్యూషన్‌ను 21%కు పెంచింది. దీనిపై మీ కామెంట్!
News October 28, 2024
STOCK MARKETS: 5 సెషన్ల వరుస నష్టాల తర్వాత..
దేశీయ బెంచ్‌మార్క్ సూచీలు లాభాల్లో ట్రేడవుతున్నాయి. 5 సెషన్ల వరుస నష్టాల తర్వాత కాస్త పుంజుకున్నాయి. ఆసియా మార్కెట్ల నుంచి మిశ్రమ సంకేతాలే అందినప్పటికీ ఇన్వెస్టర్లు పెట్టుబడులకు ఆసక్తి చూపిస్తున్నారు. సెన్సెక్స్ 79,869 (+466), నిఫ్టీ 24,271 (+90) వద్ద చలిస్తున్నాయి. బ్యాంకింగ్, ఫైనాన్స్, మెటల్ షేర్లు కళకళలాడుతున్నాయి. కోల్ ఇండియా, ONGC, BEL, LT, SBI లైఫ్ టాప్ లూజర్స్. ICICI, SBI టాప్ గెయినర్స్.
News October 28, 2024
SA టూర్: భారత జట్టు హెడ్ కోచ్‌గా లక్ష్మణ్
నవంబర్ 8 నుంచి సౌతాఫ్రికాతో జరగనున్న T20 సిరీస్ కోసం VVS.లక్ష్మణ్‌ను హెడ్ కోచ్‌గా BCCI నియమించింది. హెడ్ కోచ్ గౌతమ్ గంభీర్ ఆస్ట్రేలియాతో జరిగే బోర్డర్-గవాస్కర్ సిరీస్ కోసం ఆస్ట్రేలియాకు వెళ్లనున్నారు. సౌతాఫ్రికాతో 4 టీ20ల సిరీస్ నవంబర్ 15 వరకు కొనసాగనుంది. కాగా బోర్డర్ గవాస్కర్ ట్రోఫీ కోసం భారత జట్టు నవంబర్ 10 లేదా 11వ తేదీల్లో ఇక్కడి నుంచి బయలుదేరనుంది.
News October 28, 2024
రాజ్ పాకాలకు పోలీసుల నోటీసులు
TG: జన్వాడ ఫామ్‌హౌస్ పార్టీ కేసులో KTR బంధువు రాజ్ పాకాలకు మోకిల పోలీసులు నోటీసులు జారీ చేశారు. రాయదుర్గం ఓరియన్ విల్లాలోని ఆయనకు చెందిన భవనానికి నోటీసులు అంటించారు. ఇవాళ విచారణకు రావాలని పోలీసులు పేర్కొన్నారు. అటు నిన్న రాత్రి ఆయన నివాసంలో పలు విదేశీ మద్యం బాటిళ్లను పోలీసులు స్వాధీనం చేసుకున్నారు.
News October 28, 2024
సుప్రీమ్ లీడర్ అకౌంట్ సస్పెండ్ చేసిన X
ఇరాన్ సుప్రీమ్ లీడర్ అయతొల్లా అలీ ఖమేనీ హీబ్రూ అకౌంట్‌ను X సస్పెండ్ చేసినట్టు జెరూసలేం పోస్ట్ తెలిపింది. ‘జియోనిస్టు ప్రభుత్వం తప్పు చేసింది. తమ సమీకరణాల్లో ఇరాన్‌ను తక్కువగా లెక్కగట్టింది. మాకెలాంటి శక్తి, సామర్థ్యం, ఆకాంక్షలు ఉన్నాయో అర్థమయ్యేలా చేస్తాం’ అని ఆదివారం ఖమేనీ పోస్ట్ చేశారు. ‘దయామయుడైన అల్లా పేరుతో…’ అని శనివారం పెట్టారు. ఇవి ఇరాన్‌పై ఇజ్రాయెల్ దాడి తర్వాత చేసినవే కావడం గమనార్హం.
News October 28, 2024
నేషనల్ వార్ మెమోరియల్‌ను సందర్శించిన సాయిపల్లవి
ఢిల్లీలోని నేషనల్ వార్ మెమోరియల్‌ని సందర్శించిన ఫొటోలను హీరోయిన్ సాయిపల్లవి పంచుకున్నారు. ‘అమరన్ సినిమా ప్రమోషన్లను ప్రారంభించే ముందు అక్కడికి వెళ్లాలనుకున్నా. మనకోసం ప్రాణాలు అర్పించిన సైనికుల జ్ఞాపకార్థం ఇక్కడ వేలాది ఇటుకలను ఉంచారు. మేజర్ ముకుంద్ వరదరాజన్ AC(P)& సిపాయి విక్రమ్ సింగ్‌లకు నివాళి అర్పిస్తూ నేను భావోద్వేగానికి లోనయ్యా’ అని ఆమె ట్వీట్ చేశారు. కాగా ‘అమరన్’ ఈనెల 31న రిలీజ్ కానుంది.
News October 28, 2024
రైతులను దివాలా తీయిస్తారా?: KTR
TG: రైతుల నుంచి ప్రభుత్వం ధాన్యం కొనడం లేదన్న మీడియా కథనాలపై మాజీ మంత్రి KTR స్పందించారు. ‘దసరాకే కాదు. దీపావళికి కూడా రైతులను దివాలా తీయిస్తారా? కొనుగోలు కేంద్రాల్లో రోజుల తరబడి ధాన్యం మూలుగుతున్నా కొనాలని అధికారులకు ఆదేశాలు అందవాయే. రాజకీయాలపై పెట్టిన దృష్టి ధాన్యం కొనుగోలుపై ఎందుకు పెట్టరు? రాజకీయాల్లో రాక్షసక్రీడలను మాని రైతులను ఆదుకోవడంపై దృష్టి కేంద్రీకరించండి’ అని కోరారు.
Featured News
Sorry, no posts matched your criteria.