India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 28, 2024
స్కూల్ విద్యార్థులకు గుడ్ న్యూస్
AP: పాఠశాల విద్య తర్వాత ఏం చదవాలి? ఎలాంటి ఆప్షన్లు ఉంటాయి? అనేది విద్యార్థులు తెలుసుకోవడం చాలా ముఖ్యం. వారి కోసం ప్రభుత్వ స్కూళ్లలో కెరీర్ గైడెన్స్ నిపుణులను విద్యాశాఖ అందుబాటులో ఉంచనుంది. దీనిద్వారా విద్యార్థులను ఉత్తమ భవిష్యత్‌ వైపు మార్గనిర్దేశనం చేసేందుకు అవకాశం ఉంటుంది. యునిసెఫ్ ప్రాజెక్టులో భాగంగా టీచర్లకు కెరీర్ గైడెన్స్ కంటెంట్ రూపకల్పనపై నేటి నుంచి 3 రోజులు విజయవాడలో శిక్షణ ఇవ్వనుంది.
News October 28, 2024
ALERT.. రేపటి నుంచి వర్షాలు
తెలంగాణలో రేపటి నుంచి మూడ్రోజుల పాటు వర్షాలు కురుస్తాయని హైదరాబాద్ వాతావరణ కేంద్రం తెలిపింది. పలు జిల్లాల్లో తేలికపాటి నుంచి మోస్తరు వర్షాలు కురుస్తాయంది. కొన్ని రోజులుగా మధ్యాహ్నం ఎండ దంచికొడుతుండగా, సాయంత్రం నుంచి తెల్లవారుజాము వరకు చలి వాతావరణం ఉంటుంది. మధ్యాహ్నం ఎండకు తోడు ఉక్కపోతతో జనం అల్లాడుతున్నారు. ఏజెన్సీ ఏరియాల్లో కనిష్ఠ ఉష్ణోగ్రతలు నమోదవుతున్నాయి.
News October 28, 2024
70 ఏళ్లు పైబడిన వారికి రేపు ఆయుష్మాన్ భారత్ ప్రారంభం
ఆయుష్మాన్ భారత్ ప్రధానమంత్రి జన్ ఆరోగ్యయోజన(AB-PMJAY)ను రేపు ప్రధాని మోదీ లాంఛనంగా ప్రారంభించనున్నారు. ఆర్థిక స్థితిగతులతో సంబంధం లేకుండా 70 ఏళ్లు దాటిన వృద్ధులందరికీ ఆరోగ్య సదుపాయాలు అందుబాటులోకి రానున్నాయి. కుటుంబ ప్రాతిపదికన ఏటా రూ.5 లక్షల వరకు లబ్ధిపొందుతారు. 29వేలకు పైగా ఆస్పత్రుల్లో సేవలు లభిస్తాయి. అర్హులైనవారు PMJAY పోర్టల్ లేదా ఆయుష్మాన్ భారత్ యాప్‌లో దరఖాస్తు చేసుకోవాలి.
News October 28, 2024
10 మంది స్పెషల్ పోలీసుల డిస్మిస్
TG: పలు డిమాండ్లు నెరవేర్చాలని ఆందోళనలు చేస్తోన్న తెలంగాణ స్పెషల్ పోలీస్(TGSP) సిబ్బందిపై ప్రభుత్వం చర్యలు తీసుకుంటోంది. శనివారం 39 మందిని <<14463743>>సస్పెండ్<<>> చేసిన అధికారులు వారిలో 10 మందిని డిస్మిస్ చేశారు. ఈ మేరకు ఏడీజీ సంజయ్ ఉత్తర్వులు జారీ చేశారు. ఒకే రాష్ట్రం- ఒకే పోలీస్ విధానం అమలు చేయాలంటూ కానిస్టేబుళ్లు, వారి భార్యలు రోడ్డెక్కి ధర్నాలు చేస్తోన్న విషయం తెలిసిందే.
News October 28, 2024
బాడీ గార్డ్ లైంగికంగా వేధించాడు: అవికా గోర్
బాడీ గార్డే తనను లైంగికంగా వేధించాడని నటి అవికా గోర్ ఓ ఇంటర్వ్యూలో వెల్లడించారు. ‘గతంలో నేను ఓ బాడీగార్డును నియమించుకున్నా. ఎవరూ నన్ను తాకకుండా చూడాల్సిన అతడే ఓ ఈవెంట్లో అసభ్యంగా తాకాడు. నేను సీరియస్ కాగా వెంటనే సారీ చెప్పాడు. కానీ మరోసారి కూడా అలాగే ప్రవర్తించాడు. అప్పుడు ధైర్యం లేక కొట్టలేదు. ఇప్పుడు మాత్రం ధైర్యం ఉంది. ఎవరైనా అలా బిహేవ్ చేస్తే కచ్చితంగా కొడతా’ అని తెలిపారు.
News October 28, 2024
JDUలోకి రీఎంట్రీ ఇచ్చిన ఇషాన్ కిషన్ తండ్రి
క్రికెటర్ ఇషాన్ కిషన్ తండ్రి ప్రణవ్ కుమార్ పాండే రాజకీయాల్లోకి రీఎంట్రీ ఇచ్చారు. బిహార్‌లో అధికార పార్టీ జేడీయూలో చేరారు. ఆ పార్టీ జాతీయ వర్కింగ్ ప్రెసిడెంట్ సంజయ్ ఝా సమక్షంలో కండువా కప్పుకున్నారు. సీఎం నితీశ్ కుమార్ తనకు ఆదర్శమని, పార్టీ బలోపేతం కోసం కృషి చేస్తానని ఆయన చెప్పారు. కాగా గతంలో ఆయన ఇదే పార్టీలోనే ఉండేవారు. అయితే కొడుకును క్రికెటర్‌గా తీర్చిదిద్దడం కోసం రాజకీయాలకు బ్రేక్ ఇచ్చారు.
News October 28, 2024
సూట్‌కేసులో ప్రియుడిని కుక్కిన ప్రేయసి.. ప్రియుడి మృతి!
అమెరికాలోని ఫ్లోరిడాకు చెందిన సారా బూన్ తన ప్రియుడితో కలిసి మద్యం సేవించింది. ఆ తర్వాత సరదాకి అతడిని సూట్‌కేస్‌లోకి వెళ్లమని బయటి జిప్ వేసింది. ఆ తర్వాత మద్యం మత్తులో నిద్రపోయింది. ఉదయం లేచేసరికి సదరు ప్రియుడు లోపల ఊపిరాడక చనిపోయాడు. పోలీసులు ఆమెను కోర్టులో హాజరుపరిచారు. సారా వాదనను కోర్టు అంగీకరించలేదు. ఉద్దేశపూర్వకంగానే హత్య చేసినట్లు తేల్చింది. త్వరలోనే శిక్ష విధిస్తామని స్పష్టం చేసింది.
News October 28, 2024
31న వీఐపీ బ్రేక్ దర్శనాలు రద్దు: TTD
AP: తిరుమలలో దీపావళి ఆస్థానం దృష్ట్యా ఈనెల 31న వీఐపీ బ్రేక్ దర్శనాలు రద్దు చేసినట్టు TTD వెల్లడించింది. ఆలయానికి స్వయంగా వచ్చే ప్రొటోకాల్‌ ప్రముఖులకు మినహాయింపు ఉంటుందని తెలిపింది. ఈ నెల 30న సిఫార్సు లేఖలు స్వీకరించబోమని పేర్కొంది. ఈ విషయాన్ని దృష్టిలో ఉంచుకుని సహకరించాలని భక్తులకు విజ్ఞప్తి చేసింది.
News October 28, 2024
చైనాలో మూతపడుతున్న కిండర్‌గార్టెన్‌ స్కూళ్లు!
ఒకప్పుడు ప్రపంచంలోనే అత్యధిక జనాభా కలిగిన చైనా నేడు జనాభా తగ్గుదలతో ఇక్కట్లు పడుతోంది. అక్కడ జననాల సంఖ్య భారీగా తగ్గిపోయి, వృద్ధుల సంఖ్య పెరుగుదల పెరిగింది. ఈ క్రమంలో పిల్లలు లేక LKG, UKG పాఠశాలలు వేల సంఖ్యలో మూత పడుతున్నాయి. ఒకప్పుడు పిల్లలు వద్దంటూ నియంత్రించిన సర్కారే నేడు కనమని వేడుకుంటున్నా.. ఆర్థిక ఇబ్బందుల్ని తట్టుకోలేక చైనీయులు పిల్లల్ని కనడం లేదు.
News October 28, 2024
English Learning: Antonyms
✒ Abortive× Productive
✒ Acrimony× Courtesy, Benevolence
✒ Accord× Discord
✒ Adjunct× Separated, Subtracted
✒ Adversity× Prosperity, Fortune
✒ Adherent× Rival, Adversary
✒ Adamant× Flexible, Soft
✒ Admonish× Approve, Applaud
✒ Allay× Aggravate, Excite
Featured News
Sorry, no posts matched your criteria.