India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 27, 2024
జన్వాడ రేవ్ పార్టీలో KTR బామ్మర్ది
TG: జన్వాడ ఫామ్‌హౌస్ రేవ్ పార్టీలో కీలక విషయాలు వెల్లడవుతున్నాయి. ఆ ఫామ్‌హౌస్ యజమాని కేటీఆర్ బామ్మర్ది రాజ్ పాకాలగా పోలీసులు గుర్తించారు. పార్టీ కూడా అతడే నిర్వహించినట్లు నిర్ధారించారు. మొత్తం 35 మంది యువతీయువకులు పార్టీలో పాల్గొనగా విజయ్ మద్దూరి అనే వ్యక్తి డ్రగ్స్ తీసుకున్నట్లు తేల్చారు. దీంతో రాజ్ పాకాలపై చేవెళ్ల ఎక్సైజ్ పీఎస్‌లో 34ఏ, 34(1), రెడ్‌విత్ 9 ఎక్సైజ్ యాక్ట్‌ కింద కేసు నమోదు చేశారు.
News October 27, 2024
సీనియర్లకు షాకిచ్చిన గంభీర్!
న్యూజిలాండ్ చేతిలో ఘోర <<14459559>>ఓటమితో <<>>భారత కోచ్ గంభీర్ కఠిన చర్యలకు దిగినట్లు సమాచారం. ఇంతకాలం సీనియర్లకున్న ఆప్షనల్ ట్రైనింగ్ సెషన్ అవకాశాన్ని రద్దు చేసినట్లు తెలుస్తోంది. కోహ్లీ, రోహిత్, బుమ్రా వంటి స్టార్లకు గతంలో ఇది ఆప్షనల్‌గా ఉండేది. ఇకపై ప్రతి ఒక్క ప్లేయర్ పక్కాగా హాజరుకావాలని మేనేజ్‌మెంట్ స్పష్టం చేసినట్లు సమాచారం. NOV 1 నుంచి 3వ టెస్ట్ ప్రారంభం కానుండగా, OCT 30-31 వరకు ట్రైనింగ్ నిర్వహించనుంది.
News October 27, 2024
అనుకున్నదొకటి.. అవుతోందొకటి!
రోహిత్-గంభీర్ కాంబోపై భారీ అంచనాలుండేవి. దూకుడైన గంభీర్ కోచ్‌గా ఇంటెలిజెంట్ కెప్టెన్‌గా పేరున్న రోహిత్ సారథ్యంలో టీమ్ ఇండియా తిరుగులేని శక్తిగా మారుతుందని అనుకున్నాం. కానీ వీరి కాంబినేషన్‌లో 27ఏళ్ల తర్వాత శ్రీలంకకు వన్డే సిరీస్, సొంతగడ్డపై 12ఏళ్ల తర్వాత న్యూజిలాండ్‌కు టెస్ట్ సిరీస్ అప్పగించింది భారత జట్టు. NZ చేతిలో 36ఏళ్ల తర్వాత సొంతగడ్డపై టెస్టు ఓడింది. 1-5లో వీరికి మీ రేటింగ్ ఎంత?
News October 27, 2024
ఉద్యోగాల భర్తీపై ప్రభుత్వం కీలక నిర్ణయం?
TG: అభ్యర్థులు ఒకటి కన్నా ఎక్కువ పోస్టులకు ఎంపికవడం, వారు ఒక ఉద్యోగంలో చేరగానే మిగతా జాబ్స్ బ్యాక్‌లాగ్ అవడం పెరుగుతోంది. తాజాగా గురుకులాల్లో 2వేల పోస్టులు మిగిలిపోయాయి. దీంతో తిరిగి ‘రీలింక్విష్‌మెంట్’ను అమల్లోకి తీసుకురావడంపై ప్రభుత్వం యోచిస్తోంది. ఎక్కువ పోస్టులకు ఎంపికైన వారి నుంచి మిగతా ఉద్యోగాలను వదులుకున్నట్లు అంగీకార పత్రం తీసుకుంటుంది. దీంతో ఆ పోస్టు తదుపరి మెరిట్ అభ్యర్థికి దక్కుతుంది.
News October 27, 2024
గాజాపై మరోసారి విరుచుకుపడిన ఇజ్రాయెల్.. 45 మంది మృతి
ఇరాన్‌పై ప్ర‌తీకార దాడుల‌కు దిగిన త‌రువాతి రోజే గాజాపై ఇజ్రాయెల్ ద‌ళాలు దండెత్తాయి. ఉత్తర గాజాలోని బీట్ లాహియాలో 6 భ‌వ‌నాలు ల‌క్ష్యంగా జ‌రిపిన దాడిలో 45 మంది మృతి చెందారు. పాల‌స్తీనాపై గ్రౌండ్ ఆప‌రేష‌న్స్‌, ఎయిర్ స్ట్రైక్స్ ద్వారా అక్క‌డి మొత్తం జ‌నాభా నిర్మూలన‌కు జ‌రుగుతున్న వ్య‌వ‌స్థీకృత దాడుల‌ను నిలువ‌రించేలా అమెరికా క‌ల్పించుకోవాల‌ని అమెరిక‌న్ ఇస్లామిక్ రిలేష‌న్స్‌ కౌన్సిల్ పిలుపునిచ్చింది.
News October 27, 2024
రేవ్ పార్టీనా? రావుల పార్టీనా?: రఘునందన్
TG: జన్వాడ ఫామ్‌హౌస్ చుట్టూ ఉన్న CC ఫుటేజీలను విడుదల చేయాలని BJP MP రఘునందన్ రావు డిమాండ్ చేశారు. ‘DGP వెంటనే ప్రెస్‌మీట్ పెట్టాలి. లేదంటే ఎడిటింగ్‌లు స్టార్ట్ అవుతాయి. KTR, రేవంత్ ఒక్కటి కాకపోతే ఫామ్‌హౌస్‌లో ఏం జరిగిందో సమాజం తెలుసుకోవాలనుకుంటోంది. మళ్లీ మేం పేరు చెబితే మాకు నోటీసులు ఇస్తాడేమో యువరాజు. అందుకే ఆ పార్టీ రాజుదా? యువరాజుదా? రేవ్ పార్టీనా, రావుల పార్టీనా అనేది బయటపడాలి’ అని అన్నారు.
News October 27, 2024
Digital Arrest మోసాలపై స్పందించిన మోదీ
భారత న్యాయ చ‌ట్టాల్లో డిజిటల్ అరెస్టు వంటి వ్యవస్థ ఏదీ లేద‌ని ప్ర‌ధాని మోదీ వ్యాఖ్యానించారు. డిజిటల్ అరెస్ట్ పేరుతో ఆర్థిక మోసాలు అధిక‌మ‌వుతుండ‌డంపై మ‌న్ కీ బాత్‌లో మోదీ స్పందించారు. ఇదోర‌క‌మైన మోస‌మ‌ని, ఇలాంటి చర్యలకు పాల్ప‌డేవారు సంఘ విద్రోహుల‌ని అన్నారు. డిజిటల్ అరెస్టు పేరుతో జ‌రుగుతున్న మోసాల క‌ట్ట‌డికి దర్యాప్తు సంస్థ‌లు రాష్ట్రాలతో క‌లిసి ప‌నిచేస్తున్న‌ట్టు తెలిపారు.
News October 27, 2024
డేవిడ్ వార్నర్‌కు అల్లు అర్జున్ విషెస్
ఆస్ట్రేలియా స్టార్ క్రికెటర్ డేవిడ్ వార్నర్‌కు టాలీవుడ్ స్టార్ హీరో అల్లు అర్జున్ బర్త్ డే విషెస్ చెప్పారు. ఇన్‌స్టాగ్రామ్ స్టోరీలో ‘తగ్గేదే లే’ అని సెలబ్రేట్ చేసుకుంటున్న డేవిడ్ వార్నర్ ఫొటోను బన్నీ షేర్ చేశారు. ‘మెనీ మెనీ హ్యాపీ రిటర్న్స్ ఆఫ్ ది డే టు మై బ్రదర్’ అని రాసుకొచ్చారు. IPLలో సన్ రైజర్స్ హైదరాబాద్‌ జట్టుకు ఆడినప్పటి నుంచి వార్నర్ టాలీవుడ్ అభిమానులకూ దగ్గరయ్యారు.
News October 27, 2024
రైతులకు శుభవార్త
TG: పత్తిలో నిర్ణీత ప్రమాణాల కన్నా తేమ శాతం ఎక్కువ ఉన్నా కొనుగోలు చేయాలని మంత్రి తుమ్మల నాగేశ్వరరావు అధికారులను ఆదేశించారు. తేమ శాతం ఎక్కువ ఉందనే కారణంతో పలుచోట్ల కొనుగోలు చేయకపోవడంపై రైతులు మండిపడుతున్నారు. దీంతో కొనుగోళ్లపై సమీక్షించిన మంత్రి తుమ్మల ఈ మేరకు ఆదేశాలు జారీ చేశారు. అటు పత్తి కొనుగోళ్ల కోసం ప్రత్యేకంగా వాట్సాప్(8897281111) సేవలను ప్రభుత్వం అందుబాటులోకి తీసుకొచ్చిన సంగతి తెలిసిందే.
News October 27, 2024
‘అమెరికాలో మస్క్ అక్రమంగా పనిచేశారు’
కెరీర్ తొలినాళ్ల‌లో ఎలాన్ మస్క్ అమెరికాలో అక్రమంగా ప‌నిచేశార‌ని Washington Post క‌థ‌నాన్ని ప్ర‌చురించింది. సౌతాఫ్రికాకు చెందిన మస్క్ 1995లో స్టాన్‌ఫోర్డ్ నుంచి డ్రాపౌట్ అయ్యాక Zip2 సంస్థ‌లో 4ఏళ్ల పాటు చ‌ట్ట‌విరుద్ధంగా అమెరికాలో ప‌నిచేసినట్టు తెలిపింది. 1997లో మస్క్ వ‌ర్క్ ఆథ‌రైజేష‌న్ పొందార‌ని అత‌ని మాజీ సహచరులు వెల్ల‌డించారంది. స్టూడెంట్ వీసాతో ఓవర్ స్టే సహజమే అయినా, అది అక్రమమని పేర్కొంది.
Featured News
Sorry, no posts matched your criteria.