India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 5, 2025
IPL: పీకల్లోతు కష్టాల్లో CSK
ఢిల్లీతో మ్యాచులో 184రన్స్ టార్గెట్ ఛేదించడానికి చెన్నై కష్టపడుతోంది. రన్స్ రాబట్టేందుకు ఆ జట్టు ఆటగాళ్లు చెమటోడుస్తున్నారు. 11 ఓవర్లు ముగిసేసరికి CSK 5 కీలక వికెట్లు కోల్పోయి 74 పరుగులు మాత్రమే చేసింది. రచిన్ 3, కాన్వాయ్ 13, గైక్వాడ్ 5, దూబే 18, జడేజా 2 రన్స్‌కు ఔటయ్యారు. క్రీజులో ధోనీ, విజయ్ శంకర్ ఉన్నారు. విజయానికి 54 బంతుల్లో 107 పరుగులు కావాలి. మరి టార్గెట్‌ను CSK ఛేదించగలదా? కామెంట్ చేయండి.
News April 5, 2025
YELLOW ALERT.. రెండు రోజులు వర్షాలు
తెలంగాణలో ఈ నెల 7,8 తేదీల్లో పలు జిల్లాల్లో వర్షాలు పడతాయని HYD వాతావరణ కేంద్రం తెలిపింది. రేపు పొడి వాతావరణం ఉంటుందని, 7న భూపాలపల్లి, ములుగు, కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ, జనగామ జిల్లాల్లో ఉరుములు, మెరుపులు, గంటకు 30-40కి.మీ వేగంతో ఈదురుగాలులు వీస్తాయని హెచ్చరించింది. 8న కూడా పలు జిల్లాల్లో వర్షాలు పడతాయని ఎల్లో అలర్ట్ జారీ చేసింది.
News April 5, 2025
మయన్మార్‌కు అండగా భారత్
మయన్మార్‌కు 442 మెట్రిక్ టన్నుల ఆహార సామాగ్రిని తాజాగా భారత్ అందజేసింది. దీనికి సంబంధించిన నౌక ఈ రోజు మయన్మార్ చేరుకుంది. ఇటీవల వచ్చిన తీవ్ర భూకంపంతో ఆ దేశంలో 3వేలకు పైగా పౌరులు మృతి చెందడంతో పాటు, ఆస్తినష్టం జరిగింది. దీంతో ‘ఆపరేషన్ బ్రహ్మ’లో భాగంగా సాయం అందజేస్తామని భారత్ ప్రకటించింది. భూకంపం వచ్చిన 24 గంటలలోపే విపత్తు నివారణ సహాయక సామాగ్రిని మయన్మార్‌కు పంపించిన సంగతి తెలిసిందే.
News April 5, 2025
11 నెలల్లో CBN చేసిన అప్పు రూ.1.47 లక్షల కోట్లు: వైసీపీ
AP: కళ్లార్పకుండా ఒక్క క్షణంలో వేయి అబద్ధాలు చెప్పే పోటీ పెడితే చంద్రబాబు వరల్డ్ ఛాంపియన్ అవుతారని YCP సెటైర్లు వేసింది. అప్పులపై అబద్ధాలు చెబుతూ హామీల నుంచి తప్పించుకుంటున్నారని విమర్శించింది. ‘రాష్ట్ర మొత్తం అప్పు 2019 మార్చికి ₹3.90L Cr, 2024 మార్చికి ₹7.21L Cr. ఇప్పుడు ఒక్క పథకమూ అమలు చేయకుండానే CBN 11 నెలల్లో ₹1.47L Cr అప్పు చేశారు. ఈ డబ్బంతా ఎవరి జేబుల్లోకి వెళ్లింది?’ అని ప్రశ్నించింది.
News April 5, 2025
వక్ఫ్ బోర్డు పేరుతో భూ ఆక్రమణలు ఉండవు: యోగి ఆదిత్యనాథ్
వక్ఫ్ బోర్డు పేరుతో భూఆక్రమణలు చేయటం ఇక సాధ్యపడదని యూపీ సీఎం యోగి ఆదిత్యనాథ్ వ్యాఖ్యానించారు. UPలో లక్షల ఎకరాల భూమిని వక్ఫ్ పేరుతో ఆక్రమించారని ఆరోపించారు. ప్రభుత్వ భూములను ఆస్పత్రులు, కళాశాలలు వంటి ప్రజా సంక్షేమ కార్యక్రమాలకు వినియోగించవచ్చని పేర్కొన్నారు. ఈ బిల్లు తీసుకొచ్చినందుకు ప్రధానికి కృతజ్ఞతలు తెలిపారు. ఇటీవల కేంద్రం తీసుకొచ్చిన వక్ఫ్ సవరణ బిల్లు పార్లమెంట్ ఆమోదం పొందిన సంగతి తెలిసిందే.
News April 5, 2025
రైతులను వ్యాపారవేత్తలుగా మార్చుతాం: శ్రీధర్ బాబు
TG: ట్రంప్ టారిఫ్స్ విధానంతో భారత్‌కు ఒక విధంగా మేలే జరుగుతుందని మంత్రి శ్రీధర్ బాబు అన్నారు. ఇండియా, లాటిన్ అమెరికా, కరేబియన్ ప్రతినిధుల సదస్సులో ఆయన మాట్లాడారు. సుంకాల పెంపుతో ఇతర దేశాల వ్యాపారవేత్తలు భారత్ వైపు చూస్తున్నారన్నారు. పెట్టుబడులను ఆకర్షించేందుకు రాష్ట్ర ప్రభుత్వం ప్రత్యేకంగా కృషి చేస్తోందని చెప్పారు. ఫుడ్ ప్రాసెసింగ్‌ను ప్రోత్సహించి రైతులను వ్యాపారవేత్తలుగా మార్చుతామని తెలిపారు.
News April 5, 2025
మావోయిస్టు మిత్రులారా లొంగిపోండి: షా
బుల్లెట్లు, బాంబులతో అభివృద్ధిని అడ్డుకోలేరని కేంద్రమంత్రి అమిత్ షా అన్నారు. ఛత్తీస్గఢ్ పర్యటనలో ఉన్న ఆయన మావోయిస్టు మిత్రులు లొంగిపోవాలని పిలుపునిచ్చారు. బస్తర్‌లో హింసకు త్వరలోనే ముగింపు పలుకుతామని స్పష్టం చేశారు. మావోలను కోల్పోవడం ఎవరికీ ఇష్టం ఉండదని, వారంతా లొంగిపోయి బస్తర్ అభివద్ధిలో భాగస్వాములు కావాలని కోరారు. కాగా ఇటీవల ఛత్తీస్గఢ్ అడవుల్లో జరిగిన ఎన్‌కౌంటర్లలో వందలమంది మావోలు మరణించారు.
News April 5, 2025
NTR లుక్‌పై అభిమానుల ఆందోళన!
యంగ్ టైగర్ NTR కొత్త లుక్‌పై అభిమానులు ఆందోళన చెందుతున్నారు. ‘NTR-NEEL’ సినిమా కోసం ఆయన ఒక్కసారిగా బరువు తగ్గారు. ఎన్టీఆర్ అంటే కాస్త చబ్బీగా కండలు తిరిగిన బాడీతో ఉండాలని, ఇంత స్లిమ్‌ అవ్వడం ఏంటని కొందరు అభిమానులు ప్రశ్నిస్తున్నారు. ఈ లుక్ ఆయనకు సూట్ కాలేదని అభిప్రాయపడుతున్నారు. ఇదిలా ఉంటే కొందరేమో స్లిమ్‌గా అదిరిపోయారు అంటూ సపోర్ట్ చేస్తున్నారు. ఇంతకీ ఎన్టీఆర్ లుక్ మీకెలా అనిపించింది? COMMENT
News April 5, 2025
CSKvsDC: చెన్నై టార్గెట్ ఎంతంటే?
చెపాక్ వేదికగా CSKతో జరుగుతున్న మ్యాచ్‌లో ఢిల్లీ నిర్ణీత ఓవర్లలో 183/6 స్కోర్ చేసింది. మెక్‌గుర్క్ డకౌట్ కాగా కేఎల్ రాహుల్ 77, అభిషేక్ పోరెల్ 33, అక్షర్ పటేల్ 21, సమీర్ రిజ్వీ 20, స్టబ్స్ 24* రన్స్ చేశారు. ఖలీల్ అహ్మద్ 2, రవీంద్ర జడేజా, నూర్ అహ్మద్, పతిరణ తలో వికెట్ తీశారు. విజయం కోసం చెన్నై 184 పరుగులు చేయాలి.
News April 5, 2025
మునక్కాయల వల్ల ఎన్ని ప్రయోజనాలో.!
ఇందులో ఉండే ఫోలిక్ యాసిడ్ గర్భిణులకు ఎంతో మేలు చేస్తుంది. యాంటీ బ్యాక్టీరియల్ లక్షణాలు సీజనల్ ఇన్‌ఫెక్షన్లను నియంత్రిస్తాయి. ఫైబర్ అధికంగా ఉండటంతో జీర్ణవ్యవస్థ మెరుగ్గా ఉంటుంది. జలుబు, దగ్గు వంటి శ్వాసకోశ సమస్యలను నియంత్రిస్తాయి. వీటిని తినటం వల్ల షుగర్ లెవల్స్ కంట్రోల్‌లో ఉంటాయి. మగవారిలో శృంగార సామర్థ్యానికి దోహదపడతాయి. వీటిలో ఉండే జింక్ ఆడవారికి నెలసరి సక్రమంగా వచ్చేలా సహకరిస్తుంది.
Featured News
Sorry, no posts matched your criteria.