• Download our app
News October 27, 2024

ఈ జంతువులది అత్యంత బలమైన నోటి పట్టు!

image

ఒక్కో జంతువు నోటి పట్టుకు ఒక్కో శక్తి ఉంటుంది. దీన్నే బైట్ ఫోర్స్ అంటారు. ఈ శక్తిని కొలిచేందుకు PSI అనే కొలమానాన్ని వాడతారు. నైలు నదిలో ఉండే మొసళ్లకు అత్యధికంగా 5000 పీఎస్ఐ పవర్ ఉంటుంది. వాటి తర్వాత ఉప్పునీటి మొసళ్లు(3700 PSI), అమెరికా మొసళ్లు(2125), హిప్పోపొటమస్(1800), జాగ్వార్(1500), బుల్ షార్క్(1350), గొరిల్లా(1300), ధ్రువపు ఎలుగుబంటి(1200 PSI) ఉన్నాయి. మనిషి బైట్ ఫోర్స్ 162 పీఎస్ఐ మాత్రమే!

News October 27, 2024

సుమతీ శతకం.. తాత్పర్యం

image

కనకపు సింహాసనమున
శునకము గూర్చుండబెట్టి శుభలగ్నమునం
దొనరగ బట్టము గట్టిన
వెనుకటి గుణమేల మాను వినురా సుమతీ!
తాత్పర్యం: బంగారపు సింహాసనంపై కుక్కను కూర్చోబెట్టినా దాని బుద్ధిని విడిచిపెట్టదు. అలాగే హీనుని ఉన్నత స్థానంలో కూర్చోబెట్టినా అతని బుద్ధి మారదు.

News October 27, 2024

ఈ దేశాల్లో శాంతిభద్రతలు భేష్!

image

ఎటు చూసినా యుద్ధాలు, అశాంతి నెలకొన్న నేటి కాలంలో శాంతిభద్రతల్ని కలిగి ఉన్న దేశాలు చాలా తక్కువనే చెప్పాలి. అలాంటి ప్రశాంతమైన దేశాల జాబితాలో డెన్మార్క్ అగ్రస్థానంలో ఉన్నట్లు వరల్డ్ జస్టిస్ ప్రాజెక్ట్ రూపొందించిన సూచీ తెలిపింది. దాని ప్రకారం.. రెండో స్థానంలో నార్వే, మూడో స్థానంలో ఫిన్లాండ్, 4, 5 స్థానాల్లో స్వీడన్, జర్మనీ ఉన్నాయి. భారత్ 79వ ర్యాంకు దక్కించుకోగా చైనా 95, పాక్ 129వ స్థానాల్లో నిలిచాయి.

News October 27, 2024

సీఎస్కేలో ధోనీకి సరైన వారసుడు పంతే: సైమన్

image

చెన్నై సూపర్ కింగ్స్‌లో ధోనీకి సరైన వారసుడు రిషభ్ పంతేనని న్యూజిలాండ్ మాజీ క్రికెటర్ సైమన్ డౌల్ అభిప్రాయపడ్డారు. ‘పంత్ గనుక ఢిల్లీని వదిలేసి వేలంలోకి వస్తే అతడిని దక్కించుకునేందుకు చెన్నై ఎంతవరకైనా వెళ్తుంది. ధోనీ తర్వాత సరైన ప్రత్యామ్నాయం అతడే. మరి రిషభ్‌ను ఢిల్లీ వదులుకుంటుందా లేదా అన్నది చూడాలి’ అని పేర్కొన్నారు. తాను వేలంలోకి వస్తే ఎంత ధర వస్తుందంటూ పంత్ ఇటీవల ట్వీట్ చేసిన సంగతి తెలిసిందే.

News October 27, 2024

39 మంది కానిస్టేబుళ్లపై వేటు

image

TG: కొన్ని రోజులుగా ఆందోళన చేస్తోన్న బెటాలియన్ కానిస్టేబుళ్లపై పోలీస్ శాఖ ఆగ్రహం వ్యక్తం చేసింది. నిరసనలకు ప్రేరేపిస్తున్న 39 మందిని సస్పెండ్ చేసింది. ఈ మేరకు ఉత్తర్వులు వెలువరించింది. ప్రభుత్వ ఉద్యోగులుగా ఉండి ఆందోళనలు చేయడం నిబంధనలకు విరుద్ధమని పేర్కొంది.

News October 27, 2024

అక్టోబర్ 27: చరిత్రలో ఈరోజు

image

✒ 1728: ఆస్ట్రేలియా, న్యూజిలాండ్‌లను కనుగొన్న నావికుడు జేమ్స్ కుక్ జననం
✒ 1920: భారత మాజీ రాష్ట్రపతి కేఆర్ నారాయణన్ జననం
✒ 1961: శాటర్న్-1 ఉపగ్రహాన్ని ప్రయోగించిన నాసా
✒ 1977: శ్రీలంక మాజీ క్రికెటర్ కుమార సంగక్కర జననం
✒ 1984: భారత మాజీ క్రికెటర్ ఇర్ఫాన్ పఠాన్ జననం
✒ 1987: ప్రముఖ గేయ రచయిత కొసరాజు మరణం

News October 27, 2024

పుట్టినరోజు శుభాకాంక్షలు

image

ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.

News October 27, 2024

6 నెలల్లో INC ప్రభుత్వం కూలిపోయేలా ఉంది: ఎర్రబెల్లి

image

TG: త్వరలోనే రాష్ట్రంలో బాంబు పేలుతుందని, గత ప్రభుత్వ ముఖ్యులంతా లోపలికి వెళతారని మంత్రి పొంగులేటి చేసిన వ్యాఖ్యలపై ఎర్రబెల్లి దయాకర్‌రావు సెటైర్లు వేశారు. కాంగ్రెస్ నేతలే పరస్పరం బాంబులు వేసుకుంటున్నారని, ఎమ్మెల్సీ జీవన్ రెడ్డి, జగ్గారెడ్డి వేసే బాంబులు చాలవా అని ఎద్దేవా చేశారు. వీరి వ్యాఖ్యలు చూస్తుంటే 6 నెలల్లోనే ప్రభుత్వం పడిపోయేలా ఉందన్నారు.

News October 27, 2024

జగన్ వల్లే ప్రజలపై ‘విద్యుత్’ భారం: మంత్రి గొట్టిపాటి

image

AP: వైసీపీ హయాంలో జరిగిన విద్యుత్ కొనుగోళ్లలో ఎక్కడా పారదర్శకత కనిపించలేదని మంత్రి గొట్టిపాటి రవికుమార్ విమర్శించారు. ప్రస్తుతం ఇంధన సర్దుబాటు ఛార్జీల పాపం జగన్‌దేనని మండిపడ్డారు. రాష్ట్ర ప్రజల మీద దాదాపు రూ.11వేల కోట్ల భారం పడుతోందని చెప్పారు. గతంలో ఏపీ జెన్‌కోను నిర్వీర్యం చేసి యథేచ్ఛగా ప్రైవేట్ వ్యక్తుల నుంచి అధిక రేట్లకు విద్యుత్‌ను కొనుగోలు చేశారని ఆరోపించారు.

News October 27, 2024

ఈరోజు నమాజ్ వేళలు

image

✒ తేది: అక్టోబర్ 27, ఆదివారం
✒ ఫజర్: తెల్లవారుజామున 5:00 గంటలకు
✒ సూర్యోదయం: ఉదయం 6:13 గంటలకు
✒ జొహర్: మధ్యాహ్నం 12:00 గంటలకు
✒ అసర్: సాయంత్రం 4:10 గంటలకు
✒ మఘ్రిబ్: సాయంత్రం 5:47 గంటలకు
✒ ఇష: రాత్రి 7.00 గంటలకు
✒ నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.

Featured News

Sorry, no posts matched your criteria.

↑