India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 27, 2024
శుభ ముహూర్తం
✒ తేది: అక్టోబర్ 27, ఆదివారం
✒ బ.ఏకాదశి: పూర్తి
✒ మఖ: మధ్యాహ్నం 12.23 గంటలకు
✒ వర్జ్యం: రాత్రి 9.23- 11.11 గంటల వరకు
✒ దుర్ముహూర్తం: సాయంత్రం 4.05- 4.51 గంటల వరకు
News October 27, 2024
నేటి ముఖ్యాంశాలు
* AP: ఇసుక వ్యవహారంలో ఎవరూ జోక్యం చేసుకోవద్దు: చంద్రబాబు
* జగన్ నీకు మానవత్వం, ఎమోషన్స్ లేవా?: షర్మిల
* జగన్ పతనాన్ని కోరుకుంటున్న షర్మిల: అమర్నాథ్
* TG: క్యాబినెట్ భేటీ.. సన్న వడ్లకు రూ.500 బోనస్‌కు ఆమోదం
* స్కిల్ వర్సిటీ నిర్మాణానికి MEIL రూ.200 కోట్లు
* బెటాలియన్ కానిస్టేబుళ్ల ఆందోళన.. ప్రతిపక్ష నేతల ఫైర్
* న్యూజిలాండ్ చేతిలో ఓటమి.. సిరీస్ కోల్పోయిన భారత్
News October 27, 2024
కింగ్ కోహ్లీ ఆల్విదాకు ఆసన్నమైందా?
టీమ్ ఇండియా స్టార్ క్రికెటర్ విరాట్ కోహ్లీ పూర్తిగా తేలిపోతున్నారు. ఈ ఏడాది టెస్టుల్లోనే కాకుండా వన్డే, టీ20ల్లోనూ రాణించలేకపోయారు. 5 టెస్టుల్లో 245, 3 వన్డేల్లో 58, 10 టీ20ల్లో 180 పరుగులు మాత్రమే చేశారు. ఈ ఏడాది పూర్తి కావస్తున్నా ఆయన బ్యాట్ నుంచి ఏ ఫార్మాట్‌లోనూ సెంచరీ రాలేదు. అర్థ సెంచరీ చేయడానికే ఆయన అవస్థలు పడుతున్నారు. దీంతో కోహ్లీ రిటైర్ కావాలని కొందరు నెటిజన్లు కామెంట్లు పెడుతున్నారు.
News October 27, 2024
మా పౌరులను వదిలేస్తే యుద్ధం ఆపేస్తాం: ఇజ్రాయెల్
బందీలుగా పట్టుకున్న తమ పౌరులను హమాస్ వదిలేస్తే తాము యుద్ధం ఆపేయడానికి సిద్ధమని భారత్‌లో ఇజ్రాయెల్ రాయబారి రూవెన్ అజార్ స్పష్టం చేశారు. గాజాలో స్థిరత్వానికి తాము కట్టుబడి ఉన్నట్లు పేర్కొన్నారు. ‘కాల్పుల విరమణకు ఇజ్రాయెల్ ఎప్పుడూ సిద్ధమే. కానీ ముందుగా హమాస్ ఆయుధాలను పక్కన పెట్టాలి. బందీలను వదిలేయాలి. భద్రతామండలి తీర్మానాల్ని గాజాలో అమలు చేసేందుకు మేం సిద్ధంగా ఉన్నాం’ అని తెలిపారు.
News October 27, 2024
రాజా సాబ్‌ను ఢీకొట్టనున్న థగ్ లైఫ్?
రెబల్ స్టార్ ప్రభాస్ ‘రాజాసాబ్’ వచ్చే ఏడాది ఏప్రిల్ 10న విడుదల కానుంది. ప్రభాస్‌లాంటి మాస్ హీరో సినిమా వస్తోందంటే ఆ డేట్‌కి వేరే సినిమా రిలీజెస్ సాధారణంగా ఉండవు. కానీ కమల్ హాసన్, మణిరత్నం కాంబినేషన్లో తెరకెక్కుతున్న థగ్ లైఫ్ మూవీని అదే డేట్‌కు తీసుకురావాలని భావిస్తున్నట్లు కోలీవుడ్ డిస్ట్రిబ్యూషన్ వర్గాలు చెబుతున్నాయి. రాజాసాబ్‌తో తమిళనాట తమకు ఇబ్బంది ఉండదని వారు భావిస్తున్నట్లు సమాచారం.
News October 27, 2024
దక్షిణ కొరియాకు ‘ఒంటరి మరణాల’ సమస్య
దక్షిణ కొరియాలో భారీగా పెరుగుతున్న ‘ఒంటరి మరణాలు’ ఆ ప్రభుత్వానికి ఆందోళనను కలిగిస్తున్నాయి. ఒంటరితనంతో బాధపడుతున్న వేలాదిమంది నడి వయసు పురుషులు తమవారికి తెలియకుండా ఒంటరిగా మరణిస్తున్నారు. ఈ తరహా మరణాలు గత ఏడాది 3661 నమోదయ్యాయి. ఈ సమస్యని చక్కదిద్దేందుకు వచ్చే ఐదేళ్లలో 327 మిలియన్ డాలర్ల విలువైన చర్యలు తీసుకోవాలని సియోల్ నిర్ణయించింది. ఇప్పటికే పౌరులకోసం 24 గంటల హెల్ప్‌లైన్ ఏర్పాటు చేసింది.
News October 27, 2024
తెలంగాణ క్యాబినెట్ నిర్ణయాలు
*దీపావళి కానుకగా ఇందిరమ్మ ఇళ్లు
*ప్రతి నియోజకవర్గానికి 3,000 ఇళ్లు
*పీపీపీ విధానంలో రోడ్ల నిర్మాణం
*గచ్చిబౌలి స్టేడియాన్ని స్పోర్ట్స్ వర్సిటీకి వాడాలని నిర్ణయం
*6వేలకు పైగా ధాన్యం సేకరణ కేంద్రాలు ఏర్పాటు
*ఉస్మానియా ఆస్పత్రికి గోషామహల్‌లో స్థలం కేటాయింపు
News October 27, 2024
2035 కల్లా భారత్‌కు సొంత స్పేస్ స్టేషన్: కేంద్రమంత్రి
‘భారతీయ అంతరిక్ష కేంద్రం’ పేరిట ఇండియా అంతరిక్ష కేంద్రాన్ని తయారుచేయనుందని కేంద్ర మంత్రి జితేంద్ర సింగ్ ప్రకటించారు. స్పేస్ టెక్నాలజీతో బయోటెక్నాలజీని సమీకృతం చేసేలా ఆ శాఖతో ఇస్రో ఒప్పందం చేసుకుంది. 2035కల్లా భారత్‌కు స్పేస్ స్టేషన్‌ను అందుబాటులోకి తీసుకురానున్నట్లు ఆ ఒప్పంద కార్యక్రమంలో మంత్రి తెలిపారు. కాగా.. అమెరికాకు ఇప్పటికే స్పేస్ స్టేషన్ ఉంది. చైనా తన సొంత స్టేషన్‌ను నిర్మిస్తోంది.
News October 26, 2024
తెలుగు టైటాన్స్‌కు మరో ఓటమి
ప్రో-కబడ్డీ లీగ్ 2024లో తెలుగు టైటాన్స్‌కు మరో ఓటమి ఎదురైంది. దబాంగ్ ఢిల్లీతో జరిగిన హోరా హోరీ పోరులో 37-41 పాయింట్లతో ఓడిపోయింది. ఢిల్లీ ప్లేయర్లలో నవీన్, అషు మాలిక్ తలో 15 పాయింట్లు చేయగా TT కెప్టెన్ పవన్ షెరావత్ ఏకంగా 18 పాయింట్లు చేయడం గమనార్హం. కాగా తెలుగు టైటాన్స్‌కు ఇది వరుసగా మూడో ఓటమి.
News October 26, 2024
లారెన్స్ బిష్ణోయ్ త‌ర‌ఫున నామినేష‌న్ వేస్తాం: UBVS పార్టీ
గ్యాంగ్‌స్ట‌ర్ లారెన్స్ బిష్ణోయ్‌ను ఎన్నిక‌ల్లో పోటీ చేయించే ప్ర‌య‌త్నాలు జ‌రుగుతున్నాయి. అత‌ని త‌ర‌ఫున మ‌హారాష్ట్ర అసెంబ్లీ ఎన్నిక‌ల్లో నామినేష‌న్ వేసేందుకు AB ఫారం ఇవ్వాలంటూ UBVS పార్టీ నేత సునీల్ శుక్లా ROకి లేఖ రాశారు. బాంద్రా వెస్ట్ నుంచి బిష్ణోయ్‌ను పోటీకి దింపుతామ‌ని, నామినేష‌న్ ఫారం ఇస్తే అత‌ని సంత‌కం తీసుకొస్తాన‌ని శుక్లా పేర్కొన్నారు. హత్యకు గురైన సిద్ధిఖీ గతంలో ఇక్కడ MLAగా గెలుపొందారు.
Featured News
Sorry, no posts matched your criteria.