India's largestHyperlocal short
news App
Get daily news updates that are tailored for you based on your preferred language & location.
download Way2News app now
News October 26, 2024
తిరుపతిలో హోటళ్లకు బాంబు బెదిరింపులు
AP: తిరుపతిలోని ఏడు హోటళ్లకు మరోసారి బాంబు బెదిరింపులు వచ్చాయి. వెంటనే అప్రమత్తమైన పోలీసులు ఆ హోటళ్లను తనిఖీ చేశారు. డాగ్ స్క్వాడ్, బాంబ్ స్క్వాడ్‌తో విస్తృత సోదాలు నిర్వహించారు. మెయిల్స్ ఐపీ అడ్రస్ ఆధారంగా పోలీసులు వివరాలు సేకరిస్తున్నారు. దీనిపై అలిపిరి పోలీస్ స్టేషన్‌లో కేసు నమోదు చేశారు. కాగా నిన్న కూడా తిరుమలలోని రెండు హోటళ్లకు బాంబు బెదిరింపులు వచ్చిన విషయం తెలిసిందే.
News October 26, 2024
ఆ కాల్స్, మెసేజ్‌లను అడ్డుకోండి.. Meta, Xకు కేంద్రం ఆదేశాలు
విమానాల‌కు న‌కిలీ బాంబు బెదిరింపుల క‌ట్ట‌డికి Meta, X సంస్థ‌లకు కేంద్ర ప్రభుత్వం అడ్వైజ‌రీ జారీ చేసింది. ఈ వేదికల ద్వారా బెదిరింపు కాల్స్, సందేశాలకు ఆస్కారం ఇవ్వకుండా చర్యలు తీసుకోవాలని IT శాఖ ఆదేశించింది. దేశ ప్ర‌జ‌ల సంక్షేమం, ఆర్థిక అంశాల‌తో ముడిప‌డిన కార‌ణంగా బెదిరింపు సందేశాల షేరింగ్, రీట్వీట్‌లకు అడ్డుకట్టవేయాలని, ఇలాంటి సందేశాలకు ప్రాధాన్యం ఏర్పడకుండా చర్యలు తీసుకోవాలని స్పష్టం చేసింది.
News October 26, 2024
సరికొత్త రికార్డు సృష్టించనున్న ‘పుష్ప-2’
సుకుమార్ దర్శకత్వంలో ఐకాన్ స్టార్ అల్లు అర్జున్ నటిస్తున్న పుష్ప-2 మూవీ డిసెంబర్ 5న ప్రపంచ వ్యాప్తంగా గ్రాండ్‌గా రిలీజ్ కానుంది. 11,500 స్క్రీన్స్‌లో విడుదల చేసేందుకు చిత్ర బృందం ఏర్పాట్లు చేస్తోంది. దీంతో బిగ్గెస్ట్ రిలీజ్ ఇండియన్ సినిమాగా పుష్ప-2 రికార్డు సృష్టించనుంది. ఇందులో 6,500 స్క్రీన్లు ఇండియాలో కాగా, మిగతావి ఓవర్సీస్. అటు రిలీజ్‌కు ముందే ఈ సినిమా రూ.1000 కోట్ల వరకూ బిజినెస్ చేసింది.
News October 26, 2024
దూకుడే కొంపముంచిందా?
బంగ్లాదేశ్‌తో టెస్టు సిరీస్‌లో అనుసరించిన వ్యూహాలను న్యూజిలాండ్‌తో రిపీట్ చేయడం భారత జట్టు ఘోర పరాజయానికి కారణమని క్రీడా విశ్లేషకులు అభిప్రాయపడుతున్నారు. చిన్న జట్లపై దూకుడు మంత్రం ఫలించినా న్యూజిలాండ్ వంటి జట్టుపై ఆచితూచి ఆడాల్సిందని చెబుతున్నారు. ముఖ్యంగా భాగస్వామ్యాలు నెలకొల్పడంపై ఆటగాళ్లు దృష్టి సారిస్తే చారిత్రక పరాజయం ఖాతాలో చేరేది కాదని అంటున్నారు. మరి మీరేమంటారు?
News October 26, 2024
నవంబర్ 4 వరకు ఆ సేవలు నిలిపివేత
AP: భవన నిర్మాణాలు, లేఅవుట్లకు ఆన్‌లైన్‌లో పర్మిషన్లు ఇచ్చే పోర్టల్‌లో ప్రభుత్వం మార్పులు చేపట్టింది. ఈ నేపథ్యంలో నవంబర్ 4 వరకు ఆన్‌లైన్ అనుమతుల సేవలు నిలిపివేసినట్లు DPMS డైరెక్టర్ తెలిపారు. సర్వర్ మైగ్రేషన్‌లో భాగంగా ఈ నిర్ణయం తీసుకున్నట్లు తెలిపారు.
News October 26, 2024
టీమ్ ఇండియాకు బ్యాడ్ డేస్
గత రెండు వారాల్లోనే భారత పురుషుల జట్టు, మహిళల, యువకుల జట్లు ఘోర పరాజయాలు ఎదుర్కొన్నాయి. కివీస్‌పై మెన్స్ టీమ్ 36 ఏళ్ల తర్వాత టెస్ట్ సిరీస్ కోల్పోయింది. ఆసియా కప్‌లో ఉమెన్స్ టీమ్ సెమీ ఫైనల్‌కు వెళ్లలేకపోయింది. దుబాయ్‌లో జరిగిన ఎమర్జింగ్ టోర్నీ సెమీ ఫైనల్‌లో పసికూన అఫ్గానిస్థాన్‌పై భారత యువ జట్టు ఓడి ఫైనల్‌కు చేరలేకపోయింది. దీంతో భారత జట్టుకు ఇవి మంచి రోజులు కావంటూ ఫ్యాన్స్ కామెంట్లు పెడుతున్నారు.
News October 26, 2024
సన్న వడ్లకు రూ.500 బోనస్.. క్యాబినెట్ ఆమోదం
TG: సన్న వడ్లకు క్వింటాలుకు రూ.500 చొప్పున బోనస్ ఇచ్చేందుకు క్యాబినెట్ ఆమోదం తెలిపింది. సీఎం అధ్యక్షతన జరిగిన సమావేశంలో కొన్ని కీలక నిర్ణయాలు తీసుకుంది. ములుగులో సమ్మక్క-సారలమ్మ వర్సిటీకి భూకేటాయింపునకు మంత్రివర్గం ఆమోదించింది. హనుమకొండ, వరంగల్ జిల్లాల పరిధి పెంచాలని నిర్ణయించింది. ఏటూరు నాగారం రెవెన్యూ డివిజన్ ఏర్పాటుకు ఆమోదం తెలిపింది.
News October 26, 2024
‘లక్కీ భాస్కర్’ ఈవెంట్‌కు గెస్టులుగా విజయ్, త్రివిక్రమ్
హీరో దుల్కర్ సల్మాన్, మీనాక్షి చౌదరి జంటగా నటించిన ‘లక్కీ భాస్కర్’ దీపావళి సందర్భంగా ఈనెల 31న విడుదలవుతున్న విషయం తెలిసిందే. ఈనేపథ్యంలో మేకర్స్ రేపు ప్రీరిలీజ్ ఈవెంట్‌ను నిర్వహించనున్నారు. దీనికి రౌడీ బాయ్ విజయ్ దేవరకొండతో పాటు త్రివిక్రమ్ శ్రీనివాస్ గెస్టులుగా వస్తున్నట్లు మేకర్స్ ప్రకటించారు. HYDలోని JRC కన్వెన్షన్ సెంటర్‌లో రేపు సాయంత్రం 6 గంటల నుంచి ప్రోగ్రామ్ స్టార్ట్ అవుతుంది.
News October 26, 2024
గంభీర్ కోచింగ్‌పై విమర్శలు
స్వదేశంలో తొలిసారిగా న్యూజిలాండ్ చేతిలో టెస్టు సిరీస్ ఓడటంపై టీమ్ ఇండియా ఫ్యాన్స్ ఆగ్రహం వ్యక్తం చేస్తున్నారు. గంభీర్ కోచ్‌గా వచ్చినప్పటి నుంచే ఓటములు మొదలయ్యాయంటూ ఆరోపిస్తున్నారు. శ్రీలంకపై 27 ఏళ్లలో తొలిసారిగా వన్డే సిరీస్ ఓటమి, స్వదేశంలో 12ఏళ్ల తర్వాత టెస్టు సిరీస్ ఓటమి గంభీర్ వైఫల్యాలేనంటూ విమర్శిస్తున్నారు. ఆటగాళ్లు విఫలమైతే కోచ్ ఏం చేస్తారంటూ గంభీర్ ఫ్యాన్స్ ఆయనకు మద్దతుగా నిలుస్తున్నారు.
News October 26, 2024
దీపావళికి ఆన్‌లైన్ షాపింగ్ చేస్తున్నారా.. కేంద్రం వార్నింగ్!
దీపావళికి ఆన్‌లైన్ షాపింగ్ చేస్తున్నప్పుడు జాగ్రత్తగా ఉండాలని CERT-In సూచించింది. ఫిషింగ్, లాటరీ, జాబ్, టెక్ సపోర్ట్, ఇన్వెస్ట్‌మెంట్, COD, ఫేక్ ఛారిటీ, పొరపాటున నగదు పంపడం, డిజిటల్ అరెస్ట్, ఫోన్, పార్సిల్ స్కామ్‌లపై వార్నింగ్ ఇచ్చింది. కాలర్‌ను వెరిఫై చేసుకోవాలని, భయపడొద్దని, వ్యక్తిగత సమాచారం ఇవ్వొద్దని, రిమోట్ యాక్సెస్ సాఫ్ట్‌వేర్, APPS ఇన్‌స్టాల్ చేయొద్దని, లింకులు క్లిక్ చేయొద్దని చెప్పింది.
Featured News
Sorry, no posts matched your criteria.