News November 18, 2024
కోహ్లీని దాటేసిన బాబర్

అంతర్జాతీయ టీ20ల్లో అత్యధిక పరుగుల జాబితాలో భారత స్టార్ ప్లేయర్ విరాట్ కోహ్లీని పాకిస్థాన్ క్రికెటర్ బాబర్ ఆజమ్ దాటేశారు. అత్యధిక పరుగుల జాబితాలో 4,192 రన్స్తో రెండో స్థానంలో నిలిచారు. తొలి స్థానంలో రోహిత్ శర్మ(4,231-159 మ్యాచులు) ఉన్నారు. కోహ్లీ 125 మ్యాచుల్లో 4,188 పరుగులతో మూడో స్థానంలో కొనసాగుతున్నారు. కాగా రోహిత్, కోహ్లీ T20Iలకు రిటైర్మెంట్ ప్రకటించిన సంగతి తెలిసిందే.
Similar News
News November 30, 2025
ఈ కలుపు మందులతో వయ్యారిభామ నిర్మూలన

వయ్యారిభామ నిర్మూలనకు పంట మొలకెత్తక ముందు అట్రాజిన్ రసాయన మందును లీటర్ నీటికి నాలుగు గ్రాములు కలిపి పిచికారీ చేయాలి. పంట మొలకెత్తిన 15 నుంచి 20 రోజులకు.. లీటరు నీటికి 2 గ్రాముల 2,4-డి సోడియం సాల్ట్ కలిపి పిచికారీ చేయాలి. బంజరు భూముల్లో లీటరు నీటికి 5 గ్రాముల అట్రాజిన్ మందు కలిపి పిచికారీ చేసి వయ్యారిభామను నివారించవచ్చు. కలుపు నివారణ మందులను పిచికారీ చేసేటప్పుడు పక్క పంటలపై పడకుండా జాగ్రత్తపడాలి.
News November 30, 2025
కల్తీ నెయ్యి కేసు.. మరో 12 మంది నిందితులు

AP: కల్తీ నెయ్యి కేసులో మరో 12 మంది అధికారులను నిందితులుగా చేర్చుతూ సిట్ నెల్లూరు ఏసీబీ కోర్టులో మెమో దాఖలు చేసింది. ఈ విషయం ఆలస్యంగా వెలుగులోకి వచ్చింది. వారిలో టీటీడీ ప్రొక్యూర్మెంట్ విభాగం మాజీ జీఎం సుబ్రహ్మణ్యం ఇప్పటికే అరెస్టయ్యారు. మిగతా వారిలో ఆరుగురు టీటీడీ అధికారులు, ఐదుగురు డెయిరీ నిపుణులున్నారు. ప్లాంట్లు తనిఖీ చేయకుండానే లంచాలు తీసుకుని అనుకూల నివేదికలు ఇచ్చారని సిట్ ఆరోపించింది.
News November 30, 2025
సారీ చెప్పడం నేర్పిస్తున్నారా?

సారీ అనేది రెండక్షరాలే. కానీ ఎదుటివాళ్ల ఫీలింగ్స్కు విలువనివ్వడం, సమస్యను పరిష్కరించే నేర్పు దానికి ఉంది. ఇలా ఉండాలి, అలా ఉండాలి అని ఎన్ని ఉపన్యాసాలు చెప్పినా పిల్లలకు అర్థం కాదు. కానీ పెద్దలు చేసి చూపిస్తేనే నేర్చుకుంటారు. మీ వైపు నుంచి తప్పు జరిగితే నిర్మొహమాటంగా, నిజాయతీగా సారీ అడిగేయండి. వారి తప్పుంటే సారీ చెప్పేలా ప్రోత్సహించండి. అప్పుడే వారికి తప్పును నిరభ్యంతరంగా ఒప్పుకోవడం తెలుస్తుంది.


