News May 11, 2024
రూ.20 కోట్లు ఇచ్చినా బాబర్ IPL ఆడడు: రమీజ్
IPLలో రూ.20 కోట్లు ఇచ్చినా పాక్ కెప్టెన్ బాబర్ ఆజమ్ ఆడరని ఆ దేశ మాజీ క్రికెటర్ రమీజ్ రాజా అన్నారు. అతడు దేశానికే ప్రాధాన్యం ఇస్తారని చెప్పుకొచ్చారు. ప్రస్తుతం రమీజ్ వ్యాఖ్యలు సోషల్ మీడియాలో వైరల్గా మారాయి. ఆయన వ్యాఖ్యలపై నెటిజన్లు ట్రోల్స్ చేస్తున్నారు. కోహ్లీకే రూ.15 కోట్లు ఇస్తుంటే.. బాబర్కు రూ.20 కోట్లు ఇస్తారా? అని ఎద్దేవా చేస్తున్నారు. బాబర్ చిన్న దేశాలపైనే ఆడతారని కామెంట్లు చేస్తున్నారు.
Similar News
News January 20, 2026
రిపబ్లిక్ వేడుకలకు సీఎం రేవంత్ దూరం
TG: CM రేవంత్ రెడ్డి రిపబ్లిక్ వేడుకలకు హాజరు కావడం లేదు. JAN 25 నుంచి 30 వరకు USలోని హార్వర్డ్ వర్సిటీలో లీడర్షిప్ శిక్షణ తరగతులకు ఆయన హాజరవుతారు. JAN 23న దావోస్ పర్యటన ముగిసిన వెంటనే, ఆయన అమెరికా వెళ్లి కొంతమంది పారిశ్రామికవేత్తలను కలుస్తారు. తర్వాత యూనివర్సిటీలో తరగతులకు హాజరవుతారు. గణతంత్ర వేడుకల్లో గవర్నర్ జిష్ణు దేవ్ వర్మ ముఖ్యమంత్రి లేకుండానే ప్రసంగిస్తారు.
News January 20, 2026
పశువుల్లో రేబీస్ వ్యాధిని ఎలా గుర్తించాలి?
రేబీస్ వ్యాధి సోకిన పశువుల్లో జ్వరం వస్తుంది. తర్వాత కేంద్రనాడీ వ్యవస్థ దెబ్బతినడం వల్ల పశువులు అసాధారణంగా ప్రవర్తిస్తాయి. కండరాలలోని నరాలు దెబ్బతినడం వల్ల పక్షవాతం సోకుతుంది. మేతను మింగలేకపోవడం, నీటిని చూసి భయపడటం, అధిక లాలాజలం స్రవించడం, బలహీనత, ఎక్కువగా అరవడం వంటి లక్షణాలు కనిపిస్తాయి. పశువులను కుక్క కరిస్తే సాధ్యమైనంత త్వరగా వెటర్నరీ డాక్టరు సూచనలతో యాంటీరేబీస్ టీకా వేయించాలి.
News January 20, 2026
జపాన్ వినూత్న పద్ధతి.. రైతును గౌరవించేలా!
జపాన్లో కూరగాయలు, పండ్ల ప్యాకెట్లపై వాటిని పండించిన రైతు ఫొటోను ముద్రిస్తారు. దీనిని ‘కావో నో మియెరు యసాయి’ అంటారు. 1970లో ప్రారంభమైన ఈ విధానం వల్ల తాము తినే ఆహారం ఎవరి కష్టం ద్వారా వచ్చిందో వినియోగదారులకు తెలుస్తుంది. ఇది రైతు శ్రమకు గుర్తింపునివ్వడమే కాకుండా కస్టమర్లలో నమ్మకాన్ని పెంచుతుంది. దీని వల్ల రైతుకు, కొనే వ్యక్తికి మధ్య ఒక అనుబంధం ఏర్పడుతుంది. ఇలాంటి విధానం మన దగ్గరా ఉండాలా? COMMENT