News October 31, 2024
దేనికి లాలూచీపడి ఈ పనికి ఒడిగట్టారు బాబూ?: జగన్
AP: పోలవరం ప్రాజెక్టు ఎత్తును 41.15Mకే కేంద్రం <<14486841>>పరిమితం<<>> చేస్తున్నా CM చంద్రబాబు ఎందుకు నోరు మెదపడం లేదని YS జగన్ ప్రశ్నించారు. ‘దేనికి లాలూచీపడి ఈ పనికి ఒడిగట్టారు? NDAలో ఉండి ఎందుకు అభ్యంతరం చెప్పలేదు? ఎత్తు తగ్గింపు వల్ల కుడి, ఎడమ కాల్వలకు పూర్తి స్థాయిలో నీటిని విడుదల చేయలేం. పంటలకు స్థిరంగా నీళ్లు ఇవ్వలేం. విశాఖ తాగు నీరు, పారిశ్రామిక అవసరాలను తీర్చలేం’ అని ట్వీట్ చేశారు.
Similar News
News December 21, 2025
రాష్ట్రపతి భవన్లో ఎట్ హోం.. హాజరైన సీఎం, మంత్రులు, ఎమ్మెల్యేలు
శీతాకాల విడిది కోసం హైదరాబాద్ వచ్చిన రాష్ట్రపతి ద్రౌపదీ ముర్ము ఆదివారం ఎట్ హోం కార్యక్రమం నిర్వహించారు. బొల్లారంలోని రాష్ట్రపతి నిలయంలో జరిగిన కార్యక్రమానికి సీఎం రేవంత్ రెడ్డి, గవర్నర్ జిష్ణుదేవ్ వర్మ, మాజీ గవర్నర్ బండారు దత్తాత్రేయ, శాసనసభ స్పీకర్ గడ్డం ప్రసాదరావు, శాసనమండలి ఛైర్మన్ గుత్తా సుఖేందర్ రెడ్డి, డిప్యూటీ సీఎం భట్టి, మంత్రులు, ఎమ్మెల్యేలు, ఎమ్మెల్సీలు, ఎంపీలు హాజరయ్యారు.
News December 21, 2025
పైరేటెడ్ మూవీ యాప్స్తో జాగ్రత్త: MHA హెచ్చరిక
ఫ్రీ సినిమాల కోసం పర్సనల్ డేటా, సెక్యూరిటీని రిస్క్లో పెట్టుకోవద్దని మినిస్ట్రీ ఆఫ్ హోం అఫ్ఫైర్స్ హెచ్చరించింది. తెలియని యాప్స్లో లభించే పైరేటెడ్ కంటెంట్ చూస్తే సైబర్ రిస్క్, లీగల్ ఇబ్బందులు ఎదురుకావొచ్చని చెప్పింది. లక్షల మంది వాడుతున్న ‘Pikashow App’ కూడా సురక్షితం కాదని తెలిపింది. ఈ యాప్స్తో మొబైల్లోకి వచ్చే మాల్వేర్, స్పైవేర్తో బ్యాంక్ అకౌంట్ వివరాలు చోరీ చేసే ప్రమాదం ఉందని పేర్కొంది.
News December 21, 2025
KCR చావును నేనెందుకు కోరుకుంటా: రేవంత్
TG: తాను <<18631886>>చనిపోవాలని<<>> శాపాలు పెట్టడమే ఈ ప్రభుత్వ విధానం అన్న KCR వ్యాఖ్యలపై సీఎం రేవంత్ స్పందించారు. ‘KCR చావాలని నేనెందుకు కోరుకుంటా. కుర్చీ కోసం అల్లుడు, కొడుకు కేసీఆర్ చావు కోరుకుంటున్నారు. ఆయన ఆరోగ్యంగా ఉండాలని కోరుకుంటున్నా. KCR తమలపాకుతో కొడితే నేను తలుపు చెక్కతో కొట్టే రకం. ఆయనకు బయటవాళ్లతో ఎలాంటి ప్రమాదం లేదు. కుటుంబసభ్యులతోనే ప్రమాదం. KTR, హరీశ్ KCRను నిర్బంధించారు’ అని వ్యాఖ్యానించారు.