News August 21, 2024
మెగా ఫ్యాన్స్‌కు బ్యాడ్ న్యూస్
వశిష్ఠ దర్శకత్వంలో చిరంజీవి ‘విశ్వంభర’ మూవీలో నటిస్తున్నారు. రేపు మెగాస్టార్ జన్మదినం సందర్భంగా ఈ చిత్ర టీజర్ రిలీజ్ చేస్తారనే ప్రచారాన్ని వశిష్ఠ కొట్టిపారేశారు. తాము ప్లాన్ ప్రకారం ప్రచారం చేయాలని భావించినట్లు తెలిపారు. రేపు టీజర్ రావట్లేదని త్వరలోనే విడుదల చేస్తామన్నారు. కాగా ఈ సినిమా వచ్చే ఏడాది జనవరి 10న విడుదల కానుంది. ఇందులో త్రిష, మీనాక్షి చౌదరి, ఆషికా రంగనాథ్ హీరోయిన్లుగా నటిస్తున్నారు.
Similar News
News November 30, 2025
జపం ఇలా చేస్తే ఎక్కువ ప్రయోజనం
జపం చేసేటప్పుడు చాలామంది మనసులోనే భగవంతుడిని మననం చేసుకుంటారు. అలా కాకుండా.. ఇతరులకు వినిపించేలా నామస్మరణ చేసినా కూడా శుభ ఫలితాలుంటాయని పండితులు చెబుతున్నారు. ‘రుద్రాక్ష మాల ద్వారా జపం చేస్తే అనంతమైన ఫలం లభిస్తుందని లింగ పురాణం చెబుతోంది. దర్భముడి, రత్నమాల, పగడాల మాల కూడా జపానికి శ్రేష్ఠమైనవి. ఏ మాలతో జపం చేసినా.. ఏకాగ్రతతో చేస్తేనే ఫలం ఉంటుంది’ అంటున్నారు.
News November 30, 2025
ఉత్తగొడ్డుకు అరుపులు మెండు
ఈ సామెతలో ఉత్తగొడ్డు అంటే పాలివ్వని, పాలు లేని ఆవు (గొడ్డు ఆవు) అని అర్థం. పాలు ఇచ్చే ఆవు ఎప్పుడూ నిశ్శబ్దంగానే ఉంటుంది, కానీ పాలు లేని గొడ్డు ఆవు తరచుగా అరుస్తుంటుంది. అలాగే నిజమైన సామర్థ్యం గల వ్యక్తులు తమ పని తాము చేసుకుపోతారని.. పనికిరాని, పనితీరు సరిగాలేని అసమర్థులే ఎక్కువగా మాట్లాడుతూ తమ గొప్పలు చెప్పుకుంటారని ఈ సామెత తెలియజేస్తుంది.
News November 30, 2025
ఇవాళ భారీ నుంచి అతిభారీ వర్షాలు: APSDMA
AP: ‘దిత్వా’ తుఫాను ప్రభావంతో నేడు పలు జిల్లాలకు APSDMA భారీ వర్షసూచన చేసింది. ప్రకాశం, NLR, KDP, అన్నమయ్య, చిత్తూరు, TPT జిల్లాల్లో భారీ నుంచి అతిభారీ వర్షాలు కురిసే అవకాశం ఉందని చెప్పింది. GNT, బాపట్ల, పల్నాడు, KNL, NDL, అనంతపురం, సత్యసాయి జిల్లాల్లో మోస్తరు నుంచి భారీ.. అనకాపల్లి, కాకినాడ, కోనసీమ, తూ.గో., ప.గో., ఏలూరు, కృష్ణా, NTR జిల్లాల్లో మోస్తరు వర్షాలు కురిసే అవకాశం ఉందని పేర్కొంది.