News October 22, 2025
ట్రాన్స్‌కో, జెన్‌కోలో మరో 6 నెలల పాటు సమ్మెలపై నిషేధం
AP: రాష్ట్ర పవర్ కార్పొరేషన్లలో మరో 6 నెలల పాటు సమ్మెలను నిషేధిస్తూ ప్రభుత్వం ఉత్తర్వులు జారీచేసింది. ట్రాన్స్‌కో పరిధిలోని మూడు డిస్ట్రిబ్యూషన్ కంపెనీల్లో, జెన్‌కోలో విద్యుత్ ఉద్యోగులు సమ్మెకు దిగరాదని ఉత్తర్వుల్లో పేర్కొంది. నవంబర్ 10 నుంచి ఉత్తర్వులు అమల్లోకి వస్తాయని వివరించింది. కాగా ఇంతకు ముందు మే 10 నుంచి నవంబర్ 9 వరకు వర్తించేలా సమ్మె నిషేధ జీవో ఇచ్చింది. తాజాగా గడువు పొడిగించింది.
Similar News
News October 22, 2025
బిగ్ ట్విస్ట్.. హోల్డ్‌లో నవీన్ యాదవ్ నామినేషన్‌!
TG: జూబ్లీహిల్స్ ఉపఎన్నికలో కాంగ్రెస్ అభ్యర్థి నవీన్ యాదవ్ నామినేషన్‌పై ట్విస్ట్ చోటు చేసుకుంది. ఆయన నామినేషన్‌కు రిటర్నింగ్ అధికారి ఇంకా ఆమోదం తెలపలేదు. ఫామ్-26 తొలి 3 పేజీల కాలమ్స్‌ విషయంలో బీఆర్ఎస్ అభ్యర్థి మాగంటి సునీత అభ్యంతరం వ్యక్తం చేశారు. దీంతో వాటిని ఆర్వో నిశితంగా పరిశీలిస్తున్నారు. ఈక్రమంలోనే మళ్లీ పిలుస్తామని, వెయిట్ చేయాలని నవీన్‌కు సూచించారు. దీంతో INC శ్రేణుల్లో ఉత్కంఠ నెలకొంది.
News October 22, 2025
రష్మిక ‘థామా’ తొలిరోజు కలెక్షన్స్ ఎంతంటే?
రష్మిక-ఆయుష్మాన్ ఖురానా లీడ్ రోల్స్‌లో ఆదిత్య సర్పోదర్ దర్శకత్వంలో తెరకెక్కిన ‘థామా’ చిత్రం నిన్న ప్రేక్షకుల ముందుకు వచ్చిన విషయం తెలిసిందే. వ్యాంపైర్ థీమ్ కావడంతో ఆడియన్స్‌లో మూవీపై అంచనాలు పెరిగాయి. దీంతో ఫస్ట్ డే కలెక్షన్స్‌పై ఆసక్తి నెలకొంది. ఈ మూవీ తొలిరోజు ప్రపంచవ్యాప్తంగా రూ.25.11 కోట్లు కలెక్ట్ చేసినట్లు అధికారికంగా ప్రకటించారు. ఇది ధమాకా విజయమని నిర్మాణ సంస్థ మాడాక్ ఫిల్మ్స్ పేర్కొంది.
News October 22, 2025
గాయిటర్ గురించి తెలుసా?
థైరాయిడ్‌ గ్రంథి అసాధారణ సైజుకు పెరగడాన్ని గాయిటర్ అంటారు. ఇది రెండు రకాలు. థైరాయిడ్‌ గ్రంథి ఉబ్బడాన్ని డిఫ్యూస్‌ గాయిటర్ అని, థైరాయిడ్‌ గ్రంథిలో గడ్డలు పెరిగితే నాడ్యులార్‌ గాయిటర్ అని అంటారు. గొంతు దగ్గర బాగా ఉబ్బినట్లుంటే వెంటనే వైద్యులను సంప్రదించాలి. కొందరిలో మాత్రం థైరాయిడ్‌ హార్మోన్ల స్రావంలో హెచ్చుతగ్గులు వస్తాయి. నిర్ధారణ కోసం థైరాయిడ్‌ ప్రొఫైల్‌ పరీక్షలైన T3, T4, TSH, NFAC చేస్తారు.