News August 27, 2024
టెలిగ్రామ్పై బ్యాన్ తప్పదా..?
నేరపూరిత కార్యకలాపాల్లో అభియోగాలు రుజువైతే టెలిగ్రామ్పై భారత్లో కూడా నిషేధం తప్పదనే ప్రచారం జరుగుతోంది. దేశంలో 20 కోట్ల డౌన్లోడ్స్ ఉన్న టెలిగ్రామ్పై నకిలీ సిమ్ కార్డుల విక్రయం, సైబర్ మోసాలు, అశ్లీలత, నకిలీ పెట్టుబడి మోసాలు, కాపీరైట్ ఉల్లంఘనలు వంటి ఆరోపణలు ఉన్నాయి. దీనిపై భారత ప్రభుత్వం విచారణ జరుపుతోంది. తాజాగా CEO పావెల్ దురోవ్ అరెస్టుతో విచారణ వేగవంతం అయ్యే అవకాశం ఉంది.
Similar News
News January 13, 2026
ఖమ్మం: సంక్రాంతి సందడి.. కిరాణా షాపులు కిటకిట!
సంక్రాంతి పండుగ వేళ జిల్లావ్యాప్తంగా మార్కెట్లు జనసందోహంతో సందడిగా మారాయి. పిండి వంటల కోసం కావాల్సిన సామాగ్రి కొనుగోలు చేసేవారితో కిరాణా షాపులు కిటకిటలాడుతున్నాయి. బియ్యం పిండి, నూనె, బెల్లం, నువ్వుల విక్రయాలు జోరుగా సాగుతున్నాయి. పల్లెలు, పట్టణాలు అనే తేడా లేకుండా ప్రజలు భారీగా తరలిరావడంతో వర్తక వాణిజ్యాలు ఊపందుకున్నాయి. పండుగ వెలుగులతో మార్కెట్లు కళకళలాడుతున్నాయి.
News January 13, 2026
‘భర్త మహాశయులకు విజ్ఞప్తి’ రివ్యూ&రేటింగ్
పెళ్లైన వ్యక్తి ఓ అమ్మాయితో రిలేషన్ పెట్టుకొని భార్యకు తెలియకుండా ఎలా మేనేజ్ చేశాడనేది స్టోరీ. రవితేజ నటన, సునీల్, వెన్నెల కిశోర్, సత్య కామెడీ, మ్యూజిక్ ప్లస్. హీరోయిన్ పాత్రలకు ప్రాధాన్యం దక్కింది. ఆషికా రంగనాథ్ గ్లామర్ యువతను మెప్పిస్తుంది. కొన్ని సన్నివేశాలు సాగదీతగా అన్పిస్తాయి. స్క్రీన్ ప్లే, కథను నడిపించడంలో డైరెక్టర్ తడబడ్డారు. మూవీ క్లైమాక్స్ నిరాశకు గురి చేస్తుంది.
రేటింగ్: 2.25/5
News January 13, 2026
బ్రేక్ఫాస్ట్ స్కిప్ చేస్తే.. గుండెకు ముప్పే: వైద్యులు
రోజువారీ అల్పాహారం మానేస్తే గుండెపోటు ముప్పు పెరుగుతుందని వైద్యులు హెచ్చరిస్తున్నారు. గతేడాది 23లక్షల మందిపై జరిపిన పరిశోధనలో బ్రేక్ఫాస్ట్ మానేస్తే గుండె జబ్బుల ముప్పు 17%, స్ట్రోక్ ప్రమాదం 15 శాతం పెరుగుతుందని తేలింది. ‘దీనివల్ల హార్మోన్ల అసమతుల్యత ఏర్పడి రక్తపోటు, కొలెస్ట్రాల్ పెరుగుతాయి. బరువు తగ్గాలనుకునే వారు ఉదయం టిఫిన్ మానేయడం కంటే, రాత్రి త్వరగా భోజనం చేయడం మంచిది’ అని సూచిస్తున్నారు.