News March 17, 2025

1000 మందిని బలి తీసుకున్న బెట్టింగ్ యాప్స్

image

TG: బెట్టింగ్ యాప్స్ ఉచ్చులో పడి గత ఏడాది రాష్ట్రంలో 1000 మంది ఆత్మహత్యలు చేసుకున్నట్లు లెక్కలు చెబుతున్నాయి. మొదట లాభాలను ఎరవేసే మోసగాళ్లు ఆపై నిండా ముంచుతున్నారు. దీనికి సోషల్ మీడియా ఇన్‌ఫ్లుయెన్సర్ల ప్రమోషన్ తోడవ్వడంతో తారాస్థాయికి చేరింది. తాజాగా పలువురు నెటిజన్లు వీటిని వ్యతిరేకిస్తూ చర్యలు తీసుకోవాలని డిమాండ్ చేస్తున్నారు. వీరికి సజ్జనార్ తోడవ్వడంతో ప్రమోటర్స్‌పై ప్రభుత్వం చర్యలకు దిగింది.

Similar News

News November 29, 2025

కేసీఆర్ పేరు లేకుండా కవిత ఇంట్రస్టింగ్ ట్వీట్

image

TG: కేసీఆర్ ఆమరణ నిరాహార దీక్షకు 16 ఏళ్లు పూర్తయిన నేపథ్యంలో MLC కవిత ఆసక్తికర ట్వీట్ చేశారు. తన తండ్రి కేసీఆర్ పేరును ప్రస్తావించకుండా ‘ఒక యోధుని దీక్ష, అమరుల త్యాగం యావత్ తెలంగాణ జాతిని మేల్కొల్పింది. ఐక్యతా గీతమైంది. స్ఫూర్తిని నింపింది. ఉద్యమాన్ని విజయపథం వైపు నడిపింది. రాష్ట్ర సాధనకు దారి దీపమైంది. భౌగోళిక తెలంగాణ సాధించాం. సామాజిక తెలంగాణ సాధిస్తాం. జై తెలంగాణ’ అని పేర్కొన్నారు.

News November 29, 2025

సూర్యాస్తమయం తర్వాత గోళ్లు కత్తిరించుకోవచ్చా?

image

సూర్యాస్తమయం తర్వాత గోళ్లు కత్తిరించడం అపశకునమని హిందూ సంప్రదాయంలో భావిస్తారు. అయితే ఈ నియమం వెనుక ఓ కారణం ఉందని మీకు తెలుసా? పూర్వం విద్యుత్తు దీపాలు ఉండేవి కాదు. దీపాల వెలుగులో గోళ్లు కత్తిరించుకుంటే తెగడం, గాయాలు కావడం, కత్తిరించిన గోళ్లు ఎక్కడ పడ్డాయో తెలియకపోవడం జరిగేది. అలాగే పరిశుభ్రత కూడా లోపించేది. అందుకే ఈ ప్రమాదాలను నివారించడానికి, పరిశుభ్రతను పాటించడానికి ఈ నియమాన్ని పెట్టారు.

News November 29, 2025

రేపు, ఎల్లుండి అతిభారీ వర్షాలు

image

తెలంగాణలోని పలు ప్రాంతాల్లో ఇవాళ తేలికపాటి నుంచి మోస్తరు వర్షాలు పడే అవకాశముందని HYD వాతావరణ కేంద్రం తెలిపింది. రేపు, ఎల్లుండి మహబూబ్‌నగర్, నాగర్ కర్నూల్, వనపర్తి, నారాయణపేట, గద్వాల్ జిల్లాల్లో అక్కడక్కడ భారీ వర్షాలు కురుస్తాయంది. అటు ఏపీలో రేపు, ఎల్లుండి దక్షిణకోస్తా, రాయలసీమ ప్రాంతాల్లో భారీ వర్షాలు, కొన్నిచోట్ల అతిభారీ వర్షాలు కురుస్తాయని APSDMA పేర్కొంది.