News October 2, 2024
ఇరాన్ క్షిపణులను డిఫెండ్ చేయాలని బైడెన్ ఆదేశం
ఇజ్రాయెల్పై ఇరాన్ <<14246742>>దాడి<<>> నేపథ్యంలో అక్కడి పరిస్థితులను యూఎస్ అధ్యక్షుడు జో బైడెన్ వైట్ హౌస్ నుంచి పర్యవేక్షిస్తున్నారు. ఇరాన్ దాడుల నుంచి ఇజ్రాయెల్ను రక్షించేందుకు సహాయం చేయాలని, ఇజ్రాయెల్ను లక్ష్యంగా చేసుకున్న క్షిపణులను కాల్చివేయాలని బైడెన్ US మిలిటరీని ఆదేశించారు. కాగా ప్రతీకార దాడులను ఎదుర్కొనేందుకు తాము సిద్ధమని ఇరాన్ ప్రకటించింది.
Similar News
News February 9, 2026
గోత్రాలు ఎలా ఏర్పడతాయో తెలుసా?
గోత్రం అంటే మూల పురుషుడి నుంచి ఉద్భవించిన వంశం అని అర్థం. సంస్కృతంలో ‘గో’ అంటే వేదం, భూమి, ఆవు అనే అర్థాలున్నాయి. పూర్వం వశిష్ట, భరద్వాజ వంటి సప్తర్షుల పేర్ల మీద ఈ గోత్రాలు ఏర్పడ్డాయి. తమ వంశం ఏ గురువు లేదా మహర్షి ఆధ్యాత్మిక పరంపర నుంచి వచ్చిందో ఇది తెలియజేస్తుంది. కాలక్రమేణా ప్రముఖ వ్యక్తులు, పూర్వీకుల పేర్లతో కూడా గోత్రాలు వెలిశాయి. ఇది మన మూలాలను, వంశ గౌరవాన్ని గుర్తుచేసే ఓ పవిత్ర గుర్తింపు.
News February 9, 2026
వరిలో సల్ఫైడ్ దుష్ప్రభావం – తీసుకోవాల్సిన జాగ్రత్తలు
వరి పొలంలో ఉన్న మురుగు నీటిని బయటకు పంపి మళ్లీ కొత్త నీటిని పెట్టాలి. అమ్మోనియం సల్ఫేట్ వంటి ఎరువులను ఇలాంటి పొలాల్లో వాడకూడదు. 10 కేజీల స్వర్ణపాల్ సూక్ష్మ పోషకాల మిశ్రమాన్ని 100 కేజీల వర్మికంపోస్ట్లో కలిపి ఎకరం పొలంలో చల్లుకోవాలి. లీటర్ నీటికి నీటిలో కరిగే స్థూల పోషకాలు (19.19.19) 10 గ్రాములను, 3 నుంచి 5 గ్రాముల సూక్ష్మపోషకాలను లీటర్ నీటికి కలిపి వారం వ్యవధిలో రెండుసార్లు పిచికారీ చేయాలి.
News February 9, 2026
విమానాల నిర్వహణపై డిప్లొమా కోర్సు
TG: డిప్లొమా ఇన్ ఎయిర్క్రాఫ్ట్ మెయింటెనెన్స్ ఇంజినీరింగ్(AME) కోర్సును ప్రభుత్వం ప్రవేశపెట్టనుంది. వచ్చే విద్యా సంవత్సరం ఓ ప్రభుత్వ పాలిటెక్నిక్ కాలేజీలో ప్రవేశపెట్టి తర్వాత విస్తరించనుంది. ఒక్కో కాలేజీలో 60 సీట్లు ఉంటాయని తెలుస్తోంది. విమాన మరమ్మతులు, నిర్వహణ, సర్టిఫై తదితర అంశాల్లో శిక్షణ ఇవ్వనున్నారు. కొత్తగా సెమీకండక్టర్, ఆటోమేషన్& రోబోటిక్స్ వంటి మరో 9 కోర్సులు ప్రవేశపెట్టనున్నారు.