News February 13, 2026
BIG BREAKING: మెదక్లో హంగ్
మెదక్ మున్సిపాలిటీ పరిధిలో ఓట్ల లెక్కింపు పూర్తయింది. 32వ వార్డు ఏకగ్రీవం అవగా మిగతా వార్డు స్థానాలకు ఎన్నికలు జరిగాయి. ఓట్ల లెక్కింపు అనంతరం బీఆర్ఎస్ 15, కాంగ్రెస్ 14, బీజేపీ 2, బీఎస్పీ ఒక స్థానం సాధించాయి. 32 వార్డులు ఉండడంతో ఛైర్మన్ ఎన్నిక కోసం మ్యాజిక్ ఫిగర్ 17 కాగా ఏ పార్టీకి స్పష్టమైన మెజార్టీ రాలేదు. దీంతో ఛైర్మన్ ఎవరు అవుతారన్న ఉత్కంఠ నెలకొంది.
Similar News
News April 3, 2026
పాకిస్థాన్లో లీటర్ పెట్రోల్ రూ.458
పాకిస్థాన్లో ఇంధన ధరలు ఆకాశాన్నంటుతున్నాయి. నెల రోజుల వ్యవధిలో <<19319137>>రెండో సారి<<>> పెట్రోల్, డీజిల్ ధరలను అక్కడి ప్రభుత్వం పెంచింది. 42.7% పెరుగుదలతో లీటర్ పెట్రోల్ ధర 458 పాకిస్థానీ రూపాయలకు చేరింది. డీజిల్ రేటు 55% పెరిగి 520 PKRకి ఎగసింది. ఇవాళ్టి నుంచే ఈ రేట్లు అమల్లోకి వచ్చాయి. యుద్ధం వల్ల అంతర్జాతీయ మార్కెట్ ధరలు అదుపు తప్పాయని, దీంతో ధరలు పెంచక తప్పలేదని పెట్రోలియం మంత్రి అలీ మాలిక్ అన్నారు.
News April 3, 2026
ఈ నొప్పులతో థైరాయిడ్ను ముందుగానే గుర్తించొచ్చు
శరీరంలో కొన్నిభాగాల్లో వచ్చే నొప్పులు థైరాయిడ్ అసమతుల్యతకు సూచన అని నిపుణులు అంటున్నారు. సాధారణంగా థైరాయిడ్ హార్మోన్లలో అసమతుల్యత ఉంటే ఎముకలను బలహీనపరుస్తుంది. ఇది వివిధ ప్రదేశాలలో నొప్పికి దారితీస్తుంది. మెడ, దవడ, చెవి నొప్పులు తరచూ వస్తుంటే థైరాయిడ్ పరీక్ష చేయించుకోవడం మంచిది. వీటితో పాటు కండరాల నొప్పి, కీళ్లు, మోకాళ్ల నొప్పి ఎక్కువగా వస్తున్నా వైద్యులను సంప్రదించాలని సూచిస్తున్నారు.
News April 3, 2026
MDK: నీటి బకెట్లో పడి చిన్నారి మృతి
చిన్నశంకరంపేట మండలంలోని టీ. మాందాపూర్ తండాలో హృదయవిదారక ఘటన చోటుచేసుకుంది. ఇంటి ముందు ఆడుకుంటున్న 18 నెలల చిన్నారి ప్రణయశ్రీ ప్రమాదవశాత్తు నీటి బకెట్లో పడి ప్రాణాలు కోల్పోయింది. తండాకు చెందిన ప్రసాద్-తిరుమల దంపతుల కుమార్తె ఆడుకుంటూ వెళ్లి బకెట్లో పడిపోవడంతో.. గమనించే లోపే ఊపిరి ఆడక మృతి చెందింది. అల్లారుముద్దుగా పెంచుకుంటున్న చిన్నారి మరణంతో తల్లిదండ్రులు కన్నీరుమున్నీరవుతున్నారు.