News February 22, 2025
గ్రూప్-2 వాయిదా వేయాలని ప్రభుత్వం ఆదేశం
ఏపీలో రేపు జరగాల్సిన గ్రూప్-2 మెయిన్స్ పరీక్షలను వాయిదా వేయాలని APPSCని రాష్ట్ర ప్రభుత్వం ఆదేశించింది. రోస్టర్ విధానంలో లోపాలున్నాయంటూ కొద్ది రోజులుగా అభ్యర్థులు చేసిన అభ్యంతరాలను పరిగణనలోకి తీసుకుంది. అటు రోస్టర్ అంశంపై కోర్టులో ఉన్న పిటిషన్ విచారణ మార్చి 11న జరగనుండగా, అప్పటి వరకు వేచి చూడాలని ప్రభుత్వం భావిస్తోంది.
Similar News
News November 29, 2025
శ్రీలంకలో చిక్కుకున్న ఏపీవాసులు.. స్పందించిన మంత్రి లోకేశ్
AP: దిత్వా తుఫాన్‌ కారణంగా భారీ వర్షాలు శ్రీలంకను ముంచెత్తుతున్నాయి. దీంతో పలు విమానాలు రద్దయ్యాయి. ఈ క్రమంలో కువైట్ నుంచి ఇండియాకు వస్తున్న నెల్లూరు(D)కు చెందిన ఏడుగురు ప్రయాణికులు శ్రీలంకలోని కొలంబో ఎయిర్‌పోర్టులో చిక్కుకున్నారు. చెన్నైకి రావాల్సిన విమానం రద్దవడంతో రెండు రోజులుగా తీవ్ర ఇబ్బందులు పడుతున్నారు. వారిని వెంటనే APకి తీసుకొచ్చేందుకు చర్యలు తీసుకుంటున్నట్లు మంత్రి లోకేశ్ తెలిపారు.
News November 29, 2025
మునిషన్స్ ఇండియా లిమిటెడ్‌లో అప్రెంటిస్ పోస్టులు
మునిషన్స్ ఇండియా లిమిటెడ్‌ 50 అప్రెంటిస్ పోస్టులకు దరఖాస్తులు కోరుతోంది. ఇంజినీరింగ్ డిగ్రీ, డిప్లొమా అర్హతగల వారు DEC 10 వరకు ఆఫ్‌లైన్‌లో అప్లై చేసుకోవచ్చు. సివిల్, ఎలక్ట్రికల్, ఎలక్ట్రానిక్స్& టెలికమ్యూనికేషన్, మెకానికల్, ప్రొడక్షన్ విభాగంలో పోస్టులు ఉన్నాయి. NATS పోర్టల్‌లో రిజిస్ట్రేషన్ తప్పనిసరి. గ్రాడ్యుయేట్ అప్రెంటిస్‌కు నెలకు రూ.12,300, డిప్లొమా అప్రెంటిస్‌కు రూ.10,900 చెల్లిస్తారు.
News November 29, 2025
జీవన చైతన్యం కోసం ఈ విష్ణు నామం
యోగో యోగవిదాం నేతా ప్రధాన పురుషేశ్వరః|
నారసింహవపుః శ్రీమానం కేశవః పురుషోత్తమః||
విష్ణుమూర్తి యోగ స్వరూపుడు, యోగులందరికీ నాయకుడు. ఆయన ఈ చరాచర సృష్టికి ప్రధాన దేవుడు. ప్రకృతి, జీవులను నడిపించే పరమేశ్వరుడు. సింహ రూపాన్ని ధరించినవాడు. అందమైన కేశాలు గలవాడు. లక్ష్మీదేవికి భర్త అయిన ఆయన జీవులందరిలోకెల్లా ఉత్తముడు. ఆయనను స్మరించడం ద్వారా మనం మన జీవితంలో చైతన్యాన్ని పొందవచ్చు. <<-se>>#VISHNUSAHASRANAMAM<<>>