News January 3, 2025
24 గంటల్లో ₹2లక్షలు లాభపడ్డ BITCOIN
కొన్ని రోజులుగా డౌన్‌ట్రెండులో పయనిస్తున్న బిట్‌కాయిన్‌‌కు మళ్లీ మూమెంటమ్ పెరిగింది. కీలకమైన $92000 సపోర్ట్ లెవల్ నుంచి బలంగా పుంజుకుంది. గత 24 గంటల్లో $2393 (₹2L) లాభపడింది. ప్రస్తుతం $96,940 వద్ద కొనసాగుతోంది. మార్కెట్ విలువ 1.96% పెరిగి $1.91Tకు చేరుకుంది. ఎథీరియం 2.10% ఎగిసి $3,459 వద్ద చలిస్తోంది. XRP 1.63, SOL 3.67, DOGE 2.71, ADA 2.97, TON 1.41, SLM 4.77, SHIB 3.3, LINK 1.40% మేర ఎగిశాయి.
Similar News
News January 5, 2025
మాతృభాషను మర్చిపోతే మాతృబంధం విడిచిపోయినట్లే: వెంకయ్యనాయుడు
TG: ప్రపంచంలోనే రెండో ఉత్తమ లిపిగా తెలుగు నిలిచిందని మాజీ ఉపరాష్ట్రపతి వెంకయ్యనాయుడు చెప్పారు. HICCలో జరుగుతున్న ప్రపంచ తెలుగు మహా సభల్లో ఆయన ప్రసంగించారు. ‘వేష, భాషల పట్ల మనకు ఆత్మవిశ్వాసం ఉండాలి. కోపంలోనూ ఎదుటివారి మంచిని కోరుకోవడం మన సంప్రదాయం. మీ పిల్లలు చల్లగుండ.. మీ ఇల్లు బంగారంగాను అని తిట్టుకునేవారు. మాతృభాషను మర్చిపోతే మాతృబంధం విడిచిపోయినట్లే’ అని పేర్కొన్నారు.
News January 5, 2025
కొత్త రేషన్ కార్డులపై BIG UPDATE
TGలో కొత్త రేషన్ కార్డులను ప్రభుత్వం ఈ నెల 26 నుంచి జారీ చేయనుంది. ఇందుకోసం ఈ నెల 15 నుంచి దరఖాస్తులు స్వీకరించే ఛాన్సుంది. ఒకట్రెండు రోజుల్లో విధివిధానాలను ప్రభుత్వం ప్రకటించనుంది. అర్హతల్లో ఎలాంటి మార్పులు చేయకుండా, గత విధానాలనే యథాతథంగా కొనసాగించే ఛాన్సుంది. గ్రామసభలు, బస్తీ సభల్లో దరఖాస్తులు స్వీకరించి, ఆన్‌లైన్‌లో నమోదు చేస్తారు. ఇప్పటికే వచ్చిన 12 లక్షల దరఖాస్తులను ఆమోదించే అవకాశం ఉంది.
News January 5, 2025
HYDలో ఏపీ మంత్రి సెటిల్‌మెంట్లు?
ఏపీలో తొలిసారి మంత్రి పదవి దక్కించుకున్న ఓ నాయకుడు HYDలో జోరుగా సెటిల్‌మెంట్లు చేస్తున్నట్లు సమాచారం. ఆయన వ్యవహారాలు హద్దుమీరుతున్నాయని AP ప్రభుత్వాన్ని TG సర్కార్ అప్రమత్తం చేసినట్లు తెలుస్తోంది. TG భూవ్యవహారాల్లోనూ జోక్యం చేసుకుంటున్న ఆయన్ను అదుపు చేయాలని సీఎం CBNకు సూచించినట్లు వార్తలు వస్తున్నాయి. ఆయన వారంలో 3 రోజులు HYDలోనే ఉంటూ పంచాయతీలు, పార్టీలతో బిజీగా ఉంటున్నారని సమాచారం.