News November 7, 2024
BJP కార్యకర్తలు సిద్ధం కావాలి: కిషన్ రెడ్డి
తెలంగాణ సంస్థాగత ఎన్నికల కోసం పార్టీ కార్యకర్తలు సిద్ధం కావాలని కేంద్రమంత్రి, బీజేపీ తెలంగాణ రాష్ట్ర అధ్యక్షులు కిషన్ రెడ్డి పిలుపునిచ్చారు. కిషన్ రెడ్డి అధ్యక్షతన గురువారం సంస్థాగత ఎన్నికల పర్వం -2024, రాష్ట్ర స్థాయి కార్యశాల సికింద్రాబాద్‌లో నిర్వహించారు. జాతీయ సంస్థాగత ఎన్నికల అధికారి, రాజ్యసభ సభ్యుడు డా. కె.లక్ష్మణ్, ప్రధాన కార్యదర్శి చంద్రశేఖర్, ఎంపీ డీకే అరుణ, తదితరులు పాల్గొన్నారు.
Similar News
News December 13, 2024
HYD: పండుగలా నిర్వహించండి: కలెక్టర్‌
సంక్షేమ వసతి గృహాల్లో డైట్, కాస్మోటిక్‌ ఛార్జిల పెంపు ప్రారంభోత్సవ కార్యక్రమం పండగ వాతావరణంలో నిర్వహించాలని హైదరాబాద్‌ కలెక్టర్‌ అనుదీప్‌ దురిశెట్టి అధికారులను ఆదేశించారు. గురువారం డైట్, కాస్మోటిక్‌ ఛార్జీలు 40% పెంపు ప్రారంభోత్స ఏర్పాట్లపై ఎస్సీ, ఎస్టీ, బీసీ, మైనార్టీ సంక్షేమ శాఖ జిల్లా అధికారులు, ఆర్డీవోలతో సమావేశం నిర్వహించి దిశా నిర్దేశం చేశారు.
News December 13, 2024
ట్రాన్స్పోర్ట్, నాన్‌ ట్రాన్స్పోర్ట్ డ్రైవర్లకు భద్రత కల్పించండి
మరణించిన ఆటోడ్రైవర్లు, ట్రాన్స్పోర్ట్, నాన్‌ ట్రాన్స్పోర్ట్ డ్రైవర్లకు సామాజిక భద్రత బీమా పథకం రెన్యువల్‌తోపాటు, వారి కుటుంబాలకు అందించే రూ.5 లక్షలను రూ.10 లక్షలకు పెంచాలని INTUC నాయకులు మంత్రి పొన్నం ప్రభాకర్‌ను కోరారు. గురువారం మంత్రిని కలిసి ఈమేరకు వినతిపత్రాన్ని అందజేశారు. అలాగే ప్రమాదంలో అంగవైకల్యం చెందిన డ్రైవర్లకు రూ.3 లక్షల బీమా సౌకర్యాన్ని కల్పించాలని మంత్రిని కోరారు.
News December 12, 2024
జర్నలిస్టు రంజిత్‌కు జెగోమేటిక్ బోన్ సర్జరీ
నటుడు మోహన్ బాబు చేతిలో దాడికి గురైన జర్నలిస్ట్ రంజిత్‌కు ప్రైవేట్ హాస్పిటల్స్‌లో గురువారం జైగోమేటిక్ బోన్ సర్జరీ చేశారు. సర్జరీ విజయవంతమైందని, రంజిత్ ఆరోగ్యం నిలకడగా ఉందని వైద్యులు తెలిపారు. జైగోమాటిక్ బోన్‌కు మొత్తం 3 పొరల్లో ఫ్రాక్చర్స్ ఏర్పడగా.. సర్జరీ చేసి ప్లేట్‌లు అమర్చినట్లు వైద్యులు వెల్లడించారు.