News September 11, 2024
ఢిల్లీలో రాష్ట్రపతి పాలనకు బీజేపీ కుట్ర: మంత్రి అతిశీ
ఢిల్లీ రాజ్యాంగ సంక్షోభం ఎదుర్కొంటోందని రాష్ట్రపతికి BJP మెమొరాండంను సమర్పించడంపై మంత్రి అతిశీ మండిపడ్డారు. రాష్ట్రపతి పాలన విధించడం ద్వారా ప్రజా ప్రభుత్వాన్ని కూల్చేయడానికి కుట్ర జరుగుతోందని దుయ్యబట్టారు. అదే జరిగితే వచ్చే ఎన్నికల్లో ఆప్కు 70 సీట్లనూ కట్టబెట్టి కమలం పార్టీకి ప్రజలు గుణపాఠం చెబుతారని జోస్యం చెప్పారు. మహారాష్ట్ర, కర్ణాటక, మణిపుర్ ప్రభుత్వాలను కూల్చిన ఘనత BJPకి ఉందన్నారు.
Similar News
News December 6, 2025
కుల్కచర్ల: రాతపూర్వక హామీ ఇస్తేనే సర్పంచ్ పదవి !
కుల్కచర్ల మండలంలో సర్పంచ్ ఎన్నికల ప్రచారం సరికొత్త మలుపు తిరిగింది. నామినేషన్లు దాఖలు చేసిన 338 మంది అభ్యర్థులకు ఓటర్ల నుంచి ఊహించని డిమాండ్ ఎదురవుతోంది. ఎన్నికల హామీలను ఇకపై కేవలం మాటల్లో చెబితే నమ్మే పరిస్థితి లేదని తేల్చి చెబుతున్నారు. గ్రామ అభివృద్ధికి హామీలను పేపర్పై రాసి ఇస్తేనే సర్పంచ్ పదవి దక్కుతుందని స్పష్టం చేస్తున్నారు. దీంతో రాతపూర్వక హామీలపై అభ్యర్థులు తర్జనభర్జన పడుతున్నారు.
News December 6, 2025
MBBS ప్రవేశాల్లో బాలికలదే పైచేయి: మంత్రి
AP: ఈ విద్యా సంవత్సరానికి సంబంధించి GOVT, PVT వైద్య కళాశాలల్లో MBBS ప్రవేశాలు ముగిశాయి. ఇందులో 60.72% అడ్మిషన్లు అమ్మాయిలే పొందినట్లు మంత్రి సత్యకుమార్ యాదవ్ వెల్లడించారు. గత రెండేళ్లతో పోల్చితే వీరి ప్రవేశాలు 3.66% పెరిగాయన్నారు. 2023-24లో 57.06%, 2024-25లో 57.96%, 2025-26లో 60.72% మంది అమ్మాయిలు సీట్లు పొందారని చెప్పారు. స్కూల్ దశ నుంచే ప్రణాళికతో చదువుతూ ర్యాంకులు సాధిస్తున్నారని తెలిపారు.
News December 6, 2025
లైఫ్ సపోర్ట్పై ‘ఇండీ కూటమి’: ఒమర్
బిహార్ CM నితీశ్ NDAలోకి వెళ్లడానికి ఇండీ కూటమే కారణమని J&K CM ఒమర్ అబ్దుల్లా ఆరోపించారు. రెండేళ్ల కిందట కూటమి కన్వీనర్గా తన అభ్యర్థిత్వాన్ని కొందరు అడ్డుకున్నారని చెప్పారు. HT లీడర్షిప్ సమ్మిట్లో మాట్లాడుతూ ‘బిహార్ మహాగట్బంధన్లో JMM చేరలేదు. రేపు జాతీయస్థాయిలోనూ అది కూటమిని వీడితే తప్పెవరిది? ప్రస్తుతం మా కూటమి లైఫ్ సపోర్ట్పై ఉంది. కొందరైతే దాని కథ ముగిసిందంటున్నారు’ అని పేర్కొన్నారు.