News March 28, 2024
గూగుల్, యూట్యూబ్ ప్రకటనల్లో BJP టాప్
TG: రాష్ట్రంలో గూగుల్, యూట్యూబ్లలో రాజకీయ ప్రకటనలు ఇవ్వడంలో BJP టాప్లో ఉంది. FEB 1 నుంచి MAR 27 వరకు రూ.12కోట్లు ఖర్చు చేసిందని పొలిటికల్ అడ్వర్టయిజింగ్ ట్రాన్స్పరెన్సీ రిపోర్టులో గూగుల్ తెలిపింది. మొత్తంగా 11,613 యాడ్స్ ఇచ్చినట్లు పేర్కొంది. అన్ని పార్టీలు కలిపి రూ.30.2కోట్లు ఖర్చు చేశాయని వెల్లడించింది. వీడియోల రూపంలో రూ.24.4కోట్లు, ఫొటోల రూపంలో రూ.5.7కోట్లు వెచ్చించాయని తెలిపింది.
Similar News
News January 8, 2026
చలి పంజా.. జి.మాడుగులలో 2.7 డిగ్రీలు
తెలుగు రాష్ట్రాల్లో చలి పంజా విసురుతోంది. నిన్న ఏపీలోని అల్లూరి జిల్లా జి.మాడుగులలో అత్యల్పంగా 2.7 డిగ్రీల టెంపరేచర్ నమోదైంది. ఈ ఏడాది రాష్ట్రంలో కనిష్ఠ ఉష్ణోగ్రత ఇదే. అటు TGలోని ఆదిలాబాద్లో కనిష్ఠంగా 7.7 డిగ్రీల టెంపరేచర్ నమోదైంది. రాష్ట్రంలో రానున్న 3 రోజులు చలి తీవ్రత మరింత పెరగనుందని IMD తెలిపింది. ADB, నిర్మల్, ASFB, మంచిర్యాల, MDK, సంగారెడ్డి, కరీంనగర్ జిల్లాలకు ఆరెంజ్ అలర్ట్ జారీ చేసింది.
News January 8, 2026
పుష్ప స్టైల్లో స్మగ్లింగ్.. డీజిల్ ట్యాంక్లో ₹25 లక్షల డ్రగ్స్
ఇండోర్ (MP)లో Pushpa సినిమాను తలపించేలా సాగుతున్న డ్రగ్స్ స్మగ్లింగ్ను పోలీసులు గుట్టురట్టు చేశారు. ఒక ట్రక్కు కింద అచ్చం ఫ్యూయల్ ట్యాంకులా కనిపించే ఫేక్ డీజిల్ ట్యాంక్ను స్మగ్లర్ తయారు చేయించాడు. పోలీసులు దాన్ని ఓపెన్ చేయగా ₹25 లక్షల విలువైన 87 కిలోల డ్రగ్స్ బయటపడ్డాయి. నిందితుడు బుట్టా సింగ్ను అరెస్ట్ చేసి ఈ ఇంటర్స్టేట్ డ్రగ్ నెట్వర్క్ వెనక ఉన్న గ్యాంగ్ కోసం గాలిస్తున్నారు.
News January 8, 2026
ప్రభుత్వ ప్రకటనల్లో నాయకుల ఫొటోలు.. జోక్యానికి హైకోర్టు నిరాకరణ
AP: ప్రభుత్వ ప్రకటనల్లో మంత్రులు, అధికార పార్టీ నాయకుల ఫొటోలను ముద్రించడాన్ని సవాల్ చేస్తూ దాఖలైన పిల్ను హైకోర్టు కొట్టేసింది. ఈ వ్యవహారంలో జోక్యం చేసుకోలేమని తెలిపింది. సుప్రీంకోర్టు మార్గదర్శకాలను ఉల్లంఘించినవారిని శిక్షించే పరిధి హైకోర్టుకు లేదని స్పష్టం చేసింది. దీనిపై సుప్రీంకే వెళ్లాలని పిటిషనర్కు సూచించింది. కాగా విజయవాడకు చెందిన రైల్వే ఉద్యోగి కొండలరావు ఈ పిల్ను దాఖలు చేశారు.