News December 31, 2024
డెలివరీ బాయ్ అవతారమెత్తిన బ్లింకిట్ ఫౌండర్
ప్రముఖ గ్రాసరీ డెలివరీ యాప్ ‘బ్లింకిట్’ వ్యవస్థాపకుడు అల్బిందర్ ధిండ్సా న్యూఇయర్ విషెస్ చెప్తూ డెలివరీ బాయ్ అవతారమెత్తారు. గురుగ్రామ్‌లోని ఓ స్టోర్‌కు వచ్చిన ఆయన డెలివరీ బాయ్ డ్రెస్ ధరించి ఆర్డర్ పిక్ చేసుకున్నారు. అందరితో పోల్చితే కాస్త నెమ్మదిగా ఆర్డర్‌ను ప్యాక్ చేసినట్లు ఆయన Xలో పేర్కొన్నారు. డెలివరీ చేసేందుకు తనకెంత సమయం పడుతుందో చూద్దామంటూ చేసిన పోస్ట్ వైరలవుతోంది.
Similar News
News November 30, 2025
నేటి నుంచి రెండో విడత నామినేషన్లు
TG: పంచాయతీ ఎన్నికల రెండో విడత నామినేషన్లు స్వీకరణ ఇవాళ్టి నుంచి ప్రారంభం కానుంది. 4,333 పంచాయతీలు, 38,350 వార్డులకు నేడు నోటిఫికేషన్ వెలువడనుంది. మరుక్షణం నుంచే నామినేషన్లు దాఖలు చేయొచ్చు. డిసెంబర్ 2 వరకు నామపత్రాల స్వీకరణ, 3న పరిశీలన, 5న స్క్రూటినీ ఉంటుంది. 6న నామినేషన్ల ఉపసంహరణ అదే రోజు అభ్యర్థుల లిస్టును వెల్లడిస్తారు. 14న పోలింగ్ అదే రోజు ఫలితాలు ప్రకటిస్తారు.
News November 30, 2025
మళ్లీ పెరిగిన చలి
TG: రాష్ట్రంలో 2 రోజులుగా చలి తీవ్రత పెరిగింది. శుక్రవారం రాత్రి నుంచి శనివారం ఉదయం వరకు 19జిల్లాల్లో 12డిగ్రీల కంటే తక్కువగా ఉష్ణోగ్రతలు నమోదయ్యాయి. అత్యల్పంగా సంగారెడ్డి జిల్లా కోహిర్‌లో 7.8డిగ్రీల టెంపరేచర్ నమోదైంది. అటు దిత్వా తుఫాను వల్ల పలు జిల్లాల్లో ఇవాళ వర్షాలకు ఛాన్స్ ఉందని వాతావరణశాఖ తెలిపింది. ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో వానలు పడతాయని అంచనా వేసింది.
News November 30, 2025
మహిళలను ‘దీర్ఘాయుష్మాన్ భవ’ అని దీవించకూడదా?
స్త్రీలను ‘దీర్ఘాయుష్మాన్ భవ’ అని దీవించకూడదని పండితులు చెబుతున్నారు. ఎందుకంటే.. ‘దీర్ఘాయుష్మాన్’ అనేది సంస్కృతంలో పురుషులను ఉద్దేశించి వాడే పదం. దీనికి ‘దీర్ఘాయుష్షు కలవాడివి అగుగాక’ అని అర్థం. సంస్కృత వ్యాకరణంలో లింగాన్ని బట్టి పదాలు మారుతాయి. అందుకే స్త్రీలను దీవించేటప్పుడు సరైన పద ప్రయోగం అయిన ‘దీర్ఘాయుష్మతీ భవ’ అని దీవించాలి. దీనికి ‘దీర్ఘాయుష్షు కలదానివి అగుగాక!’ అనే అర్థం వస్తుంది.